Yasaqya 43:16 - NABUWWA KEE MALIKWA

¹⁶ Dumî dabaanal YALLI badak gudek gita bicse; haffita badak gita siinih yeyyeeqe.

Yasaqya 43:16 Referans Kwoze

Yasaqya 51:10

Bad kafisseeh adda xer badak gudek gita teyyeeqem koo. Woh akah abtem, isih waddam faxxa mara badak tabissa'gidi.

Yasaqya 43:2

Kaxxa weeqaytih adda tabtaanamah, anu sin lih ani'kkal, akak cunxittaanam manton. Weeqi siinit yamaateemih, anu sin lih ani'kkal, duufut sin mabeya. Urta girak adda gactaanamah gira sin matakma. Anu sin lih ani'kkal, girâ-huuri sin macararisa.

Ermiyaas 31:35

Ayro laqo ifissa'gidiiy alsa kee cutuuka bar ifissa'gidih haytem YALLA. Bad sabo baaha'gidih tasgayyem kaa. Kay migaq YALLAY Nabaamak Nabahiyya.

Yasaqya 51:15

Yoh tu gactek, anu YALLAAY; sin Dagelta kinniyo. Bad abah yan haffoh kaxxa xongoloh xongolissam yoo. Yi migaq YALLAY Nabaamak Nabahiyya.

Nacmiya 9:11

Ku mara badak gude keenih baxisseh, ken teyyeeqe. Bacarih raqte baaxok bagul badak gude ken tabisse. Ken ayradduk suge mara badat qiddeeh, kaxxa badat qiden xaa badat elle suta'nnal, badat ken sutusse.

Yasaqya 44:27

Afak exce qangarat, bad kee daroori kafsa Dagelta kinniyo.

Yasaqya 50:2

Anu inni mara wada'gidih gexe saaku, yi mari isi aracal akah suge weem macaa? Keenih seece waqdi, inki num kinni-way tu yol magacsinna. Anu ken catam yaffare Dagelta maay kinniyo? Ken wadaamih cayla mayyu innaa? Tonna hinna'mmay, badak ‹Badow, kaf› 'yaanam afak excek, bad kafsa Dagelta kinniyo. Lee darah elle gexak sugte baaxo bakarroytah gacsa Dagelta kinniyo. Woo leeh addat suge kullum gubbil raaqa waqdi, abicaah, lee wayya heeh bakaarah raba.