Yasaqya 53:11 - NABUWWA KEE MALIKWA

¹¹ Ganditeh biyaakite'mmay a biyak kaat akah yekkem, foyya hinnam aaxigele. Toh aaxaguk ruffa axcele. Yi naqasuy qadaalat le isi ixxigat mango marah cakki geeleh bahsiisele. Woo mari abeh suge umaane isil akkuqeleeh, beele.

Yasaqya 53:11 Referans Kwoze

Yasaqya 53:12

Saraf kee migaq le reeda, kaah eceeh, kayim abeyyo; mango ummat kee sahdah addat yassakaxxen num kaa abeyyo. Cayla-leela fanat kaadu cayla-liiy celem kaa abeyyo. Toh inkih kaah akah abem: isi fayxiik isi rooci calaaliseeh, fidah yecee; umeynittet loowoh gace. Umeynit edde asse dambi isi amol hayya heeh beeh yen. ‹Yallaw, qafu keenih inxic›, 'yaanam axcuk yoo kallace» 'yaanam YALLI iyye.

Yasaqya 53:8

Cokmih casbi fanah kaa been; qadaalat sinni cokmi aben; cokmih raba kaal yuckumen. Annah tanim kaat akkelem teexegeeh tekkelem iyyay? Num yekkeleh sugem hinna. Qellat leeh, dambi le taamay yi ummat abteeh, bahtehiyyah usuk rabeeh fida yekke.

Yasaqya 45:25

Yoo YALLI, Israayil ummat wadu waa Dagelta kinniyo. Tohuk gexxaamah too mari yoo faylisele» 'yaanam iyye.

Yasaqya 42:1

YALLI iyyemii, «Aham kaana: Yi naqasuy innih dooreeh, ossokoote. Inni gabat kaa dacrisa. Inni Rooci kaah eceeh an. Baadal inkih tan ummatah, qadaalat usuk baahele; numma-le-meklah meklele.

Yasaqya 49:3

Annah axcuk yo'lih yaabe; «Yim kinnito; yi naqasu. Ku migaq Israayil kinni; akah tantom, koo akah doorem, liyoh an qaxa-maqaane kol elle tambulle'gidi» 'yaanam axcuk yo'lih yaabe.

Yasaqya 52:13

YALLI yaabeh annah iyye: Aham kaana; yi naqsi kaa. Yi naqsi edde asu waa taama inkih kay gabal bicele. Ummat garil, sahda garil, kaxxam naba num akkele.

Daaniyel 12:3

Kas le miracwa qaraanal yan ifih innah ifele. Too maray sinaamak cakkih tanim aba axcuk fayu acayuk sugehiyya, kulli way cutuukah innah ifelon› yok iyye.

Daaniyel 9:24

Ku magaalay taahirik tani kee ku ummattah, waktik malcina-tabanih waqdi malciin-gide keenih yeexege. Too waktih addat Yalli aben umaane kaleleh, dambi cabeleh, amri-cinak qafu abele. Tonnah kaadu, way kate sinni qadli gaceleeh; yublen suwaawur kee akkele akak inxicca 'yeenim inkih nummak maaciseleeh; taahirik tanim askutelon.