Yasaqya 43:4 - NABUWWA KEE MALIKWA

⁴ Yi garil muxxo leeh kunnabna le mara kinnitoonuuh, sin kiciyyo. Tohuk gexxaamah sin aftok sinam aceeyyo; sin roocih gidyatah mango baaxoh ummatta aceeyyo» siinik iyyah yan.

Yasaqya 43:4 Referans Kwoze

Ermiyaas 31:3

Israayil ummatey, anu kulli way sin kiciyyo. Tonna leemiik liyo diggay way kore waytat sin dacrisa.

Hosiqa 11:1

YALLI iyyeemih, «Israayil qunxuk yen saaku kaa kicinuk en. Tonna leemiik, inni baxih innal, Masrik addak kaah seece.

Malaaki 3:17

YALLAY Nabaamak Nabahiyya iyyeemih, «Too mari yi mara. Anu gaba qidu waa saaku, too mari yi intit fayya le mara akkeleeh; abba isi baxay kay yab yoobbehiyya akah racmata innah, anu too marah racmateyyo.

Malaaki 1:2

YALLI iyyeemih, «Yi maraw, anu kulli way sin kiciyyoh» keenik iyye. Oson kaal gacseenimih, «Nee tikcinem mannal kok naaxige?» iyyen. YALLI too waqdi keenik iyyeemih, «Qiiso kee Yaqkuub toobokok ten. Takkay immay Yaqkuub kee kaak rade mara ikcineeh,

Yasaqya 63:9

Ken taqabi kaa taqbiseeh, tonna leemiik luk suggu 'yen gadaamak ken yeyyeeqe. Ken waddem, malayka hinna YALLA ikkala. Keenih le kacanu kee isih le xuwaawak gexxaamah, ken cate. Dumî dabaanal kulli way amo keenik wagitak suge.

Yasaqya 49:5

Taway YALLI yo'lih yaabe. Aabukeemik dumal elle, inâ-bagut akah anih, YALLI isi naqasu yoo abe. Isi naqasu akah yoo abem, Yaqkuubuk rade kay mara kaa fan gacissa haa'gidi. Israayil xayloy fixixxe, kaa fan gacissa haa'gidi. YALLIH garil nabna liyo; Qande akak liyom yi Goyta.