Yasaqya 60:13 - NABUWWA KEE MALIKWA

¹³ Yi qariy taahirik yanit qax-maqaane haana'gidiiy too qari elle yan magaalah migaq fayya haana'gidih, Lubnaan rasuk nabam meqe coox koh baahelon.

Yasaqya 60:13 Referans Kwoze

Yasaqya 35:2

Birro kaxxa ubkah aabukele. Bakarroytah ten baaxo farcatah qililisele. Too baaxo Lubnaan le nabna geeleeh, Karmel kee Saaron deqsitta baaxo le qaxa geele. Sahda YALLAY ni Dageltah yanihiyyah-nabna kee qaxa ablele.

1 Aydaad 28:2

Too mari inkih elle gaaboowe ikkel, Dawud foocal keenik solla iyyeh ken lih yaabe. Keenik iyyeemih, «Yi baaxoh ummatey, siinik axcem yok oobbeya. YALLIH Qahdih-Sanduguy kay ibih mattaaqatta kinnihiyya elle hayna'gidih, Qibaadâ-Qari xisam faxak suge. Inni Dageltah nabnah, kay Qibaadah-Qarih cato, bica naharal elle abeh suge.

Yasaqya 66:1

YALLI iyyaamah, «Qaran yok daffeyna korsi. Baaxo yok ibih mattaaqatta. Hay tonnal, elle gaca'gidih yoh xissoonu waytaanam, mannah yan qariy? Anu elle affoofu waa arac, mannah yan aracay?

Yasaqya 55:13

A saaku waaqeexa elle tan aracal, saagan aabukele; sibaasib elle yan aracal, ceba aabukele. Taham, YALLA elle kassitan waarta asta takke» iyyah yan.

Qedra 7:27

Qedra too warkatal tanim yuble waqdi iyyeemih, «YALLAY ni kaxxa abbobti elle aamanuk sugte Dagelta kinnihiyya fayla taafay. Yarusalaamal yan kay Qibaadah-Qari malik akah yassakaxxe innah abtem YALLA.

Yasaqya 60:7

Keedar kee Nebayot mari illik elli haam sadgatah ku fan baahelon. Yoo ruffu haana'gidih, sadgatah asguudeloonuh; anu too sadgat keenik oggoleyyo. Tonnal yi qariy bilqa lehiyya qax-meqe bilqak kibeyyo.

Yacedkel 47:7

Wokke gufe waqdi weeqaytuk a qaxa kee woo qaxal mango coox uble.

2 Aydaad 2:15

Toh tiyaay, tonna leemik anu a num koh ruubah ani'mmay, atu koh ruubeyyo inte kamadi kee gabru deqsitta daro kee qinabak bicsen kamri kee caxâ xaylok bicsen *zeyti (saliid) neh ruubetto.