Yasaqya 58:4 - NABUWWA KEE MALIKWA

⁴ Tohuk kalah kaadu, abtan soom, qeebi kee qamalliinot siinik caba; naqabu kee qeebih sin yecee. Hay, annah yan soomut abtan dooqa oggoleyyom takkaleenii?

Yasaqya 58:4 Referans Kwoze

Yoonas 3:7

Sarrak Nanawê mara fan farmo ruubeeh iyyeemih, «A amri siinih rubtam, yoo kee yi gubal taamita mara. Maaqo num afah siinik xage waama. Sahda kee laay illi kee wadaraay buxal enna 'ya saq inkih, maaqo afah xage waamaay; leek aaqube waama.

Yasaqya 59:2

Sin akah aabbe waam, isin abtan umaaneh sabbata. Sin Dageltak sin tayxeerem, isin abtan dambi.

Yasaqya 1:15

Dooqah kulli way gaba fayya haytaanamah gaboobi siinik qabalat tutlukeh tani'kkal, siinik moggolaay racmatta le intih sin mabla.

Yasaqya 3:14

YALLI isi marak idoola kee abbobtih yan maral cokmi abele. Keenik iyyu waamah: «Yi baaxoy qinab xala coox elle aabakuk sugehiyya bayissen. Buxaaxi siinik masaakiinak beyten duyyek kibut tan.

Yasaqya 3:15

Yi ummat xukkot tabbixeeni'mmay, masaakiinah yan marat taaqiteenim cakkik manton. Aham siinik intam, yoo YALLAY Dagelta kinnih, Nabaamak Nabahiyya» keenik axcele.

Ayyuqel 2:12

YALLI iyyaamah, «Away kinni way baguuk toobitaay sooma. Abteenimih weeqay yol uduura.