Yasaqya 54:4 - NABUWWA KEE MALIKWA

⁴ Qunxuk ten saaku kot rade biyak kot maqagitaay, gubnah innah edde sugte dibuukitiyyak katettoomih sabbatah, ahaysa qaybik maradda'mmay mameysitin; qaybik koo maqidaana'mmay niya isik margaqin.

Yasaqya 54:4 Referans Kwoze

Yasaqya 41:10

Tonna'mmay anu sin lih anik, mameysitina. Sin Dagelti yook, niya siinik addigille waytay. Qande siinit heeyyooh sin cateyyo. Inni gabay qadaalat lehiyyat sin dacriseyyo.

Ermiyaas 31:19

‹Darre kot cabneh sugne'mmay, away kol nuduure. Nee digaaltek wadir, abne umaanek gexxaamah nadaamah amo qunuunut nabbixeeh, wacarriyih rabneh nan. A saaku wacarriy nel takkem, qunxuk sugne saaku abne dambi› 'yaanam axcih ken aabbe» iyye.

Yasaqya 61:7

Ahaysa wacarriy kee qaybik-radiyyak assaaqetton; luk sugten gaddal namma afah yaduure gadda geettoonuuh, qililisetton. Tonnal isinni baaxol assamaaqat xiinetton; amurruqe sinni rufto geetton.

Yasaqya 51:7

Qadaalat kinnim yaaxige maraw, yoo ankacisa. Yi xinto afqadoh addat kutbeh akak tan maraw, yi yab oobbeya. Sinam siinil qangaasaltaah sin ilaqtaamah, keenik mameysitinay hagga maxcina.

Yasaqya 41:14

Yalli iyyemii: «Israayil ummatey, qunxaah boola le marah tantoonum siinik aaxigeh immay cato akak geytaanam, yooy kudduusuk yan sin Dagelta kinnihiyya kinnuk, mameysitina. Sin wadeeni, yooy kudduusuk yan sin Dagelta kinni.

Yacedkel 16:43

Qunxuk ten saaku koo elle abbaxuk suge inna hawwenteh. Abteh tan uma taamak gexxaamah, naqbi yot hee. Tonna-leemiik abba hayte umaaneh akah diggalsinta innah kok abe. Abba hayte uma-taama koo maxiqinnay, wadir dalwa edde osisse. Tahat yabtam yoo YALLAY Mulki lehiyya» iyye.

Yacedkel 16:22

A dalway edde tanihiyya, duma qunxuk ten saaku elle sugte'nna kassite koo kalteh. Qunxuk ten saakuy isi qabalat abrakuk sugtehiyya elle sugte'nna kase cinteh» iyye.

Yasaqya 4:1

Woh takku wayta ayro malcina barra inki numuk gaba xabba hayteh, «Maaqo kee sartanak ninni duudennooh, kot fanxam mannuk, baqala loonuh neh iyyaana'gidiiy qaybik cattinna'gidih nee abit» kaak axcelon.

Yasaqya 29:22

Tohuk ugutak, YALLAY Abraahim gadaamak yeyyeeqe Dagelta kinnihiyya, Yaqkuubuk rade marih giddinaamak iyyamaa, «Yaqkuubuk rade mari ahaysa akah wacarriyam mali. Ahaysa cunxoh fooci keenik maburraacita.

Yasaqya 50:7

Ken xaafi yol baaham mali; YALLAY Mulki le yoo cataah; toh abaluk, tu edde mawaa. Ableemil inkih asbiruk, aabbeemil inkih asbiruk, takkay axceh edde xiina. Faxe xaafu yot aban way, qaybi akah yoo mayabbixa.

Yasaqya 54:14

Cakkik tan maqaane xinto kok akkele; xukko kee cunxok amaan akketto.

Yacedkel 36:15

Tahak wadir a baaxo ummat makot mabeytaay; sahda anqaasah elle rabtaah, ummat burah af elle raqeeqissa baaxo matakka. Tahat yabtam yoo YALLAY Mulki lehiyya» iyye.

Ayyuqel 2:21

Baqurê-baaxoy, YALLI nabam koh abem ubulaay, ahaysa mameysitinaay ruffu 'xic.

Xafanya 3:11

«Too saaku, yi maraw, duma yol bahten yabti-cinak gexxaamah mawacarriytan. Macaay inteenik, kaxxiina kee anaani le mara bayseyyo. Tohuk wadir isin yi qaley taahirik tanihiyyal kaxxiinah qubbuy m'intan.

Zakariyya 10:6

«Yuudâ mara maqar bahsiiseyyo. Israayil ummat umaanek cateyyo. Keenih xuwaawaah; tohih sabbatah ken baaxo ken gacseyyo. Duma keenil baahem edde hawwenna haan maqaane keenih abeyyo. YALLAY ken Dageltah yanihiyya kinniyooh; yoo fanah aban dooqa keenih oggoleyyo.

Yasaqya 65:16

Addunyal faxinnaan ikkel, dooqa sinaamah aba num, dooqa yi migaaqal abak, ‹Digga leh numma le Goyti barkat siinit haay› axcele. Xiiba-aba-num akkel yenek, digga le Goyti-migaaqal xiibitele, xiibita way. Dumah siinit tekke umaane aakeri hawwensimele. Akke wayteh innah heeyyo» 'yaanam iyye YALLI yaabe.