Yasaqya 5:23 - NABUWWA KEE MALIKWA

²³ Guqul taagah tablen umeynit gexxay intaanaah, qellat sinni mara cakki gee kaltan.

Yasaqya 5:23 Referans Kwoze

Yasaqya 10:2

Tu maleelah le cakki mataaxigan. Ken cakki ken geyi mahaytan. Xukko elle tan marah cakki mabtan. Gubun kee qayxiixah im gita maliinot beytan.

Miika 7:3

Umam abittol ken celtam matan. Doolat saqolti kee cokmaaba guqul faxxaah, milki le mari faxxa heem aban. Yakkeenimiik sahdak aboonu waanamal malsitan. Isinnih faxaanamah sinam dirkisan.

Miika 3:11

Magaalah abbobti, siinik guqul keenih acinnaan marah, iyyan. Seeka Yallak temeete xinto, maalu keenih acinnaan mari elle faxa innal, barsan. Nabuwwa lakqo keenih yecee marah, takku waytam warsan. Too mari inkih arraabak too waqdi, «YALLI ne'lih yan» iyyan. «YALLI ne'lih yaniih, umaaneh net takkem mali» iyyan.

Yasaqya 1:23

Ku addal abbobtih yan mari qamallitte yekkeeniih, siftâ-kataysiisih yanin. Oson kulli way guqul yakmeeniih, cokmi-aracal qayxiixah le cakki mayaaxigaanaay; gubuunut tekkeemih adda mawagtan.

2 Aydaad 19:7

Cokmi abtan waqdi, YALLIH meysi taalleenimi; abtan cokmi cubbusak abtaanama. Macaay inteenik, YALLAY ni Dageltah yani cokmil sinam yadlumeenim kee, isinnih akah faxen marah iyyaanam kee, guqul beyaanam maqansiisa» 'yaanam keenik iyye.

1 Malikwa 21:13

Too waqdi woo baabuurute namma num amma 'teh sahda foocal, «Nabot Yalla kee malik abaare» axcuk kaal waden. Sarrak magaalak afah kaa beyya heenih, xeetit kaa qiden.

Yasaqya 10:1

Woyyow siinit takku waytaamow! Qadlit mataamittaanay, yi ummatta biyaakittaana'gidih, gitah ane sinni madqa abtan.

Yasaqya 32:7

Xuwaw sinni anaani-leela umaanet assa. Tu maleela edde baysan dirab kee masaakiina cakki edde waysiisan malat gacan.

Yasaqya 59:15

Yaaminen mari mayanaay; umaanek waasiminnaan numuk amot gacen. YALLI aham yubleeh, qadaalat ane waam yuble waqdi faxe cineh.

Qaamus 5:12

Abtan umaane kee dambiy edde taniinihiyya siinik yemeggeh yanim digga haa. Meqe marih amot gactaanaah, xakaake ken kaltaanaah; guqul takmeeniih; masaakiina cakki waysissan.

Yasaqya 28:7

Seekaay nabuwwa abte sikratah ibi keenik lagaggaq iyya. Kamrit aben sikratih taagah annikissuk yandafoofolen; baditak gita malit radan. Nabuwwa kamrit tiskireh tan. Suwaawuruy oson yableenit radoonu cineenih; yefferen. Seeka kaadu kaxxam tiskire; sinam amoh keenik bahta yab mekloonuuy kuroonu yefferen.

Yasaqya 29:21

Cakki-bagul-yan-maral diraabah-sumaaqita-mari bayele. Cokmi-buxal, cakki-le-mara cakki-waysiisa-mara baati qambalta. Qellat-sinni-mara-cakki-gee-kala-mari bayele.