Yasaqya 51:9 - NABUWWA KEE MALIKWA

⁹ YALLAW, ugutay ku qandet nee catey. Ku gabal nee catey. Dumî dabaanal akah abte innah ab. Racab deqsita kaxxa alay baddi addal geytimahiyya rike rikeh kurtem koo.

Yasaqya 51:9 Referans Kwoze

Yasaqya 52:1

Siyon maraw, uguta! Isinni qande kee nabna haysita. Yallih maray *taahirik yani kinnitoonuk, meqe sartanat gaca. Ahak wadir diini-maleela kee nadaasa-leela sin gasoh afak maculta.

Yasaqya 27:1

Too ayro YALLI isi seefiy nabam gibdiih, qande kee nabna let, Leyyatan qidele. Leyyatan deqsita kaxxa abeesay makmakitak gexxa digaalele. Leyyatan deqsita kaxxa abeesay kudak sugte digaaleleeh, kaxxa alay baddi addal yaloolehiyya qidele.

Yasaqya 30:7

Too duyye akah beenim, Masri mara'mmay, Masri marak geyoonu waan catotta malon. Tohuk gexxaamah Masri marak ‹Summi sinni abeesa› 'yaanam exceh an» iyye.

Yacedkel 29:3

Kaak intaamah, ‹YALLAY Mulki lehiyya, «Weeqayti gudel yan kaxxa xabaado ceela numow, anu naqboyta kok ekkeh an» kok iyyah yan› kaak inxic. «Niil weeqayti yiimiiy; anu innih kaa bicse» 'yaanam inta.

Yasaqya 51:17

Yarusalaamey, ugut! Ugutay bical gac. YALLI bagcarrite saaku, kay bagcarrah kobbaayak tooqobe. Woo kobbaayak tooqobeeh lagaq koo hayte.

Cabakkuk 3:13

Akah temeetem, Dageltaw, isi-ummatay dumaak doorte catta'gidiiy wadda'gidi. Umeenitik abbah yen num bayisseeh, taqqa kaat inte. Kay qaskar kaa'lih finqisse.

Yasaqya 62:8

YALLI kaxxa xagana cule; woo xagna isi qandet duudusele. Iyyeemih: «Ahak wadir isin tubquren daro naqboytit-gadda siinik matakka. Allî-baaxoh-mari sin kamriy qinabak bicisseeni mayaaquba.

Cabakkuk 2:19

Woyyow siinit takku waytaamow! Caxxa kee xaay gabak orra heenih bicseenihiyyak «Xiinik uguta» intan. Ta xeet kee coox siinih warsa sirri maay le? Siinih tu warsam hinna'mmay xeet kee coox isih rooci mali. Bagul dahab kee lakqo akak haytaanah immay tohuh rooci mali.

Yasaqya 53:1

Barinneh warisne farmo miyyi nek elle yeemene? YALLI le cayla kee qande annal taniih a ceelo lem sinam cubbussu madudda.

Yasaqya 51:5

Xayuk keenih amaateyyooh ken wadeyyo. Inni gabat qadaalat keenih baaheyyo. Allî-baaxoh mari niya yol haak sugele; yi gaba qambaalat sugelon.

Makaabon 6:13

Too waqdi Gidqoon YALLIH malaykattuk iyyeemih, «YALLI ne'lih yenek, annah tanim net akah takkem maca kot celta, yi amoytaw?» kaak iyye. «Ni kaxxa abbobti neh warisseh sugte qagabah taniimiy YALLI abeh iyyeenihiyya kee, Masrik ken elle yeyyeeqe'nnay neh warseenihiyya maca tekke? YALLI maqal net aalle cineeh; Miidiyan marih xukkot yan mara nee abe» iyye.

Yasaqya 52:10

Baadal tan ummatta inkih, YALLI isi gabay taahirik tanit abe taama isinni intit yubleenih; baadal enna 'ya mari, Yalli isi ummatta umaanek wadem aaxigele.

Zakariyya 2:13

Ummatey, YALLI isi dabaaqay taahirik yanihiyyak yamaateh yanik, kay foocal tibba 'xica.

Zakariyya 10:11

Kaxxa gibdaabina keenil yakku waa badak adda gacca 'yeenih gexaanam faxan waqdi, yooy YALLAH yani woo badih haffo keenih aatukeyyo. Baddi haffo soolele. Niil weeqaytuy adda le kafinuk cabeyyo. Assuuriyah yooboke mari le kaxxiina ken cabsiiseyyooh, rammita mara ken abeyyo. Masri maray kaxxa qande le, qande cabsiiseyyo.

Miika 7:15

«Masrik nee teyyeeqe saaku akah abte innah, uxih qagabah tanim neh abetto.