Yasaqya 60:12 - NABUWWA KEE MALIKWA

¹² Takkay immay koh taamite wayta doolatwa bayele; ken baaxo abuuruh raaqele.

Yasaqya 60:12 Referans Kwoze

Yasaqya 54:15

Qeebi kot abu waa mari yi amrik kot abem madeqsita; qeebi kot abu waa mari ku gubah gacele.

Daaniyel 2:35

Woo waqdi woo birta kee kallaay, nacaasaay lakqo kee dahab inkih, inki-adda caffa tekkeeh, caacay woo caffak raat cabe'kal inkih beeh. Takkay immay woo kaxxa xaa, baaxo inkih dudda qale yekke.

Yasaqya 41:11

«Sin niqba mari nasri wayya heeh, wacarriy ken abbixelem digga. Sin biyaakah ugte mari bayeleeh suge weeh innah gacele.

Yasaqya 14:2

Gersi-baaxoh-mari, Israayil marah isi baaxo fan yaduureeni'gidih cato abelon. Tokkel, YALLI isi le baaxol, woo marak labim kee sayim Israayil marih buxaaxih addal taamitelon. Duma Israayil mara qeebit yibbixeh suge mari, ta saaku ken gabat antixibbixele. Tonnal Israayil mari duma keenit xukkutak suge marak reedah amol gacelon.

Ermiyaas 12:17

Takkay immay faxe ikkekiiy yanoonay yi yab cineenik, ragidiik ken bayseyyo. Tah intam yoo YALLA» iyye.

Daaniyel 2:34

Atu woh wagitak sugte waqdi, kaxxa xaa, num gabah kaa xage'kal, qalek baxsimma 'yeeh, rade. Woo ceeloh-ibay kalla kee birtak bicseenihiyyat boodeeh butukku hee.

Daaniyel 7:18

Takkay immay keenik lakal, Yallay inkih daga raaqahiyyah ummatta too abbootan geeleeh; woo abbootan ken gabak way makata› yok iyye.

Daaniyel 7:27

Addunyal enna 'ya marih xintoh qande kee nabna, Yallay inkih daga raaqahiyyah ummattah aceelon. Ken daadarinni, ambaxe sinniih waara daadarinna. Xintoh abbobtiy a addunyah bagul enna 'tahiyya inkih ken akdumelon, amri keenik oggolelon› yok iyye.

Zakariyya 9:10

Israayil mari le faaris-gaariiray carbi edde abaanahiyya keenik bukkuseyyo. Yarusalaamak carbi edde aban faroosa kaleyyo. Carbi edde aban gayse kee gaysê-xaylo ken waysiiseyyo. Sin malik baadal tan ummat wagrisele. Kay abbootan badak a af kee woo af takke baaxo duudusele. Furaat weeqaytuk xabba haanam kee baaxô-maggaraqah amma yaanam duudusele» iyye.