Yasaqya 58:3 - NABUWWA KEE MALIKWA

³ Yok iyyaanamah, ‹Nek able waytek, macâ-sabbatah soomnaah? Atu baaqid net alle waytek, maca koh rammitnaa?› 'yaanam iyyan. Takkay immay anu keenik axceemih, ‹Soom abtan saaku, isin kaadu isinnih faxxeenim abtaanaah, siinih taamita marah cakki matacaan.

Yasaqya 58:3 Referans Kwoze

Malaaki 3:14

‹YALLAY Nabaamak Nabahiyya yaqbudeenim xiqtam mali. Usuk aba iyyem abaanam kee, Yallaw umam bahne 'yeenih weeqaanam xiqtam mali. Tu kaak magennino› intan.

Nacmiya 5:7

tu akak exceeh abaamal malse. Saqolti kee abbobtih keenik yan marak abto ilqeeh, keenik exceemih, «Isin, abuuduh siinik been maaqo kee lakqoh aftoh, say xaylo kee qarwa kee baqurê-baaxo akak beytaanam, sin tooboko kinnim mataaxigaana innaa?» keenik exce. Sarrak ahak tuk teena akah abna'nnah, daffeyna keenih hee.

Yasaqya 47:6

Anu inni marat oomeh, marin mara ken abe. Sin gabal ken hee'mmay, keenih maracmatinniton. Idoolal kinni-way, duude waan quukay keenik naba keenil hayten.

Yasaqya 22:13

Siinih tu gactekii, Yalli siinik aba iyyem cabba hayteenih digir kee farcit culten. Laa kee illi usgudda hayteenih cado akak tokmen. Qinabak bicissen kamrih maqabat gacten. «Beeraak rabennok, a saaku nakamay naaqubay» inten.

Qedra 8:21

Acawa fan caxita dorih garil elle kobxen ikkel, ummattal amri oobiseeh, keenik exceemih, «Yalla kinni ni Dagelti a safar nel yaymaaquuy, nee kee ni xaylooy neddereemik inkih Yarusalaam fan amaanah nee gufsa'gidih, kaah soomaay rammita» keenik exce.

Yasaqya 22:12

Too ayro YALLAY Dagelta kinnih, Nabaamak Nabahiyya iyyemii, «Weeqaay boogisa. Amo isinnik moolaay sartanah *qabuddat gaca» 'yaanam siinik iyye.