Yasaqya 57:17 - NABUWWA KEE MALIKWA

¹⁷ Oson aban dambi kee bukko kee guqulul adoobitak sugeenimih sabbatah, ken inqibeh sugeeh, tonna leemiik ken digaaleeh darre keenit cabe. Keenih tu gactek, yab aabbe waa maray isinnih faxem abahiyyak sugen.

Yasaqya 57:17 Referans Kwoze

Yasaqya 56:11

Maaqok cayye sinni kuutah gide. A marih-loynitte kas maliiy tut maradda. Kulli num isit amqinnaanim keenik aba. Bukko kee guqulul adoobitan.

Ermiyaas 6:13

Ken umaane ah teeti. Qunxa num kee kaxxa num keenik inkih dulmih lakqo sinaamak beyan. Nabuwwa kee seeka kinni way dirab kee deedalat sinam ayrisan.

Yacedkel 33:31

Yi mari atu keenik intaamih ankacsah kol kobxan; elle daffeyan. Takkay immay atu aba keenik intam maaban. Atu edde yabta yab kicnoonum ceelan. Takkay immay lon inti-xeera macaban.

Ermiyaas 22:17

koh tu gactek, liyom yoo duddah iyya num hinnitooy, marin im dulmih beytaah, dambi-maleelâ-qabal foyyah caxxa. Isi mara tadlumeeh, keenit xukkuttaah, ken biyaktah.

Ermiyaas 8:10

Tohih sabbatah oson luk sugen baaxoy buqre elle abaanahiyya, marah keenik aceeyyo. Gennaaqoh agabu keenik marah aceeyyo. Macaay inteenik, kaxxa num kee qunxa num keenik marin duyye dulmih elle beyan innih malat yan. Nabuwwa kee seeka kinni way sinam duquurussaah sinaamal dirab taceem bahte.

Ermiyaas 5:3

YALLAW, atu faxxam, yaaminen maray atu faxxaamak amot tu hee waahiyya. Ken biyaakisseh immay tuh maballon; digaala keenil oobisseh immay kas akak magennon. Yab yaabbeeh dambik yaduure mara hinnon; afqado keenik xeet tekke.

Ermiyaas 2:30

Duma sin mara digaaleh immay too digaalat maaduurinnon. Umaanek sin gacsam faxeh immay taduuroonu cinteenih. Sin fan ruube nabuwwal, qansaritta lubooka tekkeeniih seefit sella ken hayten.

Yasaqya 45:15

Israayil doore Dageltay ken wadehiyyaw, atu nummah is yaaqure Dagelta kinnito!

Yasaqya 9:13

Yallih-marah tu gactek, dambik matoobitinna. YALLAY Nabaamak Nabahiyya ken digaaleh immay, tohuh kaal maaduurinnon.

Yasaqya 8:17

YALLI isi marak is yooqoreh immay anu niyak kaa aamineeh; niya elle liyom kaa.

Yasaqya 1:4

Dambi-le-ummattey, mako-le-maray, umaane-raceynittey, taama akak toome urrow, YALLA cabba hayteenih, Israayil doore Dageltay *kudduusuk yanihiyya bursutteenih darre kaat cabten.

Yasaqya 2:7

Ken baaxol dahab kee lakqo kibuk tan. Oson yedderen duyye kaxxam mango. Ken baaxol mango faaris yan. Oson lon gaariirak loowo matamixxiga.

Yasaqya 42:24

Israayil-mara seewah sinam gabal haytem iyya? Israayil-mara ken buubu waa marih gabal haytem iyyaay? Taham inkih YALLI keenik abeemi. Dambi lem YALLAL bahneeh; tohuk gexxaamah tamah nel baahe. Yallih gita katayaanam cineeniih, kay amri yaabbeenim cineenih.

Yasaqya 64:9

YALLAW, kaxxam nee manqabinaay ni dambil faxe way nee makatayin. Nakkeemik ku ummatta kinninok, neh racmat.

Yasaqya 66:3

«Sahda isih faxxem abbaasitta. Sadgatah saq qidaanam kee sahda qidaanam keenil inki gide. Anaqtu qidaanam kee kuti filla yaggileenimiiy, daro sadgatah baahaanam kee ceray qabala sadgatah caxaanam keenil inki gide. Qaydarus qeerisaanam kee, deedaltam yalla 'yeenih yaqbudeenim keenil inki gide. Yalla umâ-yabulih yan gital yaqbudeeniih, tohut ruffa iyyan.

Ermiyaas 3:14

Qagissa heeh iyyamaa, «Imaan maleelay! Yi mara kinnitoonuk, yol uduura. Sin Dagelti yoo. Kulli magaalak num-num siinik beeyyooh, kulli gulubuk kaadu namma-namma num siinik doorru heeh, sarrak Siyon qale fan sin beeyyo.

Ermiyaas 3:22

YALLI, «Imaan maleelah yan maraw, anu sin urseyyooh, imaan siinit heeyyok, yol uduura» siinik iyya. Ermiyaas iyyemii, «Ummat axcih oobbem liyo. ‹YALLAW, ni Dagelta koo. Nanu koo fan naduureh.

Ermiyaas 51:13

Weeqayti xaqul dabaaqah yaniih mango maalu kee duyye le Baabelon maraw, sin baati xayyowteh; edde rabtan wakti xayyooweh.

Ermiyaas 8:6

Intaanam siinik aabbeh immay, nummat mayabtan. Abe umaaneh nadaamita num siinit mayan. «Labhay, umaaneh baahem macaay?» iyyeh essera num siinit mayan. Kulli num siinik qeebi booxa fan xoxbisan farasih innal isi faxa gitat xoxoba.