Yasaqya 47:12 - NABUWWA KEE MALIKWA

¹² «Sicriy qunxaaneey akke edde taqabak sugteeni macabinay aba. Tuk teena siinih xiqa kaa tekkek tableenih! Sinaamaay edde meysissaanam takkek, abak sugteenim macabina.

Yasaqya 47:12 Referans Kwoze

Naacum 3:4

Qamal akak yoome Nanawe diggalsinteh. Qax maqaanet sinam baysakaay, sicrit sinam aylahisak sugteeh; too taamat mango mara naqoosa abte.

Ermiyaas 2:28

Anu siinik axceemih: Yalla akak intan duyyey isinni gabak bicisseenihiyya ankel tan? Ta duyyey yalla akak intaanahiyya mangah sin magaaloolik madagok, gadaamittaanaah caalat siinil uma waqdi, sin akah cate waytam macaay? Sin edde wadan dudda maay lon?

Yasaqya 44:25

Ginnili kee kalluwalle dirableela kinnoonum aybullee. Faal qida mara kee cutuk-beya duquura kinnoonum aybullee. Sahda le ixxiga, iggima kinnim keenik aybullee.

Yasaqya 19:3

Masri marih mala foyya abeyyooh, niya keenik aggileyyo. Yalla 'yeenih yaqbudeenimil cato esserelon. Ginnili kee kalluwallel fayu essereloonuuh, rabe marih roocaaniyyak, ‹Maca neh taysee?› 'yaanam axcelon.

Yasaqya 8:19

Takkay immay sahda, «Ramli qida mara kee kalluwalley tutuc intak xaagu aba» siinik intu wayta waqdi, isin, «Xaagu kalluwallek abtaanamak, Yallak macah abe waytan? Yan marih xaagu rabe marih roocik macah abtan?» 'yaanam keenik axcetton.

Daaniyel 2:2

Tonna-leemiik soonitem kaah warsaana'gidih, soono yafdige maraay faal-qidaay baab-abeenitiiy cutuk-beya kee ramli-qida-marah amma 'yaanam inkih seeco abe. Oson yemeeteeniih foocal kaak soolen waqdi, keenik iyyemii,

Daaniyel 5:15

Tu-taaxago kee faal-qida akke baaheenih sugeeniih, ‹Aham ikriyaay maqna akak yoh warisa› 'yaanam keenik exceh immay, num keenik yoh warisu maduudinna.

Miika 3:7

‹Sarra woh akkeleeh, ah akkele› iyya mari iyyeemit wacarriyele. Anu ken yab moggolaay, tohuk gexxaamah qawratak radelon» iyye.

Yacedkel 21:26

YALLAY Mulki lehiyya iyyaamah, ‹Qumaamat kal. Dardaarinni kalabta kal. Ahaysa dumih inni gaba kaleh; masaakiina abbootan geeleeh; abbobtih suge mari gaca mara akkelon.

Daaniyel 2:11

Annah tanim kaxxam gibdiimiiy; yallittek kalih mari yaaxagu maduuda. Yallitteh tu gactek, sahdayti addal mageytinta» kaak iyyen.