Yasaqya 44:19 - NABUWWA KEE MALIKWA

¹⁹ Yaqbuden ceelo isi gabak bicsa mari, «Naqbude ceelo akak bicisna cooxuk garab girâ-bocoh haynaah, maaqo edde alasnaah; garabak kaadu yalla axcuk naqbude ceelo ninni gabak bicisna. Taham mannal takku bictaama? Boco naqbudem mannal takku bictaama?» 'yaanam axcuk, edde iyyan kas kee cubbi malon.

Yasaqya 44:19 Referans Kwoze

1 Malikwa 11:7

Yarusalaamak ayrô-mawqa le kabu raqta qalel, Kamos deqsitta umâ-yabulih tan duyyey Mooyab mari Yallih aftok aqbuduk sugehiyya elle yaqbudeeni'gidih arac keenih bicse. Tonnah kaadu, Qammon mari yallah le Milkom deqsittaamay umâ-yabulih tanihiyya elle yaqbudeeni'gidih arac keenih bicse.

1 Malikwa 11:5

Qastarot deqsittaamay Saydâ mari say yalla axcuk Yallih aftok yaqbudehiyya ken lih yuqbude. Tohuk kalah kaadu, Qammon mari yallah luk yen Milkom deqsittaamay umam yabulih tanihiyya ken lih aqbuduk yen.

Hosiqa 7:2

Anu oson abba heen umaane aaxigem mayaaxigan. Oson abba heen dambi marot ken yabbixe. Oson aban taama yok maqellitta» iyye.

Yacedkel 40:4

Woo num yok iyyeemih, «Bani-adantow, akke akah temeetem, anu koo aybulleem nagay ankacissuuy cubbusseh raqta'gidi kinnuk, intih wagitaay tublem Israayil marah waris» yok iyye.

Yasaqya 45:20

YALLI iyyamaa: Baadal tan ummattak saaboh raaqe maraw, titta fanah gacaay inki aracal gaaboowa; inkih yoo fanah amay. Cooxuk bicsen duyyey yaqbudeenihiyya ukkuqqa heeh baaxo meksiisa mari, kas cabe mara. Oson too duyyey hebeltô-tu'xiq sinnihiyya yaqbudeeniih ta duyyek, ‹Nee wada› iyyan.

Yasaqya 5:13

Kaa mataaxigan. Tonna-leemiik, casbit yan marih innal sin beelon. Sin miraacisa mari qululuh ambaxele. Raqqa 'ye mari bakaarah ambaxele.

2 Malikwa 23:13

Tonnah kaadu, Malik-Suleeman duma Yarusalaam magaalak ayrô-mawqal, Umaane-le-qale deqsitta qalek gabbi-qaxat raqta'kkel, ableh-uma duyyeeyah-qibaadah, axcihiiy, Sayda-marak-say-yallay Qastarot deqsitta kee, Mooyab-marih-yallay Kamos deqsita kee, Qammon-marih-yallay Milkom akak iyyaanah qibaadah heeh suge mansafitte foyya abe.

Caggay 1:5

« ‹Away ah siinit akah takkem kinnim cubbussaanam meqe.

Yasaqya 46:8

«Dambileelay! Anu abem kassa haay! Anu abem cubbusay!

2 Malikwa 23:14

Yoosiyaahu taahirik tan qamidwa akak iyyan qamidway xeetik bicseenihiyya yiggiggileh. Aseera deqsittaamay yaqbudeenihiyyah astah heenih sugen gurumuuda yiggileh. Too duyyeeya elle sugte arac sahdayti lafoofit buule.

Yasaqya 44:18

Tannah tanim aba mari, xangi cabe maray abam isik aaxige waahiyya kinnon. Namma inti baaxo tableemik alifit keenik taniih, tu cubbusaamak misinkaca keenik alifit tan.

Yasaqya 66:3

«Sahda isih faxxem abbaasitta. Sadgatah saq qidaanam kee sahda qidaanam keenil inki gide. Anaqtu qidaanam kee kuti filla yaggileenimiiy, daro sadgatah baahaanam kee ceray qabala sadgatah caxaanam keenil inki gide. Qaydarus qeerisaanam kee, deedaltam yalla 'yeenih yaqbudeenim keenil inki gide. Yalla umâ-yabulih yan gital yaqbudeeniih, tohut ruffa iyyan.

Hosiqa 4:12

Caxxak-kuren-exxa, Yallak tu keenih bahtam yakkalen. Caxxi oson faxaanam keenih warselem yakkalen. Ken Dagelta cabba heenih, kacoobuh lon kacanu kee, xeet kee cooxuk bicsen duyyet aban qibaada, makot ken beyte.