Yasaqya 48:2 - NABUWWA KEE MALIKWA

² Tonna'mmay afak, ‹*Kudduusuk tan magaalah mara kinnino› 'yaanamat kaxxam takkalen. ‹Yalli nek, Israayil doore Dageltaay; kay migaq YALLAY Nabaamak Nabahiyya. Kibaal kaal lino› 'yaanam intan. Away siinik axcem ankacisay yok oobbeya.

Yasaqya 48:2 Referans Kwoze

Miika 3:11

Magaalah abbobti, siinik guqul keenih acinnaan marah, iyyan. Seeka Yallak temeete xinto, maalu keenih acinnaan mari elle faxa innal, barsan. Nabuwwa lakqo keenih yecee marah, takku waytam warsan. Too mari inkih arraabak too waqdi, «YALLI ne'lih yan» iyyan. «YALLI ne'lih yaniih, umaaneh net takkem mali» iyyan.

Yasaqya 52:1

Siyon maraw, uguta! Isinni qande kee nabna haysita. Yallih maray *taahirik yani kinnitoonuk, meqe sartanat gaca. Ahak wadir diini-maleela kee nadaasa-leela sin gasoh afak maculta.

Yasaqya 10:20

Too ayro, Israayil marak raqte saabo, ken bayse maral kibaal mahaysitta. Oson nummaak kibaal elle hoonu waanam, YALLAY Israayil doore Dagelta kinnihiyyay *kudduusuk yani.

Daaniyel 9:24

Ku magaalay taahirik tani kee ku ummattah, waktik malcina-tabanih waqdi malciin-gide keenih yeexege. Too waktih addat Yalli aben umaane kaleleh, dambi cabeleh, amri-cinak qafu abele. Tonnah kaadu, way kate sinni qadli gaceleeh; yublen suwaawur kee akkele akak inxicca 'yeenim inkih nummak maaciseleeh; taahirik tanim askutelon.

Ermiyaas 10:16

Yaqkuub doore Dagelti woo duyyeh bis le Dagelta hinna. Kullim gintem kaa; Israayil ummat ikoytah lem kaa; Kay migaq YALLAY Nabaamak Nabahiyya.

Yasaqya 51:13

YALLAY sin gineeh qaran fidseeh baaxoh kaadu elle solta rakiibo bicse, hawwenteenii? Kulli waqdi siinit xukkutaah, sin baysam faxa marih bagcarritaamah macah meysittan? Ken bagcarra tu makalta.

Yasaqya 47:4

Ni wadeeni, YALLAY Nabaamak Nabahiyyah yaniih, Israayil doore Dageltay *kudduusuk yanihiyyah yan.

Nacmiya 11:18

Ta mari inkih Leewih yooboke marak yeneeh; ta kedok Yarusalaam magaalay taahirik tanihiyyal dabaaqah gactem, tittat namma bool kee bacra-taban kee affara numuk ten.

Nacmiya 11:1

Abbobtih yan mari Yarusalaamal nooke. Too saaku, tabna numih addak inki numuy taahirik tan Yarusalaam magaalal dabaaqah gacu waahiyyah saami caxxa qiden. Wohuk raqqa 'ye mari elle suggu 'ye magaaloolil elle raaqe.

Makaabon 17:13

Miika isi niyal, «Leewih yooboke sek geek wadir, YALLI kullim gabal yok aymaaqele» iyye.

Ermiyaas 44:26

Duudusa'mmay, Masril yan Yuudâ-maraw, toh abteenik, anu siinik abeyyom siinih warisu waa. Masri addal enna 'ya Yuudâ-marak tahak wadir, Waara YALLAY Mulki lehiyya, axcuk yol xiibita num cabe waamah, inni migaaqay nabahiyyal siinih xiibita.

Yasaqya 51:15

Yoh tu gactek, anu YALLAAY; sin Dagelta kinniyo. Bad abah yan haffoh kaxxa xongoloh xongolissam yoo. Yi migaq YALLAY Nabaamak Nabahiyya.