Yasaqya 44:25 - NABUWWA KEE MALIKWA

²⁵ Ginnili kee kalluwalle dirableela kinnoonum aybullee. Faal qida mara kee cutuk-beya duquura kinnoonum aybullee. Sahda le ixxiga, iggima kinnim keenik aybullee.

Yasaqya 44:25 Referans Kwoze

Ermiyaas 50:36

Oson ginnili kee kalluwalleh lon marat qeebi aba! Too waqdi kaxxa duquurah sugeenim aaxigelon. Ken qaskarat qeebi aba! Ahak sarra kaxxa cunxo keenit radele.

2 Samuwel 15:31

Dawud, «Acitoofal Absalaam marat yengele» 'yaanam yoobbe waqdi, YALLA kallaceeh, iyyemii, «YALLAW, Acitoofal fayu foyya ab» iyye.

Ermiyaas 51:57

YALLI iyyemii, «Abbobtih yan mara kee kasloytitiiy, xintoh abbobti kee doolatak saqoltih yan mara kee, agiirah tan qaskaray Baabeloonul tanihiyya askiriseyyo. Woo sikratat aboonu waan xiinik way muugutan. Tahat yabtam yoo Maliki. Anu YALLAY Nabaamak Nabahiyya kinniyo» iyye.

Yasaqya 29:14

Tohuk gexxaamah anu ta maral ablewaynuh taniimiy kaxxa cunxoh akak cunxutoonu waanahiyya baaheyyo. Oson kasloytiitih lon marih kas foyya abeyyo. Ken maray bagi cubbi luk yenek woo cubbi foyya abeyyo» iyye.

Daaniyel 4:7

Too seecol faal-qidaay baab-abeenitiiy cutuk-beya kee ramli-qidak num raaqe'kal inkih temeete. Too waqdi anu uble soono keenih warseh immay, too soonoh maqna keenik num yoh warisu yeffereh.

Daaniyel 1:20

Malik faxe essero esseraah, waagiseenimik faxem taniimih, a affara num, baab-abeenit kee faal-qiday woo baaxol sugga 'tehiyyak inkih, tabna adda tayse ixxiga luk yenen.

Ermiyaas 49:7

Edom giddinaamak YALLAY Nabaamak Nabahiyya iyyem ah teeti. «Edom mari luk yen kas cabeh innaa? Ken fayisak yen marih kas manke gexeeh? Oson luk yenen kas keenik kuuleh maay maacise?

2 Aydaad 18:34

Carbi laqak laqeeh; takkay immay Acab kay gaarih addal rekuh kaa heenih, Suuriyah qaskar fan afkanuk raaqe. Ayro korte waqdi, rooci kaak yewqe.

2 Aydaad 18:11

Raqqa 'te nabuwway wokkel sugga 'tehiyya usuk iyyem inteeh, «Gexay Raamot magaalat qeebi ab, aysettok. YALLI nasri koh aceele» iyyen.

2 Samuwel 17:23

Acitoofal kay fayu oggole weenim yuble waqdi, isi dananal koori hayya heeh, isi magaala yuduure. Isi buxal, buxah addah caagid bicseek lakal, ogot is qide. Sarrak magaqah kay buxah mara edde haak sugen aracat kaa heen.

2 Samuwel 16:23

Woo dabaanal sahda Acitoofal fayuh aba axcinnaanim Yalli afat kaak hee yab akkaluk yenen. Duma Dawud toh akkaluk yeneeh; Absalaam kaadu toh yekkele.

1 Malikwa 22:37

Malik-Acab tonnal rabeeh; raysa kaak Samaariyah magaala fan been. Tokkel kaa yoogoqen.

Hosiqa 9:7

«Digaala siinit edde takku wayta uddur xayyooweh. Too saaku siinih taguude digaala siinit akkele. Sin garil nabi duquruuy; Yallih wacyi elle oobe num cissit ane waa numuh tablen. Kaxxa dambit asseenimih sabbatah, nabi kaxxam niqibton.

Miika 3:7

‹Sarra woh akkeleeh, ah akkele› iyya mari iyyeemit wacarriyele. Anu ken yab moggolaay, tohuk gexxaamah qawratak radelon» iyye.

Yasaqya 19:3

Masri marih mala foyya abeyyooh, niya keenik aggileyyo. Yalla 'yeenih yaqbudeenimil cato esserelon. Ginnili kee kalluwallel fayu essereloonuuh, rabe marih roocaaniyyak, ‹Maca neh taysee?› 'yaanam axcelon.

Zakariyya 10:2

Duyye kallactaanam tu matanfiqa. Faal qida mara tu esserten waqdi, too mari siinil yaceem diraaba. «Nuble soonoh maqna siinih warsennok aytikuma» siinik iyya mari kaadu yeceem deedalaay, sahda gitak makot beyan. Tohuk gexxaamah ummat, baye illih innah, finqat tan. Abbay ken miraacisa maloonuuy, edde yaniinim gadaamah adda.