Yasaqya 48:9 - NABUWWA KEE MALIKWA

⁹ «Inni migaaqih taagah bagcarrak inni xabba heeyyo. Sinam yi migaq faylissa'gidih, mabagcarritaay sin mabaysa.

Yasaqya 48:9 Referans Kwoze

Yasaqya 37:35

A magaala, anu inni nabnah sabbatah, umaanek raaqiseyyo. Toh akah abu waam, inni naqasu Dawuduh cule qahdih sabbata› 'yaanam iyyah yan» kaak iyye.

Yacedkel 20:44

Inni migaaqih dacayrih abah an abtol, YALLA kinniyom yok aaxigetton. Macaay inteenik, sin uma taama kee abto elle tani'nnal sin digaale weem, yok too saaku aaxigetton. Tahat yabtam yoo YALLAY Mulki lehiyya» iyye.

Yacedkel 20:22

Takkay immay, Israayil mara Masrik ayyaaqih yoo yuble mango baaxoh marih garil, inni migaq darraqoysam mafaxiyyooy; tohih sabbatah, ken baysaamak raaqeh.

Yacedkel 20:14

Takkay immay woo ken beyah yoo yuble marih foocal, Yalli ken bayseh 'yaanam innit cabam mafaxinniyo. Tonna-leemiik, inni migaaqih taagah inni naqabu keenil oobisaamak wadir eedeh.

Ermiyaas 14:7

Ummatta too waqdi intemii: «Dambik toobinnek sarra, edde qagamqagitak sugne. Tohuk gexxaamah dambi nee yabbixem naaxigeh immay, YALLAW, isi nabnah taagah neh cab.

Yasaqya 48:11

Abem akah abem, inni migaaqih taaga. Macaay inteenik, yi migaq bayam abalih tibba 'ya Dagelta hinniyo. Yi nabna yiimi'kkal gersiimit tabta nabna hinna»

Yasaqya 43:25

«Tah inkih abtaanam siinik abaluk, abtan dambi siinik luuqusa Dagelta kinniyo. Toh siinih akah abam, inni migaaqih taaga. Tohuk gexxaamah edde assen umaane kassitak maraaqa.

Yasaqya 30:18

Tonna'mmay YALLI, tohuh, isi niqmat siinil oobisam faxaah; kaadu siinih racmata'gidih ugtele. Macaay inteenik, YALLI cakki le Dagelta kinni. Kaal kibaal haa mari ruffu iyya mara.

1 Samuwel 12:22

YALLI isih, isi mara sin abuh sin dooreh, tohuk gexxaamah isi nabnah taagah sin macina.

Yacedkel 20:9

Takkay immay addal akak sugen marih foocal, ‹Masrik amaanah sin ayyaaqeyyo› 'yaanamal xagana keenih culeh suge. Tonna-leemiik, inni migaaqih taagah inni naqabu keenil oobisaamak wadir eedeh.

Yoosuwa 7:9

Kanqaan kee raqqa 'ye maray a baaxol yanihiyya inkih ta xaagu aabbeleeh; marot hayya nee heenih nakkeemiik nee qidelon. Isi migaaqih taagah yi Goytaw, tahak tuk teena ab» iyye.

Yasaqya 65:8

«Meqe lee le qinab-xaylo, qinab-xaylo fanat geenik, baaxot num qidam mafaxa. Qinab xaylo yaxmuumeenih leeh aftoh sahda taaqube. Yi mari yol too gideh yan; yi naqoosa too bis yol le. Baaxot inkih ken maqida; inni naqoosa mabaysa.

Yacedkel 36:21

Oson gexinnaan baaxol ken sabbatah yi migaaqay taahirik yani xaggiimaah, toh yol umah.