Yasaqya 49:5 - NABUWWA KEE MALIKWA

⁵ Taway YALLI yo'lih yaabe. Aabukeemik dumal elle, inâ-bagut akah anih, YALLI isi naqasu yoo abe. Isi naqasu akah yoo abem, Yaqkuubuk rade kay mara kaa fan gacissa haa'gidi. Israayil xayloy fixixxe, kaa fan gacissa haa'gidi. YALLIH garil nabna liyo; Qande akak liyom yi Goyta.

Yasaqya 49:5 Referans Kwoze

Yasaqya 56:8

YALLI Israayilik fixixeh suge mara ittah gacsa. Kaay Mulki le iyyeemih, «Kaadu gersi maray keenit yangalu waahiyya baaheyyo» 'yaanamah xagna cule.

Yasaqya 52:13

YALLI yaabeh annah iyye: Aham kaana; yi naqsi kaa. Yi naqsi edde asu waa taama inkih kay gabal bicele. Ummat garil, sahda garil, kaxxam naba num akkele.

Yasaqya 50:4

Boolaatteemit qande haa'gid, keenik axcem YALLAK barte; YALLAY Mulki le yoo barse. Usuk yoo barsa baritto, kulli maaca ankacisa'gid, xiinik yoo ugusak, yoo barsa.

Yasaqya 49:1

Xer baaxol geytima maraw, allahî-baaxoh ayyuntaw, ayti yoh 'cuya, yoo oobbeya. Aabukeemik dumal elle, YALLI yoo dooreeh, yoo meexe; inâ-bagut elle suge way yoo muggaaqisak yoo doore.

Yasaqya 43:4

Yi garil muxxo leeh kunnabna le mara kinnitoonuuh, sin kiciyyo. Tohuk gexxaamah sin aftok sinam aceeyyo; sin roocih gidyatah mango baaxoh ummatta aceeyyo» siinik iyyah yan.

Yasaqya 12:2

Wadeenah yok tanim Yalla; toh aaxigeh; digga liyo. Kaa aamineh, tuk mameysita. Qande akak geem YALLA kinni; kay dacayrih guba edde anim. YALLAY yoo wade kaa kinni. Faylisam YALLAY yoo wada>> 'yaanam axcetton.

Yasaqya 11:12

Yalli, asta-yakku-waa-qalam baadal-tan-ummattah heeleeh; Israayil kee Yuudâ-maray fixixeh sugehiyya baadak affara kaalibik gaaboysele.

Yasaqya 25:1

YALLAW, yi Goyta kinnito. Litom muxxo le diggah ten. Dumaak elle malisse'nnal, ku diggay dudda lehiyyat, akke-waynuh tanim abte. Toh abaluk koo aynabeyyo; fayla kaadu koh abeyyo.

Yasaqya 27:12

Too ayro YALLI, Furaatak xabba haanamaay Masri cuduudul yan daqaarah amma 'yaanam fan, Israayil ummat gaaboysele. Isi mara gaaboysele. Kamadik caffa elle baxsan innal, ken baxisak ken gaaboysele.

Yasaqya 44:2

YALLAY sin yuklukeeh ina bagut sin giney sin catahiyya siinik iyyam le. Siinik iyyamaa: «Yaqkuubuk rade maraw, mameysitinaay, yi naqoosa kinniton. Kiciyyo maray anu doorehiyya kinniton.

Zakariyya 6:13

YALLIH Qibaadah-Qari nammeyhaak xissu waytam kaay; malikih taguude nabna geytu waytam kaa. Isi ummatak abba tikka 'yeh xiinisele. Malik dardaarinnih korsil gacele. Kay dardaarinnih korsih xaquk seekih yan num sooleleeh; too sek kee kaa abinnaanim titta lih abeloonuuh, muquk, wagarit titta xiiniselon. Toh intam YALLAY Nabaamak Nabahiyya› kaak inxic.

Nacmiya 8:10

«Ahaysa isinni buxa gexaay, meqe maaqo akumaay salfa le maqab aqubaay, qiidih asa. Liton maaqo kee maqab tu aalle waa marah acuya. A saaki ni Goytah garil taahirik tan ayrok markitina. Sin cayli, YALLI siinih yecee rufto» keenik iyyen.