Yasaqya 5:16 - NABUWWA KEE MALIKWA

¹⁶ Too waqdi YALLAY Nabaamak Nabahiyya gitah tanim abeleeh, tonnal leh yan nabna kaak ambulleele. Isi ummattal yackume waqdi, *kudduusuk yan Yalla kinnim kaak ambulleele.

Yasaqya 5:16 Referans Kwoze

Yasaqya 12:4

Yallih mari saare abu waa saaki diggah amaatele. «Ummatey, YALLA saarisa; candu kee fayla kaah aba; YALLAW, axcuk, kaa'lih yaaba. Sahdah addal kaat yaaba. Usuk abe meqe taamaay kay migaq le kaxxa nabna baadal yan marah warisa.

1 Aydaad 29:11

Qaran kee baaxol tanim inkih kuumu. Nabna leeh diifu lem kooy; qande kee nasri lem kooy; hayba dibuk lem koo. YALLAW, abbootan lem koo; kulliimik fula leeh daga raaqa dardar koo.

Yacedkel 36:23

Yi migaaqay taahirik yanihiyyay isin bayisak sugteenihiyya ummatah qaddoysu waa saaku, anu YALLA kinniyom aaxigelon. Siinih abu waamat, gersi baaxol yan mari saytun Dagelta kinniyom yok aaxigelon. Tahat yabtam yoo YALLAY Mulki lehiyya.

Yasaqya 29:23

Macaay inteenik, anu siinih acee xaylo tabloonu waytan waqdi yoo aqbudetton. Yaqkuub doore Dageltay kudduusuk-yani kinniyom yok aaxigetton. Yi migaq aynabetton. Yi meysi xagarat siinik culele.

Yasaqya 33:5

YALLI fayya le aracal yan Dageltaay; nabna lem kaa. Siyon-qalel qadaalat kee cakkik-tan-maqaane heele.

Yasaqya 8:13

Yoo YALLAY Nabaamak Nabahiyya *kudduusuk yan Dagelta kinniyom mahawweenin. Akak meysiteh meqem dibuk yoo. Akak cunxitaanam yoo.

Yacedkel 38:23

Nabna le Dageltay taahirik yanihiyya kinniyom mango baaxoh mara tonnal aybulleeyyo. Oson YALLA kinniyom tonnal yok aaxigelon» iyye.

Yasaqya 57:15

Macaay inteenik, daga raaqa *kudduusuk yan Dageltay kulli way waarahiyya iyyaamah: «Elle anim daga raaqah kudduusuk yan araca'mmay, toh lih kaadu yoh rammitaah toobita mara lih anyo. Ken lih akah anim, kibaal kee niya keenit haa'gidi.

Yasaqya 2:17

Sahdayti kaxxiina kee anaani gaba kaleleeh; Yallih aftok aqbuduk sugen xeet kee coox bayele. Too ayro nabna luk raqtu waytam, dibuk YALLA.

Yasaqya 61:8

Macaay inteenik, yooy YALLAH yani qadaalat kicna. Cado akak carrisan sadgatak tu cabaanam niqibiyo. Liyoh an diggal inni ummattah galto gacseyyo; baye sinni qahdi ken lih heeyyo.

Yasaqya 28:17

A magaala edde massowtu waytam, qadaalata. Sekexih gexxaamak cakki kee qadaalat tet sooliseyyo. Diraabay isin elle taamineenihiyya bayseyyo. Isin uqurah liton arac weeqi duufut beele.

Yasaqya 6:3

Tittah seecak yeneeniih, «YALLAY Nabaamak Nabahiyya *kudduusuk yan. YALLAY Nabaamak Nabahiyya *kudduusuk yan. YALLAY Nabaamak Nabahiyya *kudduusuk yan. Kay nabna inkih tan addunya duddah» iyyen.

Yasaqya 30:18

Tonna'mmay YALLI, tohuh, isi niqmat siinil oobisam faxaah; kaadu siinih racmata'gidih ugtele. Macaay inteenik, YALLI cakki le Dagelta kinni. Kaal kibaal haa mari ruffu iyya mara.

Yasaqya 2:11

Sahdâ-kaxxiina kee anaani gaba edde kalta wakti amaatele. Too ayro nabna luk raqtu waytam, dibuk YALLA.

Yacedkel 28:22

Keenik intaamah: YALLAY Mulki lehiyya siinik iyyaamah, ‹Saydah ummatey, anu sin naqboyta ekkeh an› keenik inxic. ‹Siinik abu waam yok yabalu waa mari yoo faylisele. Sin addal yan marat abah an digaalat taahirik anim innik ayballayu waa saaku, YALLA kinniyom yok aaxigelon.

Yasaqya 33:10

YALLI iyyamaa, «Away anu ugteyyo. Away, yi nabna kee yi qande sin aybulleeyyo.

Yacedkel 20:41

Isin fixixih elle sugten baaxok sin eyyeqqaay titta fanah sin gacissa heek sarra, isin teceen sadgatay yoo ruffa heehiyya akah oggole'nnah, sin oggoleyyo. Sin addal abu waamat, gersi baaxol yan mari taahirik anim yok aaxigele.

Yacedkel 38:16

Yi Israayilih ummatat caacoy baaxok baaxo gexxah innah, elle temeete innaak qeebi abetto. Sarrah yan dabaanah, yi baaxo tabbixe'gidih, koo ruubeyyo. Toh akah abu waam, raqqa 'te baaxooxah mari yoo yaaxige'gidiiy, tonnah kaadu, kol baahu waamak gexxaamah, taahirik yan Dagelta kinniyom yok yaaxigeeni'gidi» iyye.

Daaniyel 4:37

Tonna leemiik yoo Nabkadnessar qaraanal yan Malik faylisaah kaa assakaxxeh. Usuk le nabnat yaabah, usuk abba heem inkih cakkik taniimiiy, kay giti cakki gita. Kaxxiina le marak kaxxiina kalu dudda le» 'yaanam iyye.

Yasaqya 2:9

Tohih sabbatah kulli num keenik qaybit radeleeh, gaca mara akkelon. YALLAW, keenih maracmatin.

Yacedkel 28:25

YALLAY Mulki lehiyya iyyeemih, «Israayil ummat fixixih elle abbixe baaxooxak gacseyyo. Addal keenik anu waa waqdi, woo baaxooxah mara Kudduus kinniyom aybulleeyyo. Israayil mari isi baaxoy anu yi naqasuh yan Yaqkuubuh eceehiyya fan aduurelon.