Yasaqya 43:2 - NABUWWA KEE MALIKWA

² Kaxxa weeqaytih adda tabtaanamah, anu sin lih ani'kkal, akak cunxittaanam manton. Weeqi siinit yamaateemih, anu sin lih ani'kkal, duufut sin mabeya. Urta girak adda gactaanamah gira sin matakma. Anu sin lih ani'kkal, girâ-huuri sin macararisa.

Yasaqya 43:2 Referans Kwoze

Yasaqya 41:10

Tonna'mmay anu sin lih anik, mameysitina. Sin Dagelti yook, niya siinik addigille waytay. Qande siinit heeyyooh sin cateyyo. Inni gabay qadaalat lehiyyat sin dacriseyyo.

Yoosuwa 1:9

‹Agaagul akak cabay a taamal digga xic› 'yaanam amrih kol oobiseh; tama amri hawweene waytam kol tan. Anu *YALLAAY; ku Dagelta kinniyooh; elle gexinnaan ikkel ko'lih ani'mmay mameysitinaay; niya kok baxaqe waytay» kaak iyye.

Yoosuwa 1:5

Tonna'mmay Yoosuwaw, atu addunyal tanim fan qeebil num kok mayaysaay; anu kaadu Muusa lih akah suge innah ko'lih aneyyo. Kok mabaxsimaay way koo macaba.

Yasaqya 41:14

Yalli iyyemii: «Israayil ummatey, qunxaah boola le marah tantoonum siinik aaxigeh immay cato akak geytaanam, yooy kudduusuk yan sin Dagelta kinnihiyya kinnuk, mameysitina. Sin wadeeni, yooy kudduusuk yan sin Dagelta kinni.

Zakariyya 13:9

Too maray saaboh raaqu waahiyya yakke mara keenik able'gidih, dahab kee lakqo girat elle yasiffiyen innah, girat asiffiyeyyo. Tohuk lakal dooqah gaba yol ruubelon; anu too dooqa keenik oggoleyyo. Yi mara kinnoonum keenih warseyyooh; oson kaadu ‹Atu ni Dagelta kinnito› axcelon» iyye.

Yasaqya 30:27

YALLI allak yambullee. Kay naqbi habug inta girah bis leeh; woo girak kaxxa qeeriy datahiyya yawqe. Kay afak yawqe yab habug inta giray sahda takmehiyyah bis le.

Yasaqya 29:6

YALLAY Nabaamak Nabahiyya qaran-kakkaqooy baaxoh-angoyya kee ibak-gibdi-xongolo ruubele. Tonnah kaadu, kaxxa caaco kee caacay kee sinam takme gira ruubele. Yarusalaam mari tohuk cattiimele.

Malaaki 4:1

«Yoo YALLAY Nabaamak Nabahiyya axceemih: Too ayroy gaba qidu waahiyya gexot tan. Too ayro kaxxiina leela kee uma-taama leela caffayti innah girat carrelon. Too ayro too mari cararra 'yeenih tu keenik maraqta.

Yasaqya 43:5

Qagseh iyyemii; «Anu sin lih ani'mmay mameysitina. Ayrô-mawqa le kabul tan sin xaylo siinih gacseyyo; ayrô-culmak bahha sin heeh, sin baaxol tittal sin gacseyyo.

Ermiyaas 42:11

Ahaysa akak meysitak sugtan Baabelon-malikik mameysitina. Anu sin lih ani'kkal siinil baaham mali› siinik iyyeeh;

Ermiyaas 46:28

Anu sin lih ani'mmay mameysitina. Ama fixixih sin elle abbixe baaxooxah mara inkih bayseyyo'mmay, sin inkitanuuk mabaysa. Adabi akak geytan digaalah sin digaaleyyo. Celta digaala siinit abeyyooh; annaak gexxoonay sin maxca. Tahat yabtam yoo YALLA» iyye.

Daaniyel 3:23

A sidiica numuy yooxeenihiyya woo girah addat raden.

Caggay 1:13

Too waqdi YALLIH farmoytah yen nabi Caggay kay farmo ummattah warseeh, keenik iyyeemih: «YALLI siinik iyyaamah: ‹Anu sin lih aniih, yi taamay abtaanal siinik baxsime waamah xagana siinih cula› siinik iyyah yan» keenik iyye.