Yasaqya 5:30 - NABUWWA KEE MALIKWA

³⁰ Too qaskar Israayil marat, bad haffo baaha way dub elle iyya innal, keenit kaayoonu waan wakti amaatele. A baaxo wagga hayteenik, ditet yan maray abam waagisaah yankikkiqehiyya abletton. Qamburre ifu qellisele.

Yasaqya 5:30 Referans Kwoze

Yasaqya 8:22

baaxo fan addah wagga heelon. Too waqdi laqô-bar keenil radeleh; keenit takku wayta gadaama kee gibdaabina ablelon. Dite le aracay ableh umahiyyat gutuqak ken heelon.

Ayyuqel 2:10

Ta qanayti yamaate way, baaxo axaxittaah qaran yangayye. Ayro kee alsal dite radda; cutuuka bar ifak maraqta.

Ermiyaas 6:23

Too mari gayse kee gaysê-xaylooy macaxwa gabat lon. Racmatta kee xuwaawak tu le mara hinnon. Faariisat gexan waqdi, baddi haffoh xongolo lon. Yarusalaamey, kot qeebi abaana'gidih roorut gacca 'yeenih yamaaten» 'yaanam iyye.

Yasaqya 13:10

Cutuuka kee cutuukah-egla ifak maraqta. Ayro tawqe waqdi dattoowele. Alsa kaadu ifu cabele.

Qaamus 8:9

Yi cokmih ayro, laqo ayro suteleeh, wallaqenta baaxol dite qideyyo. Tah intam YALLAY Mulki lehiyya.

Ermiyaas 50:42

Tikyah macaxu kee gaysê-baxa loonuuh; racmatta kee xuwaawah loonum malon. Faarisit gacca 'yeenih gexan way, haffo baaha badih xaw lon. Baabelon maraw, siinit qeebi abaana'gidih, roorul gacca 'yeenih yamaaten.

Yasaqya 13:4

Qaleh amok rada anay ankacisa. Mango maray gaaboowehiyyah anay kee, gaabowte doolatway waxqaxitahiyyak anay rada. Nabaamak Naba YALLI, mango qaskar qeebih bical haa.

Yasaqya 17:12

Ankacisey! Baadal tan ummatta, badal sabo raddaah bad haffita waqdi elle xongola'nnal, xongolta.

Yasaqya 30:6

YALLI bacarih tan baaxoy gabbi-qaxat raqtahiyyal tan alluwwah giddinaamak farmo ruubeeh iyyeemih: Ta makaabonuy farmoh afat gexxehiyya gexen saaku, gibdaabina le baaxoy lubooka kee afat summi le abeesas kee haadda baadeysitte elle tanihiyyak adda gacca 'yeenih gexen. Merraytuh qarik garab danoonal luk gexen. Garab kaadu gaalal luk gexen. Too merraytul heenim, limo mango duyyek ten. Too duyye akah beenim, catoh edde qaagan marih mattacok ten. Takkay immay oson catoh edde qaagen mari, hebeltô-cato keenih abu duuda marak mananna.

Yasaqya 59:9

Ummatta intaamah, «Yalli nee akah cate waam, tohumu. Qadaalat nek yexxeereeh; cakkik tan maqaane nek teerreh. Edde genxa ifu geennom nekkele'mmay, edde nanim diteh addaay,

Ermiyaas 13:16

Laqô-bar siinil radaah dite elle radde qaleelah bagul tandafoofoleenimik dumal, YALLAY sin Dagelta kinnihiyya eyneba! Isin faxxan ifih aftok baaxo kaxxa dite siinil takkeemik dumal, kaa eyneba.

Ermiyaas 30:5

YALLI iyyemii, «Meysih aban weeqih xongolo yol radda. Amaan weeh, cunxita mari aba weeqih anay aabbe.

Yacedkel 26:3

«Tonna'mmay yoo YALLAY Mulki lehiyya tohuk iyyeemih, ‹Suur maraw, naqboyta siinik ekkeh anim siinih warsa. Qeebit sin yabbaxu waa mara siinit ruubeyyo. Too mari baddi haffoh innah kullim duufut beyak amaatelon.

Qaamus 5:18

Qaamus qagseh keenik iyyemii, «Isin YALLIH cokmih ayro qambaala maraw, woo ayro diteh tan ayro'kkal, meqe ayro hinnaay; woh abletton!