Yasaqya 51:17 - NABUWWA KEE MALIKWA

¹⁷ Yarusalaamey, ugut! Ugutay bical gac. YALLI bagcarrite saaku, kay bagcarrah kobbaayak tooqobe. Woo kobbaayak tooqobeeh lagaq koo hayte.

Yasaqya 51:17 Referans Kwoze

Yasaqya 52:1

Siyon maraw, uguta! Isinni qande kee nabna haysita. Yallih maray *taahirik yani kinnitoonuk, meqe sartanat gaca. Ahak wadir diini-maleela kee nadaasa-leela sin gasoh afak maculta.

Yasaqya 51:9

YALLAW, ugutay ku qandet nee catey. Ku gabal nee catey. Dumî dabaanal akah abte innah ab. Racab deqsita kaxxa alay baddi addal geytimahiyya rike rikeh kurtem koo.

Zakariyya 12:2

«Yarusalaam qinabak bicsen kamri abeyyo. Yarusalaam magaalah dariifal tan doolatwah yooboke mari too kamrik aaqubeloonuuh, sakraan innah lagaggaq axcelon. Too mari Yarusalaamat maro hayu waa waqdi, Yuudâ magaaloolik raqqa 'te magaaloolit kaadu maro gacele.

Ermiyaas 25:27

Sarrak YALLI yok iyyeemih, too marak intaamah, «YALLAY Nabaamak Nabah, Israayil doore Dagelta kinnihiyya, ‹Tama kamrik baqqa hayteenih edde iskirraay allittaay, sarra akak ugute waytan niksoh innikissa intaanam fanah sin afqeyyo. Toh akah axcem, anu siinit ruubu waa maray seefit sin selu waahiyyah ceelallo› 'yaanam siinik iyya» keenik inxic.

Makaabon 5:12

Ugut Debooray, ugut! Tirtirisak nee bey! Abinqam baxa Barakow, bisoh gexay, seewah orbissa mara gabat bey.

Yasaqya 29:9

Ama tekken xangi-maleelay akah taniinihiyya tika. Akah tanin inti maleela tika. Qinabak bicsen kamri aaqube'kal lagaggaq intan. Gambiik gambil lagaq intaana'mmay, toh kamri maqubih sabbatah abtaanam hinna.

Yasaqya 51:21

Tonna'mmay Yarusalaam maray biyaakat yaniih yiskire marih innah lagaq iyyahiyyaw, oobbeya.

Yasaqya 51:22

Sin Dagelti isi marih qaxat gaca. Tonnal KAAY malikih yani siinik iyyaamah, «Enneeqebbe saaku siinih ecee kobbaaya siinik beeyyo. Ahaysa lagaq sin hayta kobbaayat mataaquban.

Yasaqya 63:6

Bagcarrite waqdi inkih tan doolatwat eeqeteh ken askirise. Qabala keenik baaxok bagul caxe» iyye.

Ermiyaas 13:13

keenik intamaa, ‹Yoo YALLI a baaxol yan marak Dawuduk raaqe dardaarinna le mara kee, seeka kee nabuwwa kee raqqa 'ye maray Yarusalaamal yanihiyya, kamrik baqqa heenih katla fan amma akah iyyan innah keenik abeyyo.

Ermiyaas 25:18

Naharak, Yarusalaam kee Yuudâ-magaaloolil suggu 'ye mara kee, ken malikwa kee makaabon inkih too kobbaayat taniimik efqe. Toh akah abem, a saaku akah yanin innal, a magaalooliy oson elle sugeenihiyya num sinniih lac sinni abur takke'gidiiy; keenit tekkem yubleeh yoobbe mari, ‹Woo marat tekkem siinit takkay› axcuk sinam titta abaarinnaan waqdi, kulli way ceelalloh haan mara yakkeeni'gidi. Tonnah kaadu sinam buruttaah ilaqta mara yakkeeni'gidik ten.

Ermiyaas 44:6

Tonna leemiik kaxxa naqbi yot heeh; too naqbi Yuudâ-magaalooli kee Yarusalaam bayseeh; ta saaku akah tablen innah, num sinniih lac sinni abuuruh raqte› keenik inxic.

Yasaqya 40:2

*Yarsalaam xaylo lih yaaba; racmatta luk ken lih yaaba: ‹Mango biyak siinit yekke, mango waktih biyaakitten; aysa, biyak akket yaade. Abba hayten dambih inkih, dudda luk sin 'kah digaale; aysa dambik qafu geyten› 'yaanam inxica, warisa» 'yaanam iyye sin Dagelti.