Yasaqya 49:1 - NABUWWA KEE MALIKWA

¹ Xer baaxol geytima maraw, allahî-baaxoh ayyuntaw, ayti yoh 'cuya, yoo oobbeya. Aabukeemik dumal elle, YALLI yoo dooreeh, yoo meexe; inâ-bagut elle suge way yoo muggaaqisak yoo doore.

Yasaqya 49:1 Referans Kwoze

Yasaqya 44:2

YALLAY sin yuklukeeh ina bagut sin giney sin catahiyya siinik iyyam le. Siinik iyyamaa: «Yaqkuubuk rade maraw, mameysitinaay, yi naqoosa kinniton. Kiciyyo maray anu doorehiyya kinniton.

Yasaqya 49:5

Taway YALLI yo'lih yaabe. Aabukeemik dumal elle, inâ-bagut akah anih, YALLI isi naqasu yoo abe. Isi naqasu akah yoo abem, Yaqkuubuk rade kay mara kaa fan gacissa haa'gidi. Israayil xayloy fixixxe, kaa fan gacissa haa'gidi. YALLIH garil nabna liyo; Qande akak liyom yi Goyta.

Xafanya 2:11

YALLI akak cunxitan umaane keenil ruubele. Addunyal yan mari yallah le duyyeeya foyya keenik abele. Too waqdi kulli mari, elle aninnaan baaxol, YALLA aqbudele» iyye.

Yasaqya 60:9

Aham xer baaxok yamaate maraakibi; a maraakib, yi xaylo edde tan maraakibi. Israayil doore Dageltay *kudduusuk yanih migaaqih nabnah baahen dahab kee lakqo a maraakibih addat tan. Tah akah abaanam, yoo ku Dagelti nabna kot heemih sabbata. Macaay intek, allî-baaxoh mari yoo qambaalita» 'yaanam YALLI Yarusalaamak iyyah yan.

Yasaqya 55:3

Yi ummatey anu axcem ankacisaay yi fan ama; rooci siinik waara'gidih ankacisa. Waara xagana sin lih heeyyooh, Dawuduh qahdi akah cule kacanuy digga lehiyya siinit heeyyo.

Yasaqya 46:3

Yalli iyyamaa: «Yaqkuubuk rade maraw! Yi marak saaboh raaqe mara kinnitoonuk, yoo oobbeya! Tooboken saakuuy akke, sin akkuquk amo siinik wagitak suge.

Yasaqya 44:24

YALLAY qimbol sin gineeh sin wadehiyya kaadu iyyemii: «YALLI yooy; kullim tuklukem yoo. Mango qaran fidissem dibuk yoo. Baaxo gine saaku num yo'lih masuginna.

Yasaqya 51:5

Xayuk keenih amaateyyooh ken wadeyyo. Inni gabat qadaalat keenih baaheyyo. Allî-baaxoh mari niya yol haak sugele; yi gaba qambaalat sugelon.

Yasaqya 45:22

Baadal tan ummatey, inkih waddintaana'gidih, a saakuuk yol uduura. Yalli dibuk yoo.

Yasaqya 42:12

Xer rasul yan mari YALLA faylisaay kaa yaynabay; YALLA saarisaay kaa yaynabay.

Yasaqya 41:1

Yalli iyyaamah: «Isin xer baaxol yan maraw, tibba 'xicay yoo fan ama. Baadal tan ummatey, qusba qande haysita. Cokmi-buxal yaabittaanamih nasiib alletton. Gital nek yan num nable'gidih, fooca kee foocah cokmi-buxal nangooroway.

Yasaqya 9:6

Macaay inteenik, awki neh yooboke. Baxi neh yontocowwe. Usuk abbootan gabat le. Migaaqah «Qajiibik yan Fayisi», «Nabaamak Naba Dagelta», «Waara Abba», «Amaan Yamliki» 'yaanam kaah axcelon.

Yasaqya 66:19

Ken fanat asta hee liyo. Garabak teena keenik wadeyyooh, yi migaaqaay yi nabna kee yi qande elle aaxige waan baaxooxay kulli kabu geytintahiyya fan ken ruubeyyo. Ken ruubu waam, Isbaaniyaay Liibiya kee Liidiyah baaxo. Liidiyah mari nagay gaysê-baxa sahdat elli haa inna yaaxige mara kinni. Wohuk kalah ken ruubu waam, Giriik kee Tuubal kee xer baaxoy baddaafal tanihiyya. Oson yi nabna ta marih addal baxxaqiselon.

Yasaqya 7:14

Tonna'mmay YALLI asta isih sin aybulleele. Baxuwwah tan barra aadiqeleeh, lab-baxa xaleleeh, too awki migaaqah Ammaanuwel deqsitele.

Yasaqya 11:11

Too ayro YALLI qagisak isi-qandet isi-maray baatik-saaboh-raaqehiyya le baaxol gacsele. Assuuriya kee Masriiy; Fatros deqsita aracay Masrik gabbi-qaxat raaqahiyya kee Kuusuuy; Qeelam kee Baabelon baaxooy; Camat kee baddi dariifal tan baaxooxak ken baahele.

Yasaqya 24:15

Tonna leemiik ayrô-mawqa le kabul yan marak, isin YALLIH nabnat yaaba. Baddi-xaqul yan marak, YALLIH migaq essekexxeya. YALLAY Israayil doore Dagelta kinnihiyya essekexxeya.

Yasaqya 33:13

«Isin allal yan maraw, anu abem wagita! Garil yan maraw, yi cayla ixiga!» iyya.

Yasaqya 45:3

YALLA kinniyom yok taaxige'gidih, dite le aracat daanah yan maaluy sinam elle yan arac akak aaxige waytahiyya koh aceeyyo. YALLAY Israayil doore Dagelta kinnihiyya, migaaqal-koh-seecem taaxiguh, toh abeyyo.

Yasaqya 49:12

Yi ummatta xer rasuk amaatele. Garab kilbat le kabuk amaateleeh, garab ayrô-culma le kabuk amaatele. Garab kaadu gabbi-qaxak Sinim deqsita aracak amaatele» iyye.

Yasaqya 52:13

YALLI yaabeh annah iyye: Aham kaana; yi naqsi kaa. Yi naqsi edde asu waa taama inkih kay gabal bicele. Ummat garil, sahda garil, kaxxam naba num akkele.