Yasaqya 6:1 - NABUWWA KEE MALIKWA

¹ Malik Quddiyya edde rabe sanatih addat Goyta uble. Usuk isi dardaarinni korsiy fayya kee nabna lehiyyal daffeyak yeneeh; xagarat culsah le sartan inkih yan Yallih Qibaadah Qari duudeh yen.

Yasaqya 6:1 Referans Kwoze

Daaniyel 7:9

«Anu wokke fan wagitak suge waqdi, makaabon daffeynah koraasi uble. Woo koraasik tiyak teenal ‹Kulli Waqdi Yaní› daffeyah uble. Sari kaak cankaxi qidih inna luk yeneeh; xagor kaak qado illi xagoorih inna luk yen. Kay korsih ibittey koramkortahiyya akak bicseenim girak ten. Too korsi girah innah urak ten.

Yasaqya 66:1

YALLI iyyaamah, «Qaran yok daffeyna korsi. Baaxo yok ibih mattaaqatta. Hay tonnal, elle gaca'gidih yoh xissoonu waytaanam, mannah yan qariy? Anu elle affoofu waa arac, mannah yan aracay?

1 Malikwa 22:19

Miikayhu qagseh iyyeemih, «Taway YALLI iyyem siinih warisu waa. Anu YALLA qaraanal isi amoytiinih korsih bagul daffeyah uble. Kay malaykoota inkih migda kee gurak kaa maraasiyot kaa abbaxih ubleh eneeh;

Yasaqya 57:15

Macaay inteenik, daga raaqa *kudduusuk yan Dageltay kulli way waarahiyya iyyaamah: «Elle anim daga raaqah kudduusuk yan araca'mmay, toh lih kaadu yoh rammitaah toobita mara lih anyo. Ken lih akah anim, kibaal kee niya keenit haa'gidi.

Yasaqya 1:1

A kitaabal tanim, Yuudâ-rasu kee Yarusalaam magaalal tan ummattah Yalli, Amóx-Yasaqya le kabuk ruube wacyi. Yalli a farmo ruubem, Quddiyya kee Yootamaay, Acad kee Ciskiyyaahu deqsita mari malikwah suge dabaana.

Yacedkel 10:1

Woo galwa leemih moyyak daga raaqa aracay qari-amoh ceelo lehiyya fanah wagga hee waqdi, too tiyak daga, malik elle gaca korsih innah taniimiy safir deqsita luuluk bicseenim celtahiyya uble.

Yacedkel 1:1

Anu Buudi-baxa Yacedkel kinniyooh, soddomhaytô-sanatak fereyhaytoh alsak konoyhaytoh ayrot, Baabeloonul Kabar-weeqaytuk xaqut, Yuudâ-maray seewah beenihiyya lih an waqdi, qaran fakkimma 'yeeh; too waqdi Yallih wacyi yol oobe. Too wacyi elle ublem, Baabelon rasuk Kabar weeqaytu deqsita aracih garik ten.

Yasaqya 12:4

Yallih mari saare abu waa saaki diggah amaatele. «Ummatey, YALLA saarisa; candu kee fayla kaah aba; YALLAW, axcuk, kaa'lih yaaba. Sahdah addal kaat yaaba. Usuk abe meqe taamaay kay migaq le kaxxa nabna baadal yan marah warisa.

2 Malikwa 15:7

Quddiyya rabe saaku, Dawud-Magaalal malik buxah mara edde yaaguqen aracat kaa yoogoqen. Kay lakal kay baxi-Yootam malik yekke.

2 Aydaad 18:18

Miikayhu qagseh iyyeemih, «Taway YALLI iyyem siinih warisu waa. Anu YALLA qaraanal isi amoytiinih korsih bagul daffeyah uble. Kay malaykoota inkih migdaa kee gurak kaa maraasiyot kaa abbaxih ubleh eneeh;

Yacedkel 10:4

Tohuk lakal YALLIH nabna yaybulle ifuy kaxxa diifu lehiyya galwa leemik cabba heeh, Qibaadâ-Qarih culma fanah gexe. Qamburre inkih yan Qibaadah-Qari bulte. YALLIH nabna yaybulle ifuy diifu lehiyya Qibaadâ-Qarih daarat duuduse.

Daaniyel 10:17

Away qande luk maraaqiyyoy, ufuy qandeh ruubah anik, yi goytaw, yooy ku naqasu kinni ko'lih manni'nnal yaabu duuda?› exce.