Yasaqya 64:11 - NABUWWA KEE MALIKWA

¹¹ Ni Qibaadah-Qariy taahirik yeneeh qax-muquk yeney ni kaxxa abbobti koo elle aqbuduk tenehiyyat gira ruuben. Kicinuk sugga inne arooca inkih abuuruh raqte.

Yasaqya 64:11 Referans Kwoze

2 Malikwa 25:9

Too waqdi YALLIH Qibaadah-Qari kee malik-qari kee kaxxa-marih-qarwat inkih gira ruube. Meqe xisne le aroocat inkih gira ruube.

2 Aydaad 36:19

Magaalat maroh sugte gasoosa bututtukka hee. Magaalaay, Yallih Qibaadah Qariiy, magaalal suge doolat-buxaaxi kee addal akak sugte duyye cararise.

Yacedkel 24:21

Israayil marak intaamah, ‹YALLAY Mulki lehiyya siinik iyyaamah: Ama yi Qibaadah-Qarit kaxxam takkaleeniih intih wagittaanam siinit meqeeh, kaa fan gexxaanam kaxxam kicintoonuh immay, yooy YALLAH yani ama qari nadaasa abba heeleeh; too magaalal raqta say xaylo kee lab xaylo siinik seefit ambaxele.

Ermiyaas 52:13

Too waqdi YALLIH-Qibaadah-Qari kee, malik-qari kee, kaxxa-marih-qarwat inkih gira ruube. Meqe xisne le aroocat inkih gira ruube.

Yacedkel 24:25

Yalli yok iyyeemih, «Bani-adantow, oson kaxxam edde akkaluk yenen yi Qibaadah-Qari keenik beeyyo; intih wagtaanam kee adda akak culaanam keenit muquk tene'mmay intik keenik kaleyyo. Say-xaylo kee lab-xaylo ken waysiiseyyo.

2 Aydaad 7:6

Too waqdi seeka, keenih yeexegen aracal solteeh, Leewih yooboke mari kaadu foocah keenit afkanuk soole. Too waqdi Leewih yooboke mari saareh yaaguren duyyeeyay Dawud keenih bicsiise yoogoren. Dawud abeh cabe saare edde heen. Saareh iyyeenimii, «YALLIH kacani mayamurruqa, kay kacani waarah yan kacanu» axcuk YALLA saarisen. Too waqdi raqqa 'ye mari soolak yeneeh; seeka baanta aagaruk ten.

2 Aydaad 7:3

Israayil ummatay wokkel sugtehiyya qaraanak gira oobah tubleeh, YALLIH nabna yaybulle noori qari duudusem yublen waqdi, baaxok bagul Yallih qibaadah gommoh radeeniih, sarrak kaa fayliseeniih, «YALLI maqaane le Goytak, candu kaah gacisa, ummatey! YALLIH kacni mayambaxak, tohul candu kaah gacisa» axcuk kaa saarisen.

2 Aydaad 6:4

Tohuk lakal iyyeemih, «YALLAY Israayil doore Dagelta kinnihiyya fayla taafay. YALLI isi gabat yi abbah abe xagna duuduse. Yalli dumah yan saaku yi abbak iyyeemih,

1 Malikwa 8:56

Sarrak kaadu qagseh, «YALLI isi naqasuh yan Muusal oobise meqe qahdi inkih duuduseh. YALLAY, akah inxicca 'ye innah, isi ummattah wagari kee amaan yeceehiyya fayla taafay.

1 Malikwa 8:14

Sarrak inkih tan Israayil ummatay soltahiyya fan ufkunna 'yeh, dooqa keenih abe.

Yasaqya 63:18

Dago waktih gide ku mari ku aracay taahirik yani luk sugeeni'mmay, ni naqboytit awayih ibak too aracay koo elle yaqbudeenit yeeqeten.

Zakariyya 1:12

Too waqdi YALLIH-malaykatti, YALLAK iyyeemih, «Nabaamak Naba YALLAW, taham fanah Yarusalaam magaala kee Yuudâ magaaloolil tan ummatah malcina-tabanih sanatih gide naqabut sugte. YALLAW, ahaysa ku racmatta keenil obtu waytam maa saaku?» iyye.