Yasaqya 50:10 - NABUWWA KEE MALIKWA

¹⁰ YALLAK meysitaah, kay-naqasih-yab yaabbe maraw, diteh yan aracal ifu sinnuk gexxan way, Yalla eemenaay kibaal YALLAL haysita.

Yasaqya 50:10 Referans Kwoze

Yasaqya 9:2

Ditet tan ummat kaxxa ifu ablele. Duma silal elle radak suge rasul yan maral away ifi gacele.

Malaaki 3:16

YALLIH meysi le maray kaa yaynabehiyya ahamat titta lih yaabeeh; YALLI ken yab ankaciseh, ken yab yoobbeh. Tohuk gexxaamah Yallih garil too marih migaq Yalli kassitih maktuubuk yabbixe.

Yasaqya 53:11

Ganditeh biyaakite'mmay a biyak kaat akah yekkem, foyya hinnam aaxigele. Toh aaxaguk ruffa axcele. Yi naqasuy qadaalat le isi ixxigat mango marah cakki geeleh bahsiisele. Woo mari abeh suge umaane isil akkuqeleeh, beele.

Yasaqya 50:4

Boolaatteemit qande haa'gid, keenik axcem YALLAK barte; YALLAY Mulki le yoo barse. Usuk yoo barsa baritto, kulli maaca ankacisa'gid, xiinik yoo ugusak, yoo barsa.

2 Aydaad 20:20

Nammeyhaytô-saaku dibroh ugutta 'yeenih, Takooqa deqsitta magaala elle tan bacarih tan baaxo fan gexoh ugten. Gexo qimbisen waqdi, Malik Yacoosafat ken lih yaabeeh keenik iyyeemih, «Yuuda kee Yarusalaam magaalah ummatey, siinik axceemihii, YALLAY sin Dagelta kinnihiyyal kibalsita. Tonnal maqar baahetton. Away kay nabuwwa sin lih edde yabte yab eemenaay, tonnal nasri geetton» keenik iyye.

Yasaqya 42:1

YALLI iyyemii, «Aham kaana: Yi naqasuy innih dooreeh, ossokoote. Inni gabat kaa dacrisa. Inni Rooci kaah eceeh an. Baadal inkih tan ummatah, qadaalat usuk baahele; numma-le-meklah meklele.

2 Aydaad 20:12

Ni Dageltaw, a axxul le qaskaray qeebi net abahiyyat edde kalalinna qande mannu immay, ken neh digaal. Kook sah nee cattam matanaay; abnam manaaxigaay, catoh waginnam koo» iyye.

1 Aydaad 5:20

Too qeebih addat, «Nee cat» axcuk Yallal weeqen waqdi, Yalli ken cateh, Hagrih-yooboke-mara kee carbil ken catak yen marak qeebil ken yiysiiseh. Yallal aaminuk yeneenimih sabbatah, usuk ken kallaci yoobbe.

1 Samuwel 30:6

Dawud maray xaylo seewah akak beenihiyya kaxxam bagcarriteenih yeneenih; Dawud xeetit qidaanam faxak yenen. Tonna-leemik kaxxa gadaama Dawud tibbixe. Takkay immay YALLAY kay Dagelta kinnihiyya kaa cateh, agiirite.

Yasaqya 59:9

Ummatta intaamah, «Yalli nee akah cate waam, tohumu. Qadaalat nek yexxeereeh; cakkik tan maqaane nek teerreh. Edde genxa ifu geennom nekkele'mmay, edde nanim diteh addaay,

Yasaqya 10:20

Too ayro, Israayil marak raqte saabo, ken bayse maral kibaal mahaysitta. Oson nummaak kibaal elle hoonu waanam, YALLAY Israayil doore Dagelta kinnihiyyay *kudduusuk yani.

Yasaqya 12:2

Wadeenah yok tanim Yalla; toh aaxigeh; digga liyo. Kaa aamineh, tuk mameysita. Qande akak geem YALLA kinni; kay dacayrih guba edde anim. YALLAY yoo wade kaa kinni. Faylisam YALLAY yoo wada>> 'yaanam axcetton.

Yasaqya 26:9

Baral koh maxhaxah, Dageltaw, maaca kaadu ku raksit liyo. Addunyal ku cokmi yablen way, sinam qadli kinnim baritta.

Daaniyel 3:28

Too waqdi malik iyyeemih, «Sadrak kee Meesak kee Qabednago taqbude Dagelta faylisa. Ken Dagelti malaykattu keenih ruubeeh, keeniy kaal yaamineeh kaa yaqbudehiyya cateh. Oson yi amri cineeniih, yalla 'yeenih gersim yaqbudeenimik, faxem keenit takke way, isinni Dagelta yaqbudeenimil gaba kalen.

Xafanya 3:12

Tokkel too saaku niya akak baxaqteh, kaxxiina xagarat aalle waa maray faxaamah yoo kallacahiyya raaqiseyyo.

Caggay 1:12

Tohuk lakal Darabbabel kee kaxxa seekih yen Yoosuwa kee, wohuk kalah yan maray baatik saaboh raaqehiyyak yakkeenimiik, YALLI keenik aba elle inxicca 'ye innal, YALLI aba iyyem aben. Ayyunti YALLAY ken Dagelta kinnihiyyak meysitak yeneeh; tonna leemiik YALLI ruube nabi Caggay iyyem aben.

2 Samuwel 22:29

Ifu yok kinnito. YALLAW, yi Dageltaw, dite ifu yoh abte.

Yasaqya 8:17

YALLI isi marak is yooqoreh immay anu niyak kaa aamineeh; niya elle liyom kaa.

Naacum 1:7

Maqaane YALLI imi. Isi mara gadaamal cata. Kaa wadbita mara dacrisah.