Yasaqya 45:2 - NABUWWA KEE MALIKWA

² YALLI Koorisik iyyamaa, «Gita anu innih koh bicseyyo; qaleela booxa koh abeyyo. Nacaasak bicsen afoofih alif butukku koh heeyyo; oson alifit tabtabbih heen biriita butukku koh heeyyo.

Yasaqya 45:2 Referans Kwoze

Yasaqya 40:4

Fayya kee ramma le baaxo saytunoowak missoowele. Qaleela kee koomaami inkih ramma axceleeh missoowele. Boodaada le'kke maraqtaay; xeet le'kke bacari akkele.

Yasaqya 42:16

Inti maleela duma edde gexe wayte gitat beeyyo; duma aaxige waak sugen gitat ken beeyyo. Diteh sugte baaxo ifu keenih bahsiiseyyo; umuk suge gita saytun-gita abeyyo. Abu waam tamahaay; duuduse'kkal fanat ken macaba.

Ermiyaas 51:30

Baabelon qaskaray agiirah tenehiyya qeebih gaba marubta. Isi megdebil elle soolak raaqele. Niya keenik addigilleleeh, agbi innah qeebik soolak raaqelon. Cayli keenik boolaatele. Baabelon magaalah culmay birtak bicseeni addigillele. Qarwat gira ruubelon.

Yasaqya 14:31

Gasoosa maroh edde tan magaalooliy, boogisaay cato esserita! Filistiin maraw, takkeenimiik meysita. Kilbat le kabuk qamburre celta siisah innah tanim tamaate. Tohum, qaskaray bexxi addat akak ane waa.

Yasaqya 24:12

Magaala abuuruh raaqeleeh, akak culan afa bututtukkay riira tet abelon.

Yasaqya 45:13

Kooris ugussem yooy; akah ugsem, gital tanim aba'gidi. Innih faxam kay gabat absiisa'gidih kaa ugse. Usuk edde gexxa 'ya gita missoyseyyo; yi maray seewah beenihiyya usuk gacsele. Yarusalaamay yi magaala kinnihiyya nammay haak xisele. Tah aba'gidih, tu kaah maacinniyooy; ah aba iyyeh guqul kaah yecee mari mayan. Tahat yabtam yoo YALLAY Nabaamak Nabahiyya» 'yaanam iyyah yan.

Yasaqya 48:15

Kaah secteeh kaa'lih yabtem yoo. Ah aba inteeh, kay gabat absissem yoo.

Ermiyaas 28:13

«Cananiya fan gexay kaak intaamah, ‹YALLI kok iyyaamah, «Cooxuk bicsen *madmad tiggileh immay wokke birtak bicsen madmad ciggiiliseyyo kok iyya› kaak inxic. Qagissa haay kaak intamaa,

Ermiyaas 51:58

YALLAY Nabaamak Nabahiyya iyyemii, «Baabelon magaalat maroh tan kaxxa gasoosa addigillele. Baabelon magaala akak culan kaxxa afoofit gira ruubelon. Tonna leemiik ummatta edde taqabba 'tem foyya akkele. Edde cawalak bicissa heenim, girâ-gadda keenik akkele» iyye.

Daaniyel 5:28

«Baxsa 'yaanamak maqna kaadu: ku doolat baxambaxsinteh Meediya kee Fursih yooboke marah tontocowwe» 'yaanam kaak iyye.

Naacum 3:13

Assuuriyah qaskar meysih agabu akkele. Cuduud dacrissa qaskar matanaay; naqboytit akak elle waasinta innal matan. Koositih bicsiten aroocat gira gexele.

Yasaqya 13:2

YALLI iyyeemih, «Tu elle aabuke wayta qaleh amol, qeebi yanim elle yaaxigen qalaamat hayisa. Makaabon elle tani'kkel gaaboowaana'gidih, qeebi abtu wayta qaskarah amri ucuya. Qeebi aboonu waanamih astah gaba ken fan fayya hayisa.

Daaniyel 8:4

Woo maruwih gaysoosi ayrô-culmaay kilbat le kabu kee gabbi-qaxat inkih gufteh ten. A maruwut koysittaah kaak tasillimem mananna. Ta maruw isih faxem abitak sugeeh, tohuk gexxaamah kaxxa cayla baahe.