Yasaqya 51:13 - NABUWWA KEE MALIKWA

¹³ YALLAY sin gineeh qaran fidseeh baaxoh kaadu elle solta rakiibo bicse, hawwenteenii? Kulli waqdi siinit xukkutaah, sin baysam faxa marih bagcarritaamah macah meysittan? Ken bagcarra tu makalta.

Yasaqya 51:13 Referans Kwoze

Yasaqya 45:12

Baaxo tuklukem yooy; baaxol gaca'gidih sahdaytu tuklukem yoo. Qaran inni gabat fidise; ayrooy alsa kee cutuuka yi milkih tan.

Yasaqya 40:22

Addunya tuklukem Yalla. Baaxok daga raaqa aracal, dardaarinni korsih bagul, Yalli daffeynah yanih yan. Qaran gubal tan ummatta, qunxah xuune ceelak raqta. Guulah innah qaran fidseh, siraq innah qaran fidseh.

Yasaqya 17:10

Toh macah sabbatah akkeleemih inteenik, Yallay, kaxxa qale akah eleelitan innah aleelo siinih yakkeeh sin wadahiyya, hawwenteenih. Kaa cabba hayteenih, taahirik yan cooxu axcuk, isinni gabak coox tuysubukeenih, marin baaxok baahen coox tuysubuken.

Daaniyel 3:19

Too waqdi Nabkadnessar bagcarriteeh, naqabuk gexxaamah inti qabal innah kaak gacte. Isi marak iyyeemih, «Muufet gira urusaay dumak malcina adda laqnah lafitta 'xica» iyye.

Yasaqya 48:13

Baad elle soola rakiibo inni gabah bicse. Qaran fidissem yoo; qaran kee baaxoh seeca waqdi, yoo yaabben.

Yasaqya 44:24

YALLAY qimbol sin gineeh sin wadehiyya kaadu iyyemii: «YALLI yooy; kullim tuklukem yoo. Mango qaran fidissem dibuk yoo. Baaxo gine saaku num yo'lih masuginna.

Daaniyel 3:15

Taway meqek, a gadah yaaguren duyyeh anay taabben waqdi, gommoh raday, ama ceelo uqbuda. Gommoh rade wayteenik, urta muufeh addat sin qideloonu'mmay, yi gabak kalah sin cata yalli mayana» keenik iyye.

Ermiyaas 51:15

YALLI addunya isi qandet gine. Isih leh yan ixxigat inkih yan baad yukluke. Qaran kaadu fidise Dagelta kinni.

Ermiyaas 2:32

Sugay, qibna fillí-bila hawwentaa? Qad-qari-qibna teetih baahen bila cabba hayteh qad-qari orobtaa? Moorobtam kulli num yaaxige tiya. Yi maraw, isin hay loowo akak igmon ayroorah gide yoo hawwenten.

Yasaqya 42:5

YALLI inkih yan qaran gineeh fidseeh; baaxo fidseeh baaxô-bagul ubukku intam yuklukeeh; baadal yan marat rooci kee ufuy hee. Usuk qagseh isi naqasuk iyyemii:

Yasaqya 16:4

Ku baaxol nanay nee inxicaay, nee bayisam faxa marak nee cata» axcelon. Xukko kee baati gaba kaleleeh; baaxooxa baysa mari baaxo cabele.

Yasaqya 7:4

Too waqdi ‹Cisabbootiyyak isi dacrisaay mameysitinay mawariggitin› kaak inxic» iyye. «Malik Raaxin kee kay mara kee, tonnah kaadu, Ramalyaahû-baxih kaxxa bagcarra, namma caxxat gexxa girah qeerih gide.

Aster 7:10

Sarrak Haaman, Mordakay edde takaruh bicsiiseh suge aracat takaren. Tohuk wadir malik bagcarrak xamceh.

Aster 5:14

Kay barra kee kay kataysis ta yab toobbe waqdi, «Sahda edde takran caxxay xexxaarah labaatanna kee namma mitri yakkehiyya macah bicse wayta? Beera malikik, ‹Mordakay a caxxat takram faxa› inteh takartaamak sah! Kaa takarsissa hayteh, isih farcaanak woo xiglah gexxaama» kaak iyyen. Haaman too fayu yoobbe waqdi, «Tah meqe malak tanih tan» 'yaanam isi bagul yucsubeeh, too waqdi sahda edde takran caxxa bicsiise.

Yasaqya 57:11

Yoo akah hawwenteenih yot darre akah cabteenim, isin akak meysittaanam macaay? Yok akah meysite waytaanam mango wakti tibba siinik exceemi innaa?

Yasaqya 9:4

Woh akah kinnim, luk sugen quuka keenik kalettooh, sunku keenik edde aagaruk sugen caxxa aggilele. Keenit xukkutak sugeeh ken adlumuk suge mara duma Miidiyan mara elle bayisse innal baysele.

Yasaqya 10:24

Tonna'mmay YALLAY Dagelta kinnih, Nabaamak Nabahiyya iyyaamah, «Yi-ummattay Siyoonul tanihiyyaw, Assuuriyah-marak mameysitina. Dumî dabaanal Masri mari akah abe innah siinit xukkutaanamah mameysitina.

Yasaqya 14:4

YALLI toh siinih abu waa waqdi, Baabelon baaxoh malik missilah haysittoonuuh, intoonu waytaanamah, «Racmatta sinni malik yinnikisseeh, ahaysa sahdat maxukkuta.

Yasaqya 40:21

Xer dabaanak, dumal elle, siinih warse num maay suge? Baad elle ginniimek sarra, tu aabbe ween mara tekkeenii? Aydumah mataaxigaanaa?

Yasaqya 45:18

Macaay inteenik, YALLAY qaran gineh baaxo kaadu gineh, tet bicseeh tet daabiseeh, foyya tet maabinnay sahda dabaaqah elle gacta arac tet abehiyya isih iyyamaa: «Anu YALLA kinniyo; yok sah yalli mayana.

Yasaqya 49:26

Siinit xukkuta mari titta akmeloonuuh; sittak caxen qabala yaaquboonu waan waqdi, kamri yooqobe marih innah askirelon. Too waqdi baadal eneyya 'ya mari, anu YALLA kinniyom aaxigele. Sin wadaah xixxibaanek sin yeyyeeqe Dagelta kinniyom aaxigelon. Yaqkuub-Dageltay cayla le kinniyom aaxigelon.»

Yasaqya 54:14

Cakkik tan maqaane xinto kok akkele; xukko kee cunxok amaan akketto.

Ermiyaas 38:19

Too waqdi malik Ermiyaasak iyyeemih, «Anu, ni maray Baabelon-mara lih gacca 'yeh nee bayisam faxahiyyak meysitah an. Baabelon malikil gaba eceek, usuk ni maray ken lih yanihiyyah gabal yoo haam takkeeh; tonnal too mari umam yol baahele» kaak iyye.

Daaniyel 3:18

Takkay immay nee cate waamah, atu yallah litom manaqbudaay, atu soolisse ceeloh gommoh maradna» kaak iyyen.

Yasaqya 43:1

Tonna'mmay ta saaku hay, YALLI siinik iyyam le; Israayiley, sin yuklukeeh inki mara sin abe Dagelti siinik iyyam le. Toh macaay inteenik, «Sin waddem yook, mameysitina. Migaaqal siinih seeceeh; yi mara kinniton.

Ermiyaas 51:19

Yaqkuub doore Dagelti woo duyyeh bis le Dagelta hinna. Kullim gintem kaa. Isi mara ummatak tiysiisem kaa. Kay migaq YALLAY Nabaamak Nabahiyya.