Yasaqya 61:7 - NABUWWA KEE MALIKWA

⁷ Ahaysa wacarriy kee qaybik-radiyyak assaaqetton; luk sugten gaddal namma afah yaduure gadda geettoonuuh, qililisetton. Tonnal isinni baaxol assamaaqat xiinetton; amurruqe sinni rufto geetton.

Yasaqya 61:7 Referans Kwoze

Zakariyya 9:12

Yol kibaal haa maraw, ahaysa reebu edde geytan arac fan uduura. Taqabik abba hayteenih gidek muxxi barkat siinit heeyyo.

Yasaqya 40:2

*Yarsalaam xaylo lih yaaba; racmatta luk ken lih yaaba: ‹Mango biyak siinit yekke, mango waktih biyaakitten; aysa, biyak akket yaade. Abba hayten dambih inkih, dudda luk sin 'kah digaale; aysa dambik qafu geyten› 'yaanam inxica, warisa» 'yaanam iyye sin Dagelti.

2 Malikwa 2:9

Tokkel Eliyyas Eliisaqak iyyemii, «Yoo beyaanamak dumal, maca koh abam faxxaa?» kaak iyye. Eliisaq kaal gacsemii, «Yalli koh yecee roocaaniyyak aki nabuwwah teceemik, namma gide yoh ucuy» kaak iyye.

Yasaqya 51:11

YALLI wade mari Siyon fanah aduurele; Siyon fanah qililisak africuk aduurelon. Too saaku aben farcatah kulli waqdi africelon. Cisab kee nadaama mayablan.

Yasaqya 35:10

YALLI wade mari Siyon fanah aduurele; Siyon fanah qililisak africuk aduurelon. Too saaku aben farcatah kulli waqdi africelon. Cisab kee nadaama mayablan.

Yasaqya 54:4

Qunxuk ten saaku kot rade biyak kot maqagitaay, gubnah innah edde sugte dibuukitiyyak katettoomih sabbatah, ahaysa qaybik maradda'mmay mameysitin; qaybik koo maqidaana'mmay niya isik margaqin.

Yasaqya 60:21

Ummatta cakkik-tan-taamah taamitele; baaxo kulli way kenim akkele. Liyoh an qax-maqaane keenil elle tambulle'gidih, ken bicisseeh ken daabissem yoo.

Yasaqya 65:13

YALLAY Mulki le tah yubleeh too way tannah siinik iyya. «Yi naqoosa maqululta; faxeenim maaqok akmelon; siinih gactek qululetton. Yi naqoosay yoh taamitta leê-waytih mabakaaritta; siinih gactek bakaaretton. Yoh taamitta yi naqoosa ruffa axcele, tassa axcele; siinih gactek gamoometton; wacarriyih gamoometton.

Zakariyya 8:12

Awayî-mari isi buqre amaanah abqurele. Qinab coox mango xaylo keenih xalele; baaxol mango daro keenih aabukeleeh, qaraanak rob radele. Ahaysa yi marak raqte saaboh too niqmat aceeyyo.

Yasaqya 60:15

Koo maaqileenih koo yinqibeenih sugeenih, dibuukuyitteh abur tekkeh sugte'mmay, kaxxa magaalay qaxmeqe koo abeyyo. Kulli way farci elle yan magaala koo abeyyo.

Xafanya 3:19

Xukko siinit abe mara, edde digaala uddur xayih; maxeeriiy, ahaysa xayih. Kos iyya maray boola le edde wadu waa uddur xayih; maxeeriiy, ahaysa xayih. Fixixiseh suge mara le baaxo fanah gacseyyo. Sinam keenit abta qaybik, nagay ken saytunuseyyooh kaxxa mara ken abeyyo. Qaybi yibbixe baaxooxal, migaq akak yaabben maray faylisaana ken abeyyo. Tohum edde abu waa wakti, maxeeriiy, ahaysa xayih.