Yasaqya 59:9 - NABUWWA KEE MALIKWA

⁹ Ummatta intaamah, «Yalli nee akah cate waam, tohumu. Qadaalat nek yexxeereeh; cakkik tan maqaane nek teerreh. Edde genxa ifu geennom nekkele'mmay, edde nanim diteh addaay,

Yasaqya 59:9 Referans Kwoze

Yasaqya 5:30

Too qaskar Israayil marat, bad haffo baaha way dub elle iyya innal, keenit kaayoonu waan wakti amaatele. A baaxo wagga hayteenik, ditet yan maray abam waagisaah yankikkiqehiyya abletton. Qamburre ifu qellisele.

Cabakkuk 1:13

YALLAW, ku inti taahirik tan inti kinnuk, umam tablem maqansissa. Umaane aba mara xiqa Dagelta hinnito. Hay ta uma-qamal-leela abta umaane mannal qansissa? Keenik fula cakki gital yan mara baysah ken table waqdi, tibba mannal inta?

Miika 1:12

YALLI Yarusalaamal bala oobisu waa saaki yoofeh yan. Tohuk gexxaamah Maarot magaalal yan mari maqaaneh raksitaana'mmay waaga kee cisaabat yanin.

Ermiyaas 14:19

Ummatta Yallak inteemih, «YALLAW, Yuudâ-mara inkitanuuk cinah cintee? Siyon-mara tinqibeh edde cabtee? Akak ure wayna biyaakah nee akah biyaktam macaay? Amaan geennom nekkele'mmay, woo amaan mageytiminna. Biyaakak urennom nekkele'mmay, inkinnah akak cunxinna umaane nee tibbixe.

Ermiyaas 8:15

«Ahak wadir amaanah xiinennooh edde nan biyaakak qaffootennom akkaluk sugne'mmay, woh makkooy; wohih aftok akak cunxitan umaane nee tibbixe.

Yasaqya 8:21

Niya akak tiddigilleeh qululte ummatta baaxot meekitele. Qulul ken yabbaxu waa waqdi bagcarriteloonuuh isinni malik kee Yalla xaafelon. Qaran gubaak wagga heeloonuuh

Yasaqya 8:22

baaxo fan addah wagga heelon. Too waqdi laqô-bar keenil radeleh; keenit takku wayta gadaama kee gibdaabina ablelon. Dite le aracay ableh umahiyyat gutuqak ken heelon.

Yasaqya 59:8

Amaan le gita mataaxigan; qadaalatak ane wannaanim abtan. Makoh yan gitat gexxaanaah woo gitat sin lih gexe mari amaan way magenna.

Yasaqya 59:11

Ali innah garadnaah; camaamah innah iihisak nan. YALLAW, kol bahne dambik loowo mangoh. Tohih sabbatah qadaalat fanxa'mmay qadaalat mayanaay; nee wadda'gidih kok qamballa'mmay, tu geenih manan. Abne dambi nel sumaaqitaah; qellataay umaane ninnik diggi hayna.

Yasaqya 59:14

Tonna-leemiik, qadaalat mayanaay; cakkik tan maqaane baaxok teerreh. Numma qado-laqo qellitteeh, amaanat bayeh.

Ermiyaas 13:16

Laqô-bar siinil radaah dite elle radde qaleelah bagul tandafoofoleenimik dumal, YALLAY sin Dagelta kinnihiyya eyneba! Isin faxxan ifih aftok baaxo kaxxa dite siinil takkeemik dumal, kaa eyneba.

Qaamus 8:9

Yi cokmih ayro, laqo ayro suteleeh, wallaqenta baaxol dite qideyyo. Tah intam YALLAY Mulki lehiyya.