Yasaqya 5:25 - NABUWWA KEE MALIKWA

²⁵ Tonna leemiik YALLI isi marat bagcarriteeh, isi gaba ken yuybulleeh ken digaale. Qaleeli yengeyyeeh, rabe marih raysi guddaafah innah gititteh addal rade. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 5:25 Referans Kwoze

Yasaqya 10:4

Carbit ambaxe kee casbit yan marih innah seewah sin bee akkelon. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 9:21

Manasse kee Efrayim mari qeebi tittat abeenih, tonnah kaadu, titta lih gacca 'yeenih Yuudâ-marat qeebi aben. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 9:17

Tonna leemiik Yalli furraynak num keenik asillimi mahannaay, ken qayxiixa kee gubuunuk numuh maxuwaawinna. Macaay inteenik, oson inkih Yalla maloonuuy, uma marah yaniiniih; oson edde yabba 'yaanam inkih umaane. Tohuh, Yallih naqbi maxamcaay, ken edde digaaluh ruube gaba wadir magacsa.

2 Malikwa 9:37

Tet xagarak raqtem kukkurruh dacah innah baxacah kulli ikkel caxitele. Tonna-leemik tet xagar kinnim num yaaxagu maduuda› iyyeh yeneeh; tohim tekkeh» iyye.

Daaniyel 9:16

Nanu bahne dambi kee ni kaxxa abbobti abak sugte umaanek gexxaamah, Yarusalaam magaalak cuggaaneh yan mari Yarusalaam kee ku ummatta bursuteh. Goytaw, duma kulliimik nee catak sugte. Uxih Yarusalaam magaalah maral ahaysa isi kaxxa bagcarra xabbacos. Yarusalaam ku magaala. Is ku qaley taahirik tanihiyya kinni.

Ermiyaas 4:24

Qaleela wagga hee waqdi, qaleeli kaadu dillibitah uble. Koomaami kabuk kabul koramkorah uble.

Naacum 1:5

YALLIH foocal qaleeli kadiidimitah. Kooma kay foocal diyaytah. YALLIH garil baaxo axaxxah. Addunya kee addunyâ-bagul enna 'tam inkih axaxittah.

Ermiyaas 16:4

Kaxxa dalka keenit ruubeyyooh; too dalkat ambaxelon. Keenih rookitaah ken yaagaqu waa mara mageyan. Raysa keenik guddaafah innah qangalaylak cabelon; yakkuqe num mageytima. Carbit rabe kee qululuh ambaxi akkelon. Lafa keenik haada kee garboh alluwwah maaqo akkele.

2 Aydaad 36:16

Takkay immay Yalli ruuba Yallih farmoytiitil asuuluk keenil anqaasakaay Yallih yab maaqilak sugen. Ellecabol YALLIH naqabuy kaxxam gibdihiyya keenil oobeh; kay naqabuk num macattiiminna.

Xafanya 1:17

YALLI iyyaamah, «Ummat inti maleelah innah tataf edde inta bala ummatal ruubeyyo. Dambi lem yol baaheeniih; tohuk gexxaamah a saaku qabal leeh innah keenik caxitele. Raysi keenik abicca 'yeh baaxô-bagul qangalaalele.

Cabakkuk 3:10

Qaleeli koo yuble waqdi, kok cunxiteeh, axaxiteh. Qaraanak kaxxa rob radeh; baaxol sugga 'tem duufut bee. Baaxok guba tan lee muxxe; weeqi kaxxa haffo baahe.

Miika 1:4

Yallih itqat too qaleeli, samqiiti-innah diyaayele. Too qaleelak ooba diyay, leeh innah daqar oobele.

Hosiqa 14:4

YALLI iyyaamah, «Ahaysa keenit luk suge bagcarra xabbacoowe'mmay yoo fan ken gacseyyooh, baguuk ken akcineyyo.

Ermiyaas 15:3

Yoo YALLI ta affaraamay ken bayissu waytahiyya keenil ruubu waamal gaba kaleh an. Carbit rabeloonuuh, ginaada keenik kuuta hirriigiseleeh, qambil gadda akkele. Wohuk raqtem garboh alluwwa akmele.

Ermiyaas 9:22

Kaadu iyyeemih: «Rabe marih lafa saqi dacah innah, kulli ikkel qidelon. Yifiilen darok caben caffih innah, kulli ikkel cayxih aneleeh, ken yaaguqe num mageytima. YALLI yok inxica iyyem tamaha» iyye.

Ermiyaas 8:2

Too lafoofi inki aracal gaaboysak mayaaguqaanaay; guddaafa baaxot elle caxan innal, baaxot qidelon. Ken elle qiden ikkel qangalaylut raaqelon. Tokkel ayro kee alsa kee cutuukay oson kicinukuuy aqbudukuuy faxaanam elle esserak sugeenihiyyah gubal qangalayle lon.

Ermiyaas 4:8

YALLIH bagcarray kaxxam gibdihiyya Yuudah-ummatta macabtak, rookitaay *qabuddat gacaay weeqaay boogisa, keenik inxic» iyye.

2 Malikwa 13:3

Tohuk gexxaamah, YALLI Israayil yinqibeeh; Suuriyah malik Cadayel kee kay baxay Banihadad deqsite keenit ruube. Too qaskar Israayil marak mango adda teyse.

1 Malikwa 21:24

Ku buxah marak magaalah addal rabinnaan numih raysa kuuta akmeleeh, barrih raqta baaxol rabinnaan numih raysa guma akmele› 'yaanam kok iyyah yan» kaak iyye.

1 Malikwa 16:4

Ku buxah marak magaalah addal rabinnaan numih raysa kuuta akmeleeh, barrih raqta baaxol rabinnaan numih raysa guma akmele› kok iyyah yan» kaak iyye.

1 Malikwa 14:11

Ku-buxah-marak magaalah addal rabinnaan numih raysa kuuta akmeleeh, barrih raqta baaxol rabinnaan numih raysa guma akmele. Tamahat yabtam, yoo YALLA, kok iyyeh yan› kaak inxic» teetik iyye.

Yasaqya 10:6

Assuuriyah-mara, Yalla-maleelay yoo bagcarrissehiyya edde digaaluh ruubeyyo. Ummatta radoonuuy ken garqoonuuy, tonnah kaadu, gital sugte guddaafah innah taqqa keenit iyyoonuh ken ruubeyyo.

Yasaqya 14:19

koh kabri madagaanaay; ku raysa caxak yirgiqen luddi innal baaxot qideloonuh, teetit ummatta aaqitele. Ku raysih bagul carbit rabte qaskarih raysitte gacele; sitta lih akeerak iqiya fan oobetton.

Yasaqya 23:11

Yalli bad fanah gaba ruube. Inkih tan baaxo meysih axaxxe. YALLI, «Kanqaan baaxol koositih bicsen arooca bayisa» 'yaanamih amri yecee.

Yasaqya 25:11

Mooyab mari giiru aba numih innah gaba asgayyelon. Takkay immay woh tu keenih maxiqtaay; Yalli qaybik ken qidele.

Yasaqya 42:25

Yalli toh keenik ubulla hee waqdi, isi bagcarray girah innah sinam cararissahiyya keenil ruube. Carbi keenit aba mara keenit ruube; Too carbi girah innah ken laqlaqe'mmay, tohuh edde maradinnon. Too gira ken tokmeh immay, toh baritto keenih makkina.

Yasaqya 51:20

Xaylo siinik xagar-boolah kulli gitih addal yannikisseenih, qangalaalat yanin. YALLI keenit aba bagcarrah sabbatah, oflot yibbixen sageerih innah raden.

Yasaqya 64:3

Nanu cubak suge wayne taamay sahda akak cunxitta abte saaku lito. Too saaku nel obteeh; qaleeli koo yubleh, cunxoh axaxite.

Yasaqya 66:15

Macaay inteenik, YALLI girah innal amaatele. Kay gaariira qaana fuluk haak tamaate. Niqba mara kaxxa bagcarrat edde digaala'gidih, YALLI gira gabat luk amaatele.

Yasaqya 66:24

Qagseh, «Yamaatoonu waan saaku, yi yab cine marih raysa ablelon. Ken xagar takme xaariya, rabta xaariya hinnaay; ken takme gira mabarugta. Ken raysi ableh uma innah gacele» iyye.

Ermiyaas 17:4

A baaxoy siinih eceehiyya akah cabtan innah siinik abeyyooh, aaxige waytan baaxol sin naqboytiitih naqoosa sin abeyyo. Toh siinit akah takku waytam, isin yot ugussen naqabih giray barge waytahiyya kinni» 'yaanam siinik iyye.

Yacedkel 6:14

Gaba keenil qideyyooh baaxo keenik bayseyyo. Gabbi-qaxat raqta bacarih tan baaxok xabba haanamaay Ribla deqsita aracay kilbat le kabut raaqahiyyah amma 'yaanam, abuuruh tan baaxoy num sinniih lac sinni abeyyo. Israayil mari elle yan baaxok tu macabay inkih bayseyyo. Ummat too waqdi anu YALLA kinniyom yoh aaxigelon» yok iyye.

Yacedkel 30:25

Kaa boolaaseyyooh, Baabelon malik qande bahsiiseyyo. Inni seef kaah aceeyyooh; usuk yi seef Masri fana yascassu waa saaku, sinam inkih YALLA kinniyom yok aaxigele.

Qaamus 8:8

Sin qamalak gexxaamah baaxo angayyele. Baaxol enna 'ya mari inkih weeqele. Niil weeqayti leek yamagge kee salca saaku akah yangayye'nnah, inkih tan baaxo digaalah angayyele.

Yasaqya 9:11

YALLI, Malik-Raaxin le naqboytit qeebi keenit abta'gidih bicat heeh; ken naqboytit keenit uguuguse.

Yasaqya 9:16

A ummatta miraacisa mari ken edde beyaanam, gita maliinooy; ken edde yabbixeenim, badambadisiyya.

Yasaqya 9:20

Inkih tan baaxol ummatta maaqo tittak bukkusseeh; maaqok geennaan im yakmeeni'mmay tohuh macayyan. Isinni gabah cado kinni way yokmen.

Yasaqya 29:2

isin faxe qiid abtaanamah, Yalli, «Anu a magaala biyaakiseyyo» 'yaanam iyyah yan. «Yarusalaam boogiseleh, rookitele. Sadgat elle aban aracal qabal elle caxita innah, magaalal qabal caxitele.

Ermiyaas 6:12

Oson dabaaqah edde sugen qarwa marah raaqele; ken buqre kee ginnaaqot luk sugen agbih agantah marin mari nagrele. Ken digaaleyyooh; yi gaba ablelon. Tah intam yoo YALLA.

Yacedkel 15:6

Tonna'mmay taway YALLAY Mulki lehiyya iyyaamah, «Too saaroytay garboh addak irgiqqa heenih girat qideeni elle carara'nnal, Yarusalaam ummatta too bis le digaalah, ken digaaleyyo.