Yasaqya 49:7 - NABUWWA KEE MALIKWA

⁷ Israayil ummatta wade Dageltay *kudduusuk yanihiyya, sinam intit bura leeh baadal tan ummat niqba numuy abbobtih yan marah naqasu yekkehiyyak iyyamaa: «Amoytit koo tabalu wayta waqdi, aracak ku assakaxxah ugtele. Baaxoh abbobti koo table way gomboh radele. Ta mari ta assakaxxiyya akah abu waam, YALLAY digga lehiyya isi farmoytah koo dooreemih sabbata. Yeey, ta mari ta assakaxxiyya akah abu waam, Israayil doore Dageltay kudduusuk yani isi farmoytah koo dooreemih sabbata» iyya.

Yasaqya 49:7 Referans Kwoze

Yasaqya 53:3

Kaa nuble way kaa burunneh, kaa cinneh xayyoowe kalleh. Ceeceyite num sugeh yen; mango biyak kaa yibbixe. Maqal kaat haysittem matan. Kulli num darre kaat cabe; kaa burunneh kaa maaqilleh.

Yasaqya 48:17

YALLAY sin wadahiyya iyyam le. Israayil doore Dageltay *Kudduusuk yani siinik iyyamaa: «Anu YALLAAY; sin Dagelta kinniyo; Sin taagah meqe gita sin yaybulleeh, edde gexxan gita siinih ascasse.

Yasaqya 49:23

Malikwa, abbobtih inna siinih akkeleeh; malikwah-agbi inonti siinih akkele. Massakaxxah gommoh siinih radelon. Isinni ayqunxuk, sin aynabelon. Tonnal anu YALLA kinniyom aaxigetton. Yol kibalsita numuk niya margiqa» iyyah yan.

Yasaqya 49:1

Xer baaxol geytima maraw, allahî-baaxoh ayyuntaw, ayti yoh 'cuya, yoo oobbeya. Aabukeemik dumal elle, YALLI yoo dooreeh, yoo meexe; inâ-bagut elle suge way yoo muggaaqisak yoo doore.

Zakariyya 11:8

Sidooca duweenay yoo niqba yeneeh; sarra ken faxe cineeh, inki alsih addat wokkek ken xiiriyeh.

Yasaqya 52:15

Toh tekke waqdi yi naqsi mango baaxol tan ummatta yoo yaqbudoonuh rifele. Amoytitte kaa table way, qangara afak mayayyaaqan. Able weeniih, aabbe weenim, maqna akak aaxige weenim, aaxigelon; asmitelon; ahak sarra edde radelon.

Yasaqya 42:1

YALLI iyyemii, «Aham kaana: Yi naqasuy innih dooreeh, ossokoote. Inni gabat kaa dacrisa. Inni Rooci kaah eceeh an. Baadal inkih tan ummatah, qadaalat usuk baahele; numma-le-meklah meklele.

Yasaqya 60:10

Qagisak teetik iyyaamah: «Koo inqibeeh koo digaaleh suge'mmay, koh liyoh an kacanu kee inni racmatta koo aybulleemih sabbatah, allak yemeete mari ku gasoosa xisele; ken malikwa ku taamat gacele.

Yasaqya 60:3

Doolatwa inkih, ku ifuy maaci ifih innah urahiyyah goranah amaatele; malikwa kaadu ku ifuh goranah amaatele.

Yasaqya 50:6

Ugrah yoh yemeete marah, maciniyyoy buucus ecee. Deben-xagor yok giiteenih macininniyoy; tibba exce. Yoo xaafeenih qaytimeenih; afak guduqqa maxciyyo. Qunxuf foocat yok tufeenih immay guduqqa maxciyyo.

Yasaqya 48:7

Ahayduma tekkem hinna'mmay, away akah takke'nnah abeyyo. Away axcem dumaak aabbinnitoonuy, ‹Ah dumaak naaxigeemi› 'yaanam axcuk tenen. Immay away siinih warsam duma maabbinnitoonuuy, maballinniton.

Yasaqya 60:16

Doolatwa kee malikwa meqe'nnal koo dacrisele. Too waqdi yooy YALLAH yani koo wadem aaxigetto. Xixxibaanek koo yeyyeeqe Dagelta kinniyom aaxigetto. Yaqkuub doore Dageltay cayla le kinniyom aaxigetto.

Yasaqya 14:1

YALLI Israayil ummattah racmateleeh, isih doorite mara nammeyhaak ken abele. Dabqah elle sugen isinni baaxol gacoonay ken axcele. Aki baaxok yemeete mari wokke ken lih angaleleeh, dabqah ken lih gacele.

Yasaqya 19:21

Tonnal, YALLI Masri marah ambulleeleeh; too waqdi kaa aaxigelon. Kaa yaqbudoonuh, sadgat kee mattaco kay migaaqal abeloonuuh; YALLAH nadri culeloonuuh woo nadri duuduselon.

Yasaqya 19:23

Too ayro, Masri mara kee Assuuriyah marih fanat kaxxa giti gacele. Too namma rasih marak mariiy maral safarah gexeleeh, ken namma rasih mari titta lih YALLA aqbudelon.

Yasaqya 27:13

Too ayro, kaxxa *baanta aagureloonuuh tet kaayiselon. Masri kabuk gitah been mara kee, Assuuriyal baatit yan marah seecaana'gidih tet aagurelon. Too baanta aabbeloonuuh amaatelon. Yarusalaam-qaley saytunil YALLA aqbudeloonuuh, kaa aynabelon.

Yasaqya 49:26

Siinit xukkuta mari titta akmeloonuuh; sittak caxen qabala yaaquboonu waan waqdi, kamri yooqobe marih innah askirelon. Too waqdi baadal eneyya 'ya mari, anu YALLA kinniyom aaxigele. Sin wadaah xixxibaanek sin yeyyeeqe Dagelta kinniyom aaxigelon. Yaqkuub-Dageltay cayla le kinniyom aaxigelon.»

Yasaqya 66:23

Alsi elle bilinnaanimil aban qiid kee, kulli sabtih aban qiidih, sinam inkih Yarusalaamal yoo taqbude'gidih amaatele» 'yaanam iyya YALLI.