Yasaqya 60:16 - NABUWWA KEE MALIKWA

¹⁶ Doolatwa kee malikwa meqe'nnal koo dacrisele. Too waqdi yooy YALLAH yani koo wadem aaxigetto. Xixxibaanek koo yeyyeeqe Dagelta kinniyom aaxigetto. Yaqkuub doore Dageltay cayla le kinniyom aaxigetto.

Yasaqya 60:16 Referans Kwoze

Yasaqya 49:23

Malikwa, abbobtih inna siinih akkeleeh; malikwah-agbi inonti siinih akkele. Massakaxxah gommoh siinih radelon. Isinni ayqunxuk, sin aynabelon. Tonnal anu YALLA kinniyom aaxigetton. Yol kibalsita numuk niya margiqa» iyyah yan.

Yasaqya 66:14

Aham akkih tablen waqdi ruffu axcetton. Qande kee qaafiyat akak geetton. Hay tonnal, YALLI isi naqoosa cataah naqboytit naqabu yaybulleem, kulli num aaxigele.

Yasaqya 61:6

YALLIH seeka siinih axceloonuh; ni-Dageltih-taamat gace mara siinih axcelon. Doolatwa tedderem sinim akkeleeh; wohul kaxxiinitetton.

Yacedkel 34:30

Israayil ummat dacrissam yoo kinnim kulli num aaxigeleeh; oson yi mara kinnoonum kulli num aaxigele. Tahat yabtam yoo YALLAY Mulki lehiyya.

Yasaqya 59:20

YALLI iyyaamah, «Dambik toobite marah kalalu kee cato yakke'gidih, wadeeni Siyon fan amaatele» iyya.

Yasaqya 1:24

Tonna'mmay YALLAY Nabaamak Nabahiyya, Israayil doore Dageltay Mulki le kinni. Kaay Goytah yani iyyam leh, «Yi naqboytiitey, ahaysa cane siinil gacseyyooh; tahak wadir taqabi yol matakkan.

Yasaqya 12:6

Siyoonul geytima maraw, qililisa; ruffa 'xica. Israayil doore Dageltay *kudduusuk yanihiyya yan. Ni fanat tanim kaa kinni. Nabna leeh, muxxo lem kaa» 'yaanam axcuk too-ayroora Yallih mari Yallih migaq fayliseleeh, saarisele.

Yasaqya 19:20

Too aracay sadgat elle abaana kee qamiddi, YALLAY Nabaamak Nabahiyya Masril yaniimih asta akkele. Tokkel yan marat xukko takku waytaah YALLAL cato esseroonu waan saaku, wakiiliy ken catu waa keenih ruubele.

Yasaqya 25:9

Aham takku wayta saaku kulli num, «YALLI ni Dagelta kinnih, kibaal kaal hayneh, nee wadeh. Yalli kaa kinnih, kaa naamineh. Nee waddem kaa kinnuk, nafriceemiiy wallinnaama» axcelon.

Yasaqya 29:24

Too saaku yab ayti akak cule waak sugte hawri-maleela yaabat radele; bagi cubbi geelon. Kulli way ceele-wayto baahak suge mari meqem bartele» iyyah yan.

Yasaqya 33:22

YALLI ni cokmaabe; madqa isih neh yayyaaqe. Ni malik kaa; nee waddu waytam kaa.

Yasaqya 43:11

YALLI dibuk yooy; yok kalah Yalli mayan; yok sah wadoot akak geytan Yalli mayan.

Yasaqya 45:15

Israayil doore Dageltay ken wadehiyyaw, atu nummah is yaaqure Dagelta kinnito!

Yasaqya 45:21

Amaay, waytaanam cokmi-buxal haysita. Yistikyen maraw, intoonu waytaanam sitta lih malisa. Sarra takku waytaamat dumaak yabtem yoo. Ahat yabtem yoo YALLA; yok sa Yalli mayana. Anu gital tanim aba Dageltaay; wadeena kinniyooh, yi'nnah tanim matana.

Yasaqya 60:17

«Nacaas aftok, dahab koh baaheyyo; biriita kee bocoh aftok, lakqo kee nacaas koh baaheyyo. Xeet aftok, biriita koh baaheyyo. Ku addal xintoh abbobtih yan mari ahak wadir kot maxukkuta. Qadaalat kee amaanah koo xiinisa mara ken abeyyo.

Yasaqya 63:8

YALLI, «Oson yi maraay; yi xayloy yoo make wayta kinnon» iyyeeh, tonna leemiik ken wadeena yekke.

Yasaqya 63:16

Ni abba koo. Ni kaxxa abbobti Abraahim kee Israayil nee maaxaginna. Takkay immay YALLAW, ni abbay kulli way nee wada kinnito.

Ermiyaas 15:21

Umeynit kee sarri-leelak anu innih koo cateyyo; inni dacayrit koo heeyyo. Tahat yabtam yoo YALLA» yok iyye.

Yasaqya 49:26

Siinit xukkuta mari titta akmeloonuuh; sittak caxen qabala yaaquboonu waan waqdi, kamri yooqobe marih innah askirelon. Too waqdi baadal eneyya 'ya mari, anu YALLA kinniyom aaxigele. Sin wadaah xixxibaanek sin yeyyeeqe Dagelta kinniyom aaxigelon. Yaqkuub-Dageltay cayla le kinniyom aaxigelon.»

Yasaqya 52:6

Tonna'mmay yamaatu waa dabaanal yi mari anu Yalla kinniyom aaxigeleeh; too ayro, ‹Wagitey ah yoo› intam yoo kinnim aaxigelon» iyyah yan.