Yasaqya 51:19 - NABUWWA KEE MALIKWA

¹⁹ Kaxxa bala siinil obte. Baaxo siinik carbit baate; ummatta siinik qulul kee carbit tembexe. Takkay immay siinil yamaateeh taqdiyya siinih gacsa mari mayan.

Yasaqya 51:19 Referans Kwoze

Qaamus 7:2

Too qanayti too baaxol ubukku 'teh anxaxxowwa 'tam inkih selli haam uble. Toh uble waqdi, dooqa abeeh exceemih, ‹YALLAW, Mulki le Dageltaw, ummat bahte dambik qafu keenih ab. Israayil ku ummataay; dago mara kinnoonuuh; tohuk gexxaamah ahak elle raaqan inna maloonuk, qafu keenih ab› 'yaanam dooqah exce.

Yasaqya 47:9

Tama isin net matakka inteenim siinit akkeleeh, inki ayroh addat siinit akkele. Xaylo qunxih siinik rabeleeh, agbi siinik gubuunuh raaqele. Ramli qida kee ginnilil akah gexxaanamah, tah siinik raq lem hinna.

Yacedkel 14:21

YALLAY Mulki lehiyya iyyaamah, «Yarusalaam mara kee ken midir edde baysa'gidih, inni kaxxa digaala keenil ruubeyyo. Carbiiy qululuuy alluwwa kee dalka keenit ruubeyyo.

Yasaqya 61:2

YALLI, isi mara edde wadu waa wakti kee, isi naqboytit edde digaalu waa ayro temeetem warsa'gidih, yoo ruube. Rookat yan mara aytikumusa'gidiiy

Yasaqya 22:4

Tohuk gexxaamah excemii, «Kaxxa weeqah weeqam faxak, wonnah yok gaca. Anay yoo 'xica; inni maray rabehiyyah weeqay yoo inxica. Weeqe yoo makalina» exce.

Yasaqya 14:30

YALLI isi marak masaakiinah yan marah, elle yaffoofen baaxo aceeleeh, amaanah xiinelon. Takkay immay YALLI, Filistiin maraw, siinil kaxxa qulul ruubeleeh, takkeenimiik too qululut ambaxetton.

Yasaqya 8:21

Niya akak tiddigilleeh qululte ummatta baaxot meekitele. Qulul ken yabbaxu waa waqdi bagcarriteloonuuh isinni malik kee Yalla xaafelon. Qaran gubaak wagga heeloonuuh

Yasaqya 9:20

Inkih tan baaxol ummatta maaqo tittak bukkusseeh; maaqok geennaan im yakmeeni'mmay tohuh macayyan. Isinni gabah cado kinni way yokmen.

Yasaqya 54:11

YALLI iyyaamah, «Biyak le magaalay gadaamittehiyyay, koo cataah aytikuma kok iyya num magennito'mmay, anu innih nammeyhaytô-xisneh koo xiseyyo. Limoh gibdih yan xeetik koo xiseyyo. Akak xisen xeet qaxmeqe-kallat edde haysiteyyooh, rakiibo kok kuclinan bisu le xeetik xiseyyo.

Yasaqya 60:18

Umaane sinaamat abaanam gaba kalele; umaane ahaysa rasu kok mabayissa. Yi wadoot reebu koh akkeleeh; kaxxam yoo faylisetto.

Ermiyaas 15:5

YALLI iyyemii, «Yarusalaam marak, aham siinit takke saaku, siinih xuwawtu waytam iyyay? Siinih rookittu waytam iyyay? ‹A marat tekkem macaay› axcuk, dagooh gide kinni way sin essera mara maay geetton?

Ermiyaas 24:10

Duma ken kaxxa abbobtih ecee baaxoy away oson elle yaniinihiyyal saabo cabba haanam fanah, way carbiiy, way qululuuy, way kaadu dalka keenit ruubak, sella ken heeyyo› 'yaanam yok iyye» iyye.

Naacum 3:7

Hagga axcuk, ‹Nanawê-magaala abuuruh raqteh matanaa!› axceloonuh, ‹Teetih xuwaawa mari mayana› axcelon. Teetih qaada mara magenniyo» iyye.

Yacedkel 14:15

«Hinnay kaadu, baaxoy alluwwah giddinaamak foyyah raqtahiyya gital num akah angayye waa'nnah, alluwway sinam qiddahiyya ruube yoo tekkek,