Yasaqya 61:1 - NABUWWA KEE MALIKWA

¹ Masaakiinah yayse-xaagu warsa'gidih YALLAY Mulki le yoo dooreh isi Roocaaniyya yot hee. Tonna luk niya akak tiddigille mara niya haa'gidiiy seewah been marak curri aba'gidiiy casbit yan mara casbik ayyaaquuy YALLI yoo dooreeh farmoh yoo ruube.

Yasaqya 61:1 Referans Kwoze

Yasaqya 42:7

Inti maleela inti geysiisetto; casbit yan mara casbik ayyaaqetto. Ditet yan mara woo casbik ayyaaqetto» iyye.

Yasaqya 42:1

YALLI iyyemii, «Aham kaana: Yi naqasuy innih dooreeh, ossokoote. Inni gabat kaa dacrisa. Inni Rooci kaah eceeh an. Baadal inkih tan ummatah, qadaalat usuk baahele; numma-le-meklah meklele.

Yasaqya 57:15

Macaay inteenik, daga raaqa *kudduusuk yan Dageltay kulli way waarahiyya iyyaamah: «Elle anim daga raaqah kudduusuk yan araca'mmay, toh lih kaadu yoh rammitaah toobita mara lih anyo. Ken lih akah anim, kibaal kee niya keenit haa'gidi.

Yasaqya 49:9

Casbit yan marak, currih gexxaasita, axcettooh, ditet yan marak, iful eweqa, axcetto. «Giti qaxal baraya illih innah, gacelon; koomaamil yaloole illi akkelon.

Yasaqya 48:16

Tonna'mmay ta way kabba 'xicaay anu axcem oobbeya. Dumaak qellite sinni yaabah sin lih yaabak sugeeh; edde yabba axcem inkih nummak macsiisam yoo» iyye. A saaku YALLAY Mulki le isi Roocaaniyya yot heeh yoo ruube.

Hosiqa 6:1

Ummat intaamah, «Ahaysa YALLAL nadaaru wayna. YALLI nee biyaakeh immay nee qaffoysele. Nee mudeh immay dale neh urusele.

Yasaqya 59:21

YALLI qagseh iyyaamah, «Dambik toobite mara lih haa qahdi ah kaana: inni baritto kee inni Roocaaniyya kot haa. Tonna leemiik tahak wadir ellecaboh ayro fanah, kooy ku xaylo kee keenik radu waa mara kaadu yi baritto oggolettoonuh, barsetton. Taham intam yoo YALLA» iyyah yan.

Daaniyel 9:24

Ku magaalay taahirik tani kee ku ummattah, waktik malcina-tabanih waqdi malciin-gide keenih yeexege. Too waktih addat Yalli aben umaane kaleleh, dambi cabeleh, amri-cinak qafu abele. Tonnah kaadu, way kate sinni qadli gaceleeh; yublen suwaawur kee akkele akak inxicca 'yeenim inkih nummak maaciseleeh; taahirik tanim askutelon.

Yasaqya 66:2

Ahim inkih anu innih gineeh, tonnal tekke. Takkay immay anu kiciyyom, rammitaah dambik toobita maray anu excem yok meysitak oggolahiyya.

Ermiyaas 34:8

Malik Xidkiya kee Yarusalaam magaalah mari, Qibraanah yooboke maray ken marah yenehiyyak labim kee sayimiy naqoosah yeddereenih yeneenihiyya, curri abaanaah gexxaasitoonay ken iyyaanamal titta geen.

Yasaqya 52:9

YALLI isi magaala umaanek wadeh yaniih, isi ummattat niya heeh yanik, Yarusalaam magaalay abuuruh sugtek, away satta le gaditte ab.

Yasaqya 29:19

Rammita mari, YALLAT kaxxam ruffa axcele. Israayil doore Dageltay kudduusuk yanihiyyat, masaakiina ruffa axcele.

Yasaqya 30:19

Isin Yarusalaamal yan marak ahaysa ruffa inteenih maweqtan. Yalla kallactan waqdi, siinih amqeleeh; cato kaal essertan waqdi, sin catele.

Yasaqya 30:26

Alsa ifuh ayroh innah gaceleeh, ayro kaadu ifuh malcina adda dumak lafitta axcele. Malcina ayroh ifuy yesgelleenihiyyah bis aallele. Aham takku waytam, YALLI isi mara abeh yan biyaakak edde qaffoysu waa saaku.

Yasaqya 32:7

Xuwaw sinni anaani-leela umaanet assa. Tu maleela edde baysan dirab kee masaakiina cakki edde waysiisan malat gacan.

Yasaqya 40:9

*Yarsalaamah warsa numow, meqe xaagu teetih waris. Fayya le qale fan gexay, amol bukka akak inxicay, ta xaaguy ayti doogisa, warisay, awadah inxic. Siyoonuh, anay fayya haay, a xaaguy ayti doogisa, teetih waris; awadah 'cuy. Fayya hay, anay fayya haay, teetik 'xicay, mameysitin. Yuudâ-magaaloolih marak, «Sin Goyti yamaateh» inxic.

Yasaqya 52:7

Farmô-numuy qaleelak taturra 'yeh wagari xaaguy meqehiyya gabat lehiyya tableenim manxu meqeeh; too num waddiimaanam sinaamah warsaah, Siyon marak iyyaamah, «Sin Dagelti maliki» keenik iyya.

Yasaqya 57:18

Ken taama ableh immay, innih ken uruseyyo. Innih ken miraaciseyyooh ken cateyyo. Rookat yan marat niya heeyyooh, yok iyyaanam ken afat heeyyo. Xer ikke kee xayi ikkel yan marah inkih, kaxxa amaan aceeyyo. Inni mara innih uruseyyo» 'yaanam iyya YALLI.

Miika 3:8

Nabi Miika iyyeemih, «Yoh tu gactek, YALLI isi Roocaaniyya dudda luk yol oobiseeh, isi qande yot hee. Qadaalatah tanim yoo yuybulleeh, Israayil mari aba dambit inti qasuk keenih edde warisa dudda yoh yecee.

Ermiyaas 52:33

Tonna leemiik casbi sartanay edde sugehiyyak kaa kaleeh, meqe sartanat kaa hee. Sarra, isih elle adoobita ikkel, maaqo kaa'lih yakmeemih idni kaah yecee.