Yasaqya 47:10 - NABUWWA KEE MALIKWA

¹⁰ Isinni makari kee uma-taamat kaxxam takkaleeniih, ‹Nanu abnam tablem matan› 'yaanam intan. Litoonum takkalen kas kee ixxiga makot sin beyteeh, ‹Nanu nanih; nek sa tu matan› 'yaanam intan.

Yasaqya 47:10 Referans Kwoze

Yasaqya 5:21

Kaxxa kas lem isik yakkaleeh, kaxxam bagi cubbih is dareema maraw, woyyow, siinit takku waytaamow!

Yasaqya 29:15

Edde tanin mala YALLAK yaaqurem yakkale maraw, sinim tekkeh! Uma-taama bar ditet abaah, «Nanu abnam iyyi nek yableeh, iyyi yaaxige?» 'yaanam intan.

Yacedkel 8:12

Too waqdi Yalli yok iyyeemih, «Ama Israayil idoola sirrit abta taama tablem hinna? Tasaawirik kibuk yan qarih addat duyye yaqbuden. Oson tah akah abaanam, ‹YALLI a baaxo cabeh ikkal, nanu sirrit abnam nek mayabla› 'yaanama» yok iyye.

Yasaqya 59:4

«Qadaalat faxximtaama» iyya num mayanaay, cokmi-buxal qadô-baguuk yaabe num mayan. Foyyah taniimil kibaal haanah, diraabat yaabaanah, umam malsaanah, umaane aban.

Yacedkel 9:9

YALLI too waqdi yok iyyeemih, «Israayil kee Yuudâ-mari kaxxam gibdi dambi baaheeh; rasul ummat annaak qidaanam baaheeh; Yarusalaam baatilik dabaq aben. Yi giddinaamak, ‹YALLI ahaysa ni baaxo cabeh ikkal, nee mayabla› iyyan.

Ermiyaas 23:24

Sahdayti abaamay yok qellittahiyya matan. Qaran kee baaxol inkih yan Dagelta kinniyo» 'yaanam iyya.

Yasaqya 44:20

Ballaaqet aben daacoh gide ikkal, tuxxiq lem hinna. Oson ceele-waytiy duquruk kalih mari edde ase waahiyyat asaanaah; ahak ken cataanam faxaanamah akak duude waan caddoh yemeeten. Ta mari ta ceeloy gabat loonuuh yaqbudeenihiyya yalla hinnam keenih matambulla.

Yasaqya 28:15

«Nee kee rabi fanal qahdi yan. Nanu akeera lih bica hayne» intan. «Duufut sinam beya weeqayti yamaate way nee mabeya» intan. «Silac nek duquurusiyya» intan. «Dirab kibaalah nek yan» intan. «Bala qaraanak tamaate way, nee maxagta tu mabahta» intan. Tirtirissan; tahal falmittan.

Yasaqya 47:8

«Hay, tut-baaqid-maleelay tut-carra-maleelay, siinih warisu waak, yok ankacisa. Isin, buxal farcatat yaniih ‹Tu nee maxagta› iyya maraw, ‹Nanu nanih; nek sa tu matan› bagul intaanaah ‹Baqolti nek marabta; xaylo nek qunxih macabaaritta› intan.

Ermiyaas 9:23

YALLI iyyemii: «Tu-taaxago isi ixxigat kaxxam akkale waytay. Celeema isi qandet kaxxam akkale waytay. Gaddaleela isi maalut kaxxam akkale waytay.

Daaniyel 4:27

Hay, tonnal malikow, ku maganak anu koh acee fayu oobbey. Dambi lem maabinaay gitah tanim ab. Umaane cabaay, xukkot yan marah xuwaw. Tonnal gaddaliino koo cabe waytam takkeh» kaak iyye.

Xafanya 2:15

Tet addal yan mari kaxxam isit yakkaleeh, tu ken xage waytam yakkaleeni'mmay, takku waytam tamaha. Ken magaalah bis le magaala addunyâ-bagul matanam keenit celta. Tohu immay ken magaala abuuruy alluwwa dabqah lehiyya akkele. Xaqu akak gaceh gexa mari tah yable waqdi, abah yan wariggak gexxaamah hagga axcelon» iyye.