Yasaqya 64:9 - NABUWWA KEE MALIKWA

⁹ YALLAW, kaxxam nee manqabinaay ni dambil faxe way nee makatayin. Nakkeemik ku ummatta kinninok, neh racmat.

Yasaqya 64:9 Referans Kwoze

Malaaki 1:4

Qiisok rade maray migaaqah Edom deqsitahiyya, «Ni magaalooli baateh immay ahak sarra tet xisenno» iyyaanam takkeh immay, YALLAY Nabaamak Nabahiyya keenik iyyaamah, «Xisaanamah wadir bututtukku keenik heeyyo. Ummat keenik intu waytaamah, ‹Edom-mari makari leela; YALLIH naqbi ken amok makata› axcelon».

Cabakkuk 3:2

YALLAW, duma abtem kok oobbeh. Migaq gexxo le Dagelta kinnitom, YALLAW, aaxigeh. YALLAW, kok abto digga haa; duma-abtem cubbusa waqdi, qagabsitah, qagab axce. Kaxxa abittoy dumah abte, ni dabaanal kaadu qagis. Isi qande nee uybulluyaay isi bagcarrak nee cataay, isi racmatta nel oobis.

Ermiyaas 10:24

Tonna'mmay YALLAW, isi mara umaanek gacis. Abba hannaanimil nee makataatin. Bagcarritta waqdi digaalak nee cat. Abba hannaanimil nee katatteeh, bagcarritta waqdi nee digaaltek, wonnal baatik sa qamballam mannu.

Ermiyaas 3:12

«Tohuk kalah yok iyyemii, ‹Gexay Israayil-mari yaabbeeni'gidih, kilbat fanah deero ab. Intaamah: YALLI iyyaamah, Imaan maleelah tan Israayil xayloy! Amay yol uduura. Racmatta le Dagelta kinniyooh, sin assacakke way siinil aduureyyok, yol uduura. Tah intam yoo YALLA.

Yasaqya 63:19

Mango waktih, atu amoyta akak suge wayte marih inna gacne. Ku migaaqal muggaaqise waan mara nekke.

Yasaqya 60:10

Qagisak teetik iyyaamah: «Koo inqibeeh koo digaaleh suge'mmay, koh liyoh an kacanu kee inni racmatta koo aybulleemih sabbatah, allak yemeete mari ku gasoosa xisele; ken malikwa ku taamat gacele.

Yasaqya 57:17

Oson aban dambi kee bukko kee guqulul adoobitak sugeenimih sabbatah, ken inqibeh sugeeh, tonna leemiik ken digaaleeh darre keenit cabe. Keenih tu gactek, yab aabbe waa maray isinnih faxem abahiyyak sugen.

Yasaqya 43:25

«Tah inkih abtaanam siinik abaluk, abtan dambi siinik luuqusa Dagelta kinniyo. Toh siinih akah abam, inni migaaqih taaga. Tohuk gexxaamah edde assen umaane kassitak maraaqa.

Yasaqya 63:8

YALLI, «Oson yi maraay; yi xayloy yoo make wayta kinnon» iyyeeh, tonna leemiik ken wadeena yekke.

Ermiyaas 44:21

«Sin kee sin kaxxa abbobtiiy, sin malikwa kee siinik saqoltih yan mara kee, wohuk kalah tan ummata, Yuudâ-magaalooli kee Yarusalaam-gititteh addal abak sugen sadgat YALLI mahawweeninna'mmay, hawweenem makkalina. YALLI isin woh abak sugteenim aaxige waak yenem makkalina.

Yacedkel 29:16

Israayil tohuk wadir ken catol kibaal haanamak raaqele. Israayil, Masrik ellecabo tabalu wayta saaku, Masril hayteh sugte kibaal qellat kinnim isik aaxigele. Israayil mari YALLAY Mulki lehiyya kinniyom, too saaku yok aaxigele» iyye.

2 Malikwa 25:9

Too waqdi YALLIH Qibaadah-Qari kee malik-qari kee kaxxa-marih-qarwat inkih gira ruube. Meqe xisne le aroocat inkih gira ruube.

Yasaqya 63:18

Dago waktih gide ku mari ku aracay taahirik yani luk sugeeni'mmay, ni naqboytit awayih ibak too aracay koo elle yaqbudeenit yeeqeten.