Yasaqya 44:1 - NABUWWA KEE MALIKWA

¹ «Tonna'mmay Yaqkuubuk rade maraw, yi naqoosay! Israayil ummatey, anu innih doore maraw!»

Yasaqya 44:1 Referans Kwoze

Yasaqya 41:8

«Hay, Israayil-maray yi naqoosah yanihiyyaw! Yaqkuub-xayloy anu dooritehiyyaw! Abraahimiy yok kataysah yanihiyyak rade maraw!

Ermiyaas 30:10

«Tonna kinnuk, Yaqkuub xayloy yi naqoosay, mameysitinay; Israayil ummatey, niya siinik addigille waytay. Tahat yabtam yoo YALLA. Ama xer baaxoy elle taniinik sin ayyaaqeyyo. Casbi gurrah elle tanin baaxok siinik radu waa mara ayyaaqeyyo. Isinni baaxo fan aduurettoonuuh amaanah xiinetton. Num sin maxagaay sin mameysiisa.

Ermiyaas 4:7

Gablah addak yewqe lubaakih innah, ummatta bayisu waa num aracak ugteh gitat yan. Yuudâ-maraw, sin baaxo abur aba'gidih ugteeh yamaateh yan. Ummatta baysele. Elle sugten magaalooli abuuruh raaqele. Sahdayti addal akak maraaqa.

Yasaqya 55:3

Yi ummatey anu axcem ankacisaay yi fan ama; rooci siinik waara'gidih ankacisa. Waara xagana sin lih heeyyooh, Dawuduh qahdi akah cule kacanuy digga lehiyya siinit heeyyo.

Yasaqya 43:1

Tonna'mmay ta saaku hay, YALLI siinik iyyam le; Israayiley, sin yuklukeeh inki mara sin abe Dagelti siinik iyyam le. Toh macaay inteenik, «Sin waddem yook, mameysitina. Migaaqal siinih seeceeh; yi mara kinniton.

Yasaqya 42:23

Aham siinik ankacissam iyyaay? Ahak wadir ahat cubbi siinik haytam iyyaay?

Yasaqya 14:1

YALLI Israayil ummattah racmateleeh, isih doorite mara nammeyhaak ken abele. Dabqah elle sugen isinni baaxol gacoonay ken axcele. Aki baaxok yemeete mari wokke ken lih angaleleeh, dabqah ken lih gacele.

Yasaqya 41:9

Baaxô-maggaraqak siinih seece. Affara kaalibik sin gaaboyse. ‹Yi naqoosa kinnitoonuh; sin doorite'kkal, baaxot sin maqida› axcuk siinih seece.

Yasaqya 44:21

YALLI iyyemii: «Israayil ummatey, yi naqoosa kinnitoonuk, aham inkih kassitak, yoo mahawweenina. Yi taamat gactaana'gidih sin gineeh; yi naqoosa kinniton. Tonna leemiik, Israayil ummatey, sin mahawweena.

Yasaqya 45:4

Israayil ummattay yi naqoosah taniih, innih doorehiyyah liyo kacanuk gexxaamah koo dooreh, koh seece. Atu yoo mataaxiga'mmay, ken catta'gidih migaq koh eyyeeqe.

Yasaqya 48:12

YALLI kaadu qagseh iyyemii, «Isin Israayil maray anu akah seecehiyyak, yoo ankacisa. Anu inki anyoh; Qimbo yooy ellecabo yoo.