Yasaqya 49:10 - NABUWWA KEE MALIKWA

¹⁰ Mabakaaritaanaay maqululan. Wahari le caacay kee ayrô-dahan ken mabiyaaka. Macaay inteenik, yoo YALLAY ken kicnahiyya foocat gacca 'yeh ken beeyyo; lee le buyyi fan ken beeyyo.

Yasaqya 49:10 Referans Kwoze

Yacedkel 34:23

Malik Dawuduy yi naqasuh yanihiyyah innah yan loynaytu keenih heeyyo. Too loynayti ken dacrisele.

Ermiyaas 31:9

Namma intik ximo keenik amaatuk aduurelon. Anu ken miraacisa way dooqa abak amaatelon. Gitah darah gexxa leek xaqut-xaqut ken beeyyo. Saytun gitay adaf sinnihiyyat ken beeyyo. Toh keenih akah abu waam, Israayil marak abba kinniyooh; Efrayim yol naharsi-baxih gide» 'yaanam iyye.

Yasaqya 40:11

Illit dacayrih yan loyni, isi illi elle dacrisa'nnal, YALLI isi mara dacrisa. Illi-xaylo gabal quukah, aliilit xabba haah beya. Xale illi xuwaw luk beya» 'yaanam axcuk keenih waris.

Yasaqya 35:7

Liiqih sinam cararisak yen daqaarak kulli ikke dora akkele. Bakarbakar luk ten baaxol, mango dori racele. Wakri-dabaaqah sugte baaxol, qayso kee bayreey gorrob aabukele.

Yasaqya 32:2

Keenik kulli num caacok edde rebsiman reebu akkele. Kaxxa roobuk edde yaggarren reebu akkele. Bakarroytal geen darah gexxa leeh bis aallele. Caxa-sinniih reebu-sinni bacarik-bagul, silal le boolok baguk radda iraawoh bis aallelon.

Yasaqya 25:4

Baaciteeh yossomme marah reebu kinnito, Dageltaw. Gadaama kaa tabbixe way gabat tu sinni miskintuh reebu kinnito, Dageltaw. Too maray ayro carrissah caaco kee rob qayyaawise, reebissah, ken silaalissa. Xuwaw maleelah umaane kaxxa caacoy xeet taggileh inna le'mmay tu mabahta.

Yasaqya 4:6

Kay nabna ayrok silaalo teetih akkele. Rob kee kaxxa caacayak reebu teetih akkele.

Yasaqya 54:10

Qaleeli bututtukka 'yaah, koomaami suge wayteh innah gactaamah, koh liyo kacni way mabaya. Amaanah koo xiiniseyyoomuh xagana koh cula» 'yaanam kok iyya. Tamah kok intam, YALLAY koh nacruurahiyya.

Yasaqya 14:1

YALLI Israayil ummattah racmateleeh, isih doorite mara nammeyhaak ken abele. Dabqah elle sugen isinni baaxol gacoonay ken axcele. Aki baaxok yemeete mari wokke ken lih angaleleeh, dabqah ken lih gacele.

Yasaqya 35:6

Kos axcuk suge mari ardah wayxexxa akkele. Duuditteh suge mari yaabeleeh, farcatah qililisele. Macaay inteenik, bakarroytah sugte baaxol buyyitte darah gexele. Bacarih tan baaxok kulli ikkel lee darah gexele.

Yasaqya 41:17

«Tu maleela kee masaakiina yaaquben leeh goranat gacta'mmay mageyan. Katla keenik bakaarah kaffa 'te'mmay yoh seecan waqdi, too bakaarak yooy YALLAH yani ken wadele. Yooy Israayil doore Dagelta kinnihiyya gibdaabina kee gadaamal ken macaba.

Yasaqya 43:19

Away qusbaamay bicsam faxahiyya liyok, wagita; taway tohih abtoh addat ani'mmay, wagita. Bacarih tan baaxot gita bicseyyooh; bakarroyta le baaxooxal daroori abeyyo.

Yasaqya 48:17

YALLAY sin wadahiyya iyyam le. Israayil doore Dageltay *Kudduusuk yani siinik iyyamaa: «Anu YALLAAY; sin Dagelta kinniyo; Sin taagah meqe gita sin yaybulleeh, edde gexxan gita siinih ascasse.

Yasaqya 48:21

YALLI isi ummatta bakarroytay lee sinnihiyyal bee saaku, bakaariti ken mahanna. Lee xixxaqak baguk keenih yeyyeeqe. Xixxaq namma ikkel heeh, too waqdi lee akak tewqe.

Yasaqya 51:14

Away casbit yan mari casbik awqele; rabak waddiimeloonuuh, maaqok faxeenih gide geelon.

Yasaqya 52:12

A saaku gexot akah tasissikeenim manton; akak kuddaanam manton. YALLI isih foocat siinik gacca 'yeh sin beeleeh, kulli kabuk isih sin dacrisele.

Yasaqya 54:8

Dago waktih gide kaxxam kot bagcarriteeh darre kot cabeh suge'mmay, ahak wadir way koh maamay, koh nacruureyyooh, kulli way koo akcineyyo» 'yaanam kok iyyah yan. YALLAY koo wadahiyya tama'nnah kok iyya.

Yasaqya 58:11

Anu kulli way sin miraaciseyyooh gadaamittan waqdi, amqinnaanimik sin cayiseyyo. Qande siinit heeyyooh mango lee geyte buqreh innah sin abeyyooh way kafe waa buyyi sin abeyyo.

Yasaqya 65:13

YALLAY Mulki le tah yubleeh too way tannah siinik iyya. «Yi naqoosa maqululta; faxeenim maaqok akmelon; siinih gactek qululetton. Yi naqoosay yoh taamitta leê-waytih mabakaaritta; siinih gactek bakaaretton. Yoh taamitta yi naqoosa ruffa axcele, tassa axcele; siinih gactek gamoometton; wacarriyih gamoometton.

Yoonas 4:8

Ayro laqte waqdi, Yalli ayrô-mawqa le kabuk laqin caacay ruubeeh; Yoonas ayrô-dahan kaxxam kaa biyaakeemih sabbatah damaysiteh. Tohih sabbatah isi bagul, ahak rabam yoh aysuk ten, iyyeeh, «Aniimik rabam yoh tayse» 'yaanam afak kaak tewqe.

Miika 7:14

Ummat inteemih, «YALLAW, saqi-loynah innal, isi mara dacris. Isi maray isih doorittehiyya dacris. Nanu elle nanim garboh tan baaxo'mmay niqmatak tan baaxo dariifal nek tan. Dumî-dabaanal akah abak sugne innah, Basan kee Gilqad rasuy niqmatak yanihiyya fan genxeh caynay nee inxic.