Yasaqya 46:10 - NABUWWA KEE MALIKWA

¹⁰ Sarra takku waytam dumal elle warseh suge. Sarrî-dabaanal takku waytam naharal elle sin iysixxigeh suge. Anu abam faxam akkele ikkal, raq matalla. Abeyyo inxicca excem abeyyo ikkal, fanat akak maasa.

Yasaqya 46:10 Referans Kwoze

Yasaqya 43:13

«Tonna kinnuk, Yalli dumaak yooy, sarra yoo. Yi gabat tanim num mabukkusa. Anu abem korsa mari mayan» 'yaanam iyye.

Yasaqya 45:21

Amaay, waytaanam cokmi-buxal haysita. Yistikyen maraw, intoonu waytaanam sitta lih malisa. Sarra takku waytaamat dumaak yabtem yoo. Ahat yabtem yoo YALLA; yok sa Yalli mayana. Anu gital tanim aba Dageltaay; wadeena kinniyooh, yi'nnah tanim matana.

Yasaqya 44:7

Yi bis lem iyyaay? Yi gid takkem tenek yaabittay. Tanim tekkek, abtem elle abte'nnah away yoh baxxaaqissay. Tanim tekkek, anu elle abe'nnal, sahda dumaak isim elle abteeh elle dacrisse'nna yoh baxxaaqissay. Yi gid takkem tenek, sarra takku waytam warissay.

Yasaqya 46:11

Ayrô-mawqa le kabuk qawita ceela numuh seecah an. Too num xer baaxok kaxxa dadah abak amaatele. Anu abam faxam kay gabat bicseyyo. Taham akkeleemit yaabeh ani'mmay fanat mayseeda.

Daaniyel 4:35

Baaxol enna 'ta ummatta kay garil tu hinna. Qaraanal tan malayka kee baaxol tan ummatta inkih kay milkih gubat tan. Usuk faxeemil saduh gacu duuda num mayan. Usuk abem macah tekkeeh, iyyu duuda num mayan.

Yasaqya 14:24

YALLAY Nabaamak Nabahiyya xiibiteeh, «Anu ucsubem abeyyo. Akkele akak excem akkele.

Yasaqya 25:1

YALLAW, yi Goyta kinnito. Litom muxxo le diggah ten. Dumaak elle malisse'nnal, ku diggay dudda lehiyyat, akke-waynuh tanim abte. Toh abaluk koo aynabeyyo; fayla kaadu koh abeyyo.

Yasaqya 40:8

Qayso kaftaah, qobor radah, immay Yalli iyye qangara, daayiman tan, baati mabta. Ni Goyti iyyem elle raqta› iyyaanam farmo qidetto.

Yasaqya 41:4

Taham inkih abteeh absissem iyyay? Sahdayti abto tamlikem iyyay? Toh yoo YALLA. Anu inki anyoh; qimbo yooy, ellecabol kaadu aneyyo.

Yasaqya 48:3

«Takku waytam xer dabaanal elle warseh sugeeh, akkele akah exce'nnah tekke. Tohum, garciik cube waan waqdi, akah takke'nnah abeeh, tekkeh.

Yasaqya 48:14

Takkeenimik gaabooway ankacisa. Yi qaxat gaca'gidih doore num, Baabelon-magaalat qeebi abeleeh, teetik faxe baati teetit abelem toobbeenih maay sugten? Isin yallah liton xeet kee cooxuk bicsen duyye siinih maay warisse?

Yasaqya 53:10

YALLI tahak annah iyye; «A biyak kaat akah yekkem, yi fayxi kee yi raabiti. Usuk sahdah yekke fida, ummatah qafu baahele. Kaak radu waa mara ableleh; waarele, mangom sugele. Anu faxaah abam faxam, kay gabat bicseh abeyyo.

Ermiyaas 44:28

A carbik tasillimu waytaah Yuudâ-baaxo aleelittu waytam, dago mara. Tohuk wadir Yuudâ-marak saaboh raaqe mari, yi yab numma kinnim kee sin yab numma kinnim ablelon.

Hosiqa 5:9

Israayil ummatey, digaala siinit edde takku wayta ayro xayih. Israayil foyya akkele. Israayil ummatey, tah nummaak takku waytaama» iyye.

Yasaqya 10:12

Tonna-leemiik, Yalli Siyon-qale kee Yarusalaamal abah yaniimik gaba kalu waa saaku, Assuuriyah malik abah yan tirtiraay leh yan kaxxiina kee hidak gexxaamah kaa digaalele.

Yasaqya 41:21

YALLAY Yaqkuub-Malikih-yani, gabak bicsen duyye yaqbude marak iyyemii; «Intaanam faxxaanamat marô-foocal yaabay! Sumaaqah litoonum uybulluyay!

Yacedkel 39:8

Amaatele exce ayro amaateleeh raq matalla. Tahat yabtam yoo YALLAY Mulki lehiyya› » iyye.