Yasaqya 48:19 - NABUWWA KEE MALIKWA

¹⁹ Ramad siinik mangah baddi afih qiddeh gide akkuk yen. Migaq siinik baye maraarinnaay, baye haak mananniyo» iyye.

Yasaqya 48:19 Referans Kwoze

Yasaqya 10:22

Away Israayil mari mangah baddi afih qiddeh gide yakkeemih dago mari aduurele. YALLAY Dagelta kinnih, Nabaamak Nabahiyya inkih tan baaxooxat «Abeyyo» iyye baati elle inxicci 'ye innal abe leemih sabbatah, Israayil-ummattat «Abeyyo» iyye baati bical taniih; a baati keenih elle taguude innal keenit akkele.

Hosiqa 1:10

YALLI iyyeemih, «Takkay immay Israayil mari loowo akak duudume waytah gide akkeloonuuh; mangah baddi-afih qiddeh gide akkelon. Anu, ‹Yi mara hinniton› keenik elle exce ikkel, wadir inni mara ken abeyyooh, Yallay waarahiyyah xaylo akkelon.

Ermiyaas 33:22

Dawuduy yi naqasuh yenehiyyah durruyyat aymaggeyyo. Leewî-kedok rade mara kaadu tonnah assakaxxeyyo. Mangah qaraanal tan cutuuka kee baddi afal tan qiddey loowo num akak duude waah innah, loowo num akak duude waa mara ken abeyyo» 'yaanam iyye.

Xafanya 1:4

YALLI qagseh kaadu iyyeemih, «Yarusalaam mara kee Yuudâ kedoh ubukka 'ye mara digaaleyyo. A Baqal akak iyyan duyyey qibaada akah abaanahiyya raat cabsiiseyyo. Baqal qibaada elle aban aroocal Baqal yaqbude mari seekah le mara kee yot darre cabte seeka raat cabsiiseyyo.

Yasaqya 66:22

«Qusba qaran kee baaxoy away abu waahiyya yi foocal digga luk elle tani'nnal, sin migaq kee siinik radu waa mari yi foocal digga baahele.

Yasaqya 56:5

addunyal xaylo siinik raqtaamak fula, sin migaq yi qarih addal sahda kassitak sugeleeh, yi marih addal migaq akak hawwensime waa mara akkettoonuuh, migaq siinik mahawwensima› 'yaanam iyya.

Yasaqya 48:9

«Inni migaaqih taagah bagcarrak inni xabba heeyyo. Sinam yi migaq faylissa'gidih, mabagcarritaay sin mabaysa.

Yasaqya 14:22

YALLAY Nabaamak Nabahiyya iyyeemih, «Baabelon magaalat qeebi abeh abur tet abba heeyyo. Migaq teetik bayseyyo. Addal teetik num maraaqaay, rooci-elli-haytaamak tu macaba. Taham intam yoo YALLA.

Yasaqya 9:14

YALLI inki ayroh addat Israayilik kaxxa mara kee qunxa mara digaaleh, amo kee geera keenik yirgiqe.

1 Malikwa 9:7

tonnal a baaxoy anu doore ummattah tan Israayilih ecee sugehiyyak sin ayyaaqeyyo. A Qibaadah Qariy yoo elle taqbudeeni'gidih taahirroyse baaqid luk maraaqa. Israayil ummatta, kulli ikkek yamaate mari elle anqaasah burtan mara akkelon.

Ruut 4:10

Toh lih kaadu Ruutuy Mooyabah toobokeeh Maclon abbaxuk suge yi barra tekkeeh; yi lakal aham Alimelek buxah mari nagrele. Kay buxah mari kay nagrak mayawqa. Tohul ta saaku sumaaqah tanim siini» iyye.

Yoosuwa 7:9

Kanqaan kee raqqa 'ye maray a baaxol yanihiyya inkih ta xaagu aabbeleeh; marot hayya nee heenih nakkeemiik nee qidelon. Isi migaaqih taagah yi Goytaw, tahak tuk teena ab» iyye.

Yasaqya 44:3

Macaay inteenik, bakaaritte baaxo allaggoyseyyo; kafinuk sugte baaxol lee darah ruubeyyo. Sin xaylol inni Roocaaniyya oobiseyyo; siinik radda 'ye marat barkat heeyyo.

Yasaqya 44:4

Agda geyte baaxol tooboke qaysoh innah gacelon; saagantoy darah gexxa leeh xaqul toobokeh innah gacelon.

Yasaqya 54:3

Macaay intek, atu woo exxak a exxal guubuh elle gacta baaxo aymagguk aymaggetto. A saaku baadal tan ummatta elle tan baaxo, ku mari raaqisele. A saaku abuuruh tan magaaloolil, kok radu waa mari amaggele.