Yasaqya 51:7 - NABUWWA KEE MALIKWA

⁷ Qadaalat kinnim yaaxige maraw, yoo ankacisa. Yi xinto afqadoh addat kutbeh akak tan maraw, yi yab oobbeya. Sinam siinil qangaasaltaah sin ilaqtaamah, keenik mameysitinay hagga maxcina.

Yasaqya 51:7 Referans Kwoze

Yacedkel 2:6

«Atu keenik mameysitinaay oson iyyaanamak mameysitin. Waaqex-keenan kol akke loonuuh; igixwak fanat yan num koo abeloonu'mmay, ken yab kee fooca koh ribaanamah keenik mameysitin.

Yasaqya 51:1

YALLI iyyemii, «Isin yoo faxaah cakkih taniimih abtok kore waa maraw, yi yab ankacisa. Akak tewqen xixxaq baguh kassa haa; akak temeeten raceyna kassa haa.

Ermiyaas 1:17

Tonna'mmay taway ugutay, anu kok axcu waam keenih warissa'gidih bical gac. Keenik mameysitin. Keenik meysitta intek, ken foocal kaxxa cunxoh akak cunxittam kot ruubeyyo.

Yasaqya 33:22

YALLI ni cokmaabe; madqa isih neh yayyaaqe. Ni malik kaa; nee waddu waytam kaa.

Yasaqya 54:4

Qunxuk ten saaku kot rade biyak kot maqagitaay, gubnah innah edde sugte dibuukitiyyak katettoomih sabbatah, ahaysa qaybik maradda'mmay mameysitin; qaybik koo maqidaana'mmay niya isik margaqin.

Yasaqya 37:6

woo yaabal gacsemii, «Sin amoytak intaanamaa, ‹YALLI, Assuuriyah-malik siinil ruube farmoy urri-xaylo yoo xaafak siinih warissehiyyak mameysitina, 'yaanam kok iyyah yan› inxica.