Yasaqya 60:1 - NABUWWA KEE MALIKWA

¹ Yarusalaamey, ifi kol ifseemih sabbatah ugutey ayroh innah ifey; YALLIH nabna kol ifta.

Yasaqya 60:1 Referans Kwoze

Yasaqya 58:8

Toh abteenik, qusba-mano, saaku tawqe ayroytah innah, siinil ifele; liton dalek xayih uretton. Liton qadaalat sin dacriseleeh, anu liyoh an nabnat kulliimik sin dacrisele.

Malaaki 4:2

Siiniy yok meysitak yoo yaynabehiyyah tu gactek, sin catu waa ayro siinih awqeleeh; qaafiyat geettoonuuh, waddiimetton. Too waqdi ogok yifdigen rugaageh innah digiritetton.

Yasaqya 9:2

Ditet tan ummat kaxxa ifu ablele. Duma silal elle radak suge rasul yan maral away ifi gacele.

Yasaqya 2:5

Tonnal hay! Yaqkuubuk rade maraw, YALLI neh yecee ifut genxa'gidih ama.

Yasaqya 4:5

Tohuk lakal YALLI, Siyon qale kee tet xaqul gaaboowe mari elle yani ikkel, laqo qamburre ruubeleeh, bar kaadu qer kee habug iyya ifu ruubele. Yallih nabna inkih tan magaala buuleleeh, umaanek tet waasele.

Yasaqya 24:23

Sarra, YALLAY Nabaamak Nabahiyya reedele. Tohuk gexxaamah alsa kee ayrô-diifi amballayuk maraaqa. Too saaku YALLAY Nabaamak Nabahiyya Yarusalaam magaalal Siyon-qalel reedele. Yarusalaamal sugtu wayta makaabon too saaku kay nabna ablelon.

Yasaqya 28:5

Too ayro, YALLAY Nabaamak Nabahiyya kay maray baatik saaboh raaqeh qaxa kee bilqaay nabna akkele.

Yasaqya 35:2

Birro kaxxa ubkah aabukele. Bakarroytah ten baaxo farcatah qililisele. Too baaxo Lubnaan le nabna geeleeh, Karmel kee Saaron deqsitta baaxo le qaxa geele. Sahda YALLAY ni Dageltah yanihiyyah-nabna kee qaxa ablele.

Yasaqya 42:6

Yoo YALLA koh sectam; kooy yi naqasuh yanihiyyah qadaalatat seecah an. Ko'lih aneyyooh; koo dacriseyyooh; ummat lih qahdi koo le kabuk heeyyo. Baadal tan ummattah ifu koo abeyyo.

Yasaqya 66:11

Inah-angu-yaaxe-awki, inah-anguh-canat ruffu akah iyya'nnah, isin kaadu is leh tan baxaaxinnat ruffu axcetton.

Yasaqya 62:1

Yarusalaamah liyo kacanuk gexxaamah yaabu waa; Siyon waddintam fanah tibba maxcaay, is geyta cakkik-tan-maqaane, bar ursan girah innah, urtam fanah maffoofa.

Yasaqya 62:2

Yarusalaamey, baadal tan ummatta cakkik-tan-maqaane koo geyah ablelon; malikwa ku nabna ablele. YALLI qusba migaq koh ayyaaqeleeh; too migaaqal koo aaxigelon.

Yacedkel 43:4

Too ifuy YALLIH nabna yaybulleehiyya Qibaadâ-Qarik ayrô-mawqa le kabut raqta afa fanah gexeeh; tokkeek Qibaadâ-Qarih adda cule.