Yasaqya 52:9 - NABUWWA KEE MALIKWA

⁹ YALLI isi magaala umaanek wadeh yaniih, isi ummattat niya heeh yanik, Yarusalaam magaalay abuuruh sugtek, away satta le gaditte ab.

Yasaqya 52:9 Referans Kwoze

Yasaqya 51:3

Macaay inteenik, Siyon-magaalay abuuruh raqtehiyyah xuwaaweyyooh, niqmatak tan baaxo abeyyo. Bacari tekkeh sugte baaxo, Qadanal anu innih uysubuke bustaanih innah, gacele. Too waqdi ummat ruffu axceleeh africele. Yoo fayliseloonuuh, candu yoh gacselon.

Yasaqya 61:4

Mango dabaanah abuuruh sugte baaxo xiselon. Dumaak bayteh sugte magaalooli nammayhaak xiselon.

Yasaqya 55:12

Naqoosinnak wallitak gexettoonum kaadu taaxigeenim meqe; amaanah awqetton. Qaleela kee koomaami sin foocal farcih gad abeleeh, coox kaadu farcih qililisele.

Yasaqya 48:20

Tonna'mmay Baabeloonuk amaanah eweqa; Baabelon marak isillima. Ifricay qililisaay a xaagu kulli ikke iysixxiga. YALLI Yaqkuubuk rade maray kay naqoosah yanihiyya wadem baaxô-maggaraqa fanah gexay warisa.

Yasaqya 44:26

Takkay immay yi naqoosa, ‹Annah tanim akkele› akak intem kee yi farmoytit, ‹Yalli nek iyye› axcuk edde yabba 'tem inkih numma akkele. Yarusalaamal ahak sarra ummat dabaaqah gacele. Yuudâ-magaalooli ahak sarra xissiimele. Too magaalooliy abuuruh sugtehiyya ahak sarra xissiimele 'yaanam exceeh; toh akkele.

Yasaqya 44:23

YALLI isi taama abeh yanik, qaraanow ifric; ifricay qililis. Baaxoy kaadu ifricay qililis. Qaleela kee garbol yooboke cooxow, ifricay qililisa. YALLI Israayil ummat wadeh; isi qax-maqaane Israayil ummattat aybulleele.

Yasaqya 14:7

Taway ellecabol sahda inkih toffoofeeh ruffu 'teeh amaan geyteh. Kulli num ruffu 'yeeh gad abe.

Yasaqya 49:13

Qaraanow, farcatah qililis; baaxoy, wallit; qaleelay, ifricay qililisa! Macaay inteenik, YALLI isi marat niya heeh yanih, isi maray biyaakitahiyyah xuwaawe.

Yasaqya 12:6

Siyoonul geytima maraw, qililisa; ruffa 'xica. Israayil doore Dageltay *kudduusuk yanihiyya yan. Ni fanat tanim kaa kinni. Nabna leeh, muxxo lem kaa» 'yaanam axcuk too-ayroora Yallih mari Yallih migaq fayliseleeh, saarisele.

Yasaqya 40:1

Sin Dagelti qangara yaabe: «Yi ummatat niya hayisa; aytikuma keenik 'xica.

Yasaqya 43:1

Tonna'mmay ta saaku hay, YALLI siinik iyyam le; Israayiley, sin yuklukeeh inki mara sin abe Dagelti siinik iyyam le. Toh macaay inteenik, «Sin waddem yook, mameysitina. Migaaqal siinih seeceeh; yi mara kinniton.

Yasaqya 63:9

Ken taqabi kaa taqbiseeh, tonna leemiik luk suggu 'yen gadaamak ken yeyyeeqe. Ken waddem, malayka hinna YALLA ikkala. Keenih le kacanu kee isih le xuwaawak gexxaamah, ken cate. Dumî dabaanal kulli way amo keenik wagitak suge.

Miika 4:10

Yarusalaam maraw, iihisa. Xalay edde xayyoowe barrah innah emreqeeqeda. Ahaysa magaalak awqettoonuuh, booxak bagul dabaaqah gacetton. Baabelon rasu sin beeloonuuh; tokkel cattiimetton. YALLI too rasul naqboytiitik sin wadele.

Yasaqya 44:22

Abten dambi kee umaane qamburreh innah siinik eyseerreh. Sin waddem yook, tonna kinnuk yol uduura» iyye.

Yasaqya 51:12

YALLI iyyemii, «Niya siinit haytam yoo kinni way, sahdaytuy rabah yoobokeeh qaysok maqarah ayse waahiyyak macah meysittan?