Yasaqya 48:11 - NABUWWA KEE MALIKWA

¹¹ Abem akah abem, inni migaaqih taaga. Macaay inteenik, yi migaq bayam abalih tibba 'ya Dagelta hinniyo. Yi nabna yiimi'kkal gersiimit tabta nabna hinna»

Yasaqya 48:11 Referans Kwoze

Yasaqya 42:8

Yalli kaadu tonnah iyyemii; «Anu YALLA kinniyo; YALLI yi migaaqa. Inni nabna faxinnaanimit tabsa Dagelta hinniyo; Innih liyo fayla xeet kee cooxuk bicissa heenimiy yaqbudeenihiyyah yacee Dagelta hinniyo.

Yacedkel 20:9

Takkay immay addal akak sugen marih foocal, ‹Masrik amaanah sin ayyaaqeyyo› 'yaanamal xagana keenih culeh suge. Tonna-leemiik, inni migaaqih taagah inni naqabu keenil oobisaamak wadir eedeh.

Yacedkel 20:14

Takkay immay woo ken beyah yoo yuble marih foocal, Yalli ken bayseh 'yaanam innit cabam mafaxinniyo. Tonna-leemiik, inni migaaqih taagah inni naqabu keenil oobisaamak wadir eedeh.

Yasaqya 37:35

A magaala, anu inni nabnah sabbatah, umaanek raaqiseyyo. Toh akah abu waam, inni naqasu Dawuduh cule qahdih sabbata› 'yaanam iyyah yan» kaak iyye.

Yacedkel 20:22

Takkay immay, Israayil mara Masrik ayyaaqih yoo yuble mango baaxoh marih garil, inni migaq darraqoysam mafaxiyyooy; tohih sabbatah, ken baysaamak raaqeh.

1 Samuwel 12:22

YALLI isih, isi mara sin abuh sin dooreh, tohuk gexxaamah isi nabnah taagah sin macina.

Yasaqya 43:25

«Tah inkih abtaanam siinik abaluk, abtan dambi siinik luuqusa Dagelta kinniyo. Toh siinih akah abam, inni migaaqih taaga. Tohuk gexxaamah edde assen umaane kassitak maraaqa.

Ermiyaas 14:7

Ummatta too waqdi intemii: «Dambik toobinnek sarra, edde qagamqagitak sugne. Tohuk gexxaamah dambi nee yabbixem naaxigeh immay, YALLAW, isi nabnah taagah neh cab.

Yacedkel 20:44

Inni migaaqih dacayrih abah an abtol, YALLA kinniyom yok aaxigetton. Macaay inteenik, sin uma taama kee abto elle tani'nnal sin digaale weem, yok too saaku aaxigetton. Tahat yabtam yoo YALLAY Mulki lehiyya» iyye.

Yacedkel 20:39

YALLAY Mulki lehiyya kaadu iyyeemih, «Taway Israayil maraw, xeet kee cooxuk bicsen duyye taqbudeenim ableh ani'mmay, tamahat geytaanam ablettoonuk abbaasita. Tamahah, gexak teneeniik, yi amri duudusettoonuuh, xeet kee cooxuk bicsen duyyeh abtan sadgootak aadetton. Yi migaaqay taahirik yanihiyya nadaasa mabtan.

Yasaqya 52:5

A saaku kaadu tonnah tanim siinit tekke. Seewah been marah tantoonuuh, wohul yeexegen lakqo matana. Sin amol reedah yan mari yol tirtirisaah, ‹Nanu abnu waynaamow› iyyan. Inkih tan ayro yoo xaafak assan.

Yasaqya 48:5

Tohuk gexxaamah aham takku waytaamat dumaak yaabeh suge. Tohumu, takkeemik dumal naharal akah yaabem, ‹Ah amrisseeh neh abtem, nanu naqbude duyye› axce waytaana'gidi.

Yasaqya 48:9

«Inni migaaqih taagah bagcarrak inni xabba heeyyo. Sinam yi migaq faylissa'gidih, mabagcarritaay sin mabaysa.

Daaniyel 9:17

Goytaw, ni Dageltaw, anu ku naqasuh anik, aba kallaci yok oobbey! Ku qariy yiddigillehiyya meqe intit wagit. Atu Yalla kinnitom kulli mari akah yaaxige'nnah, ku qari meqe intit wagit.

Yacedkel 36:22

«Tonna'mmay taway Israayil marak intaamah, ‹YALLAY Mulki lehiyya iyyaamah: Taway abu waam akah abu waam, Israayil marih taaga hinna'mmay, inni migaaqay taahirik yanih taagah aba› keenik inxic. ‹Isin elle gexinnaan baaxol yi migaq bayisak sugten› keenik inxic.