Yasaqya 43:10 - NABUWWA KEE MALIKWA

¹⁰ YALLI iyyemii, «Yoo taaxigeeni'gidiiy yol taamineeni'gidiiy Yalli dibuk yoo kinniimih sumaq takkeeni'gidih, sin dooreeh inni naqoosa sin abe. Qimbooy ellecabo mayyuuy, tohoysa yok sa Yalli mayan.

Yasaqya 43:10 Referans Kwoze

Yasaqya 41:4

Taham inkih abteeh absissem iyyay? Sahdayti abto tamlikem iyyay? Toh yoo YALLA. Anu inki anyoh; qimbo yooy, ellecabol kaadu aneyyo.

Yasaqya 45:6

Toh akah aba sabab liyo. Toh macaay intek, addunyak ayrô-mawqaay ayrô-culma takke baaxol yan mari Yalli dibuk yoo kinnim yaaxige'gidiiy, yok sa Yalli ane waam yaaxige'gidi.

Yasaqya 43:12

Takku waytam naharal elle siinih warseeh; toh tekke saaku, wadootuh siinih temeeteeh sin waddem yooy; tohum inkih toysoobbem yoo ikkal, ama sinam taqbude duyyey gabak bicseenihiyya hinna. Tonnal, yok sa Yalli ane waamah sumaq yok siini» 'yaanam iyye.

Yasaqya 42:1

YALLI iyyemii, «Aham kaana: Yi naqasuy innih dooreeh, ossokoote. Inni gabat kaa dacrisa. Inni Rooci kaah eceeh an. Baadal inkih tan ummatah, qadaalat usuk baahele; numma-le-meklah meklele.

Yasaqya 41:20

Taham YALLIH gabat tekkeeh; taham duudusseeh, gintem Israayil doore Dageltay kudduusuk yanihiyya kinnim woo masaakiina ubullaay cubbussa haan waqdi, aaxigeloonuh, edde radelon» 'yaanam iyye.

Yasaqya 41:8

«Hay, Israayil-maray yi naqoosah yanihiyyaw! Yaqkuub-xayloy anu dooritehiyyaw! Abraahimiy yok kataysah yanihiyyak rade maraw!

Yasaqya 55:4

Dawud baadal-tan-ummattah yi-sumaq kaa abeeh, ummatta inkih miraacisaah ken amrisa num kaa abe.

Yasaqya 45:5

YALLI dibuk yooy; yook sah yalli mayana. Atu yoo mataaxiga'mmay, qande kot heeyyo.

Yasaqya 48:12

YALLI kaadu qagseh iyyemii, «Isin Israayil maray anu akah seecehiyyak, yoo ankacisa. Anu inki anyoh; Qimbo yooy ellecabo yoo.

Yasaqya 49:23

Malikwa, abbobtih inna siinih akkeleeh; malikwah-agbi inonti siinih akkele. Massakaxxah gommoh siinih radelon. Isinni ayqunxuk, sin aynabelon. Tonnal anu YALLA kinniyom aaxigetton. Yol kibalsita numuk niya margiqa» iyyah yan.

Caggay 2:23

Yi naqasu Saltiyál-Darabbabelow, too ayro bahha koo heeh, abba koo abeyyooh, migdi gabah ferranto koh acayuk, ummat yi migaaqal xiinisetto. Sinaamak addak doorem koo. Tahat yabtam yoo YALLAY Nabaamak Nabahiyya› » iyye.