Yasaqya 52:3 - NABUWWA KEE MALIKWA

³ Macaay inteenik, YALLI iyyaama, «Naqoosa tekken saaku, siinih lakqo mahannoonuuy; a saaku kaadu currih tawqeeni'gidih, yagdiyen lakqo matan» 'yaanam iyyah yan.

Yasaqya 52:3 Referans Kwoze

Yasaqya 45:13

Kooris ugussem yooy; akah ugsem, gital tanim aba'gidi. Innih faxam kay gabat absiisa'gidih kaa ugse. Usuk edde gexxa 'ya gita missoyseyyo; yi maray seewah beenihiyya usuk gacsele. Yarusalaamay yi magaala kinnihiyya nammay haak xisele. Tah aba'gidih, tu kaah maacinniyooy; ah aba iyyeh guqul kaah yecee mari mayan. Tahat yabtam yoo YALLAY Nabaamak Nabahiyya» 'yaanam iyyah yan.

Ermiyaas 15:13

YALLI qagseh, yok iyyemii, ‹Yi marih duyye kee edderra heenim keenik beyu waa mara keenit ruubeyyo. Toh keenik akah abu waam, a baaxol aben dambih sabbata.

Yasaqya 50:1

YALLI iyyamaa, «Num gennaaqô-barra cabah elle xiiriya innal, sin maxiiriyinniyo. Sin xiiriyem teexegeenik, sin elle xiiriye sumaq-warkat baaha. Keenit tan magoh sabbatah isi xaylo xaama marih innah, sinaamal sin xaamem maay takkalen? Tonna hinna'mmay, sin akah xaamem, isinnih abten dambi. Ina siinik akah xiiriyem, edde assen umaane.

Yasaqya 1:27

Yalli qadli kee cakki leemih sabbatah, Yarusalaam kee tet addal yan maray toobite waddiimele.

Yasaqya 62:12

Too mari migaaqah, «Yallih ummattay *taahirik tani» deqsitelon. Tonnah kaadu, «YALLI wade ummatta» deqsitelon. Siyon-magaala, «Yalli faxa magaala» deqsiteleeh, «Yalli ahak sarra cabe sinni magaala» deqsitele.

Yasaqya 63:4

Macaay inteenik, yi marih naqboytit edde digaaleh meqe ayro temeeteh 'yaanamal gaba kaleeh; anu wade marih wakti yemeeteh yan.

Yacedkel 16:31

Giti elle aninnaanih xaqul, xeet kee cooxuk bicsen duyye elle yaqbuden arooca hayteeh; tokkel dalwa abte. Takkay immay abta dalwal, timixxige xiiqareh-xiina akah abta'nnah, lakqo elle mabennito.

Yacedkel 34:27

Coox caxâ-miru keenih xalele; buqrek daro orbisitelon. Kulli num isi baaxol amaanah keenik xiinele. Yi marak axawah edde yanin silsilat kalla heeh, naqoosah ken le marak currih ken ayyaaqu waa saaku, YALLA kinniyom yok aaxigelon.