Yasaqya 43:1 - NABUWWA KEE MALIKWA

¹ Tonna'mmay ta saaku hay, YALLI siinik iyyam le; Israayiley, sin yuklukeeh inki mara sin abe Dagelti siinik iyyam le. Toh macaay inteenik, «Sin waddem yook, mameysitina. Migaaqal siinih seeceeh; yi mara kinniton.

Yasaqya 43:1 Referans Kwoze

Zakariyya 13:9

Too maray saaboh raaqu waahiyya yakke mara keenik able'gidih, dahab kee lakqo girat elle yasiffiyen innah, girat asiffiyeyyo. Tohuk lakal dooqah gaba yol ruubelon; anu too dooqa keenik oggoleyyo. Yi mara kinnoonum keenih warseyyooh; oson kaadu ‹Atu ni Dagelta kinnito› axcelon» iyye.

Yasaqya 43:7

Yi migaaqal yaaxigen maray anu uklukeeh yoo yaynabeeni'gidih akah ginehiyya inkih gacseyyo» iyye.

Yasaqya 43:21

Ta mara anu inni caagidih gine. Yi fayla abu waa mara yakkeeni'gidih, ken gine» iyyah yan.

Yasaqya 42:6

Yoo YALLA koh sectam; kooy yi naqasuh yanihiyyah qadaalatat seecah an. Ko'lih aneyyooh; koo dacriseyyooh; ummat lih qahdi koo le kabuk heeyyo. Baadal tan ummattah ifu koo abeyyo.

Yasaqya 44:2

YALLAY sin yuklukeeh ina bagut sin giney sin catahiyya siinik iyyam le. Siinik iyyamaa: «Yaqkuubuk rade maraw, mameysitinaay, yi naqoosa kinniton. Kiciyyo maray anu doorehiyya kinniton.

Yasaqya 41:14

Yalli iyyemii: «Israayil ummatey, qunxaah boola le marah tantoonum siinik aaxigeh immay cato akak geytaanam, yooy kudduusuk yan sin Dagelta kinnihiyya kinnuk, mameysitina. Sin wadeeni, yooy kudduusuk yan sin Dagelta kinni.

Yacedkel 16:8

« ‹Sarra aki saaku wokkek gaca waqdi, dadalteeh baxuwwa tekkem kok uble. Qasunuk kok yan xagaral inni saroh exxa koh hayya heeh, koo kiciyyom koh warseh. Tokkel kol digibeyyoomuh qahdi koh culeeh; koo abiteeh yim tekke. Tahat yabtam yoo YALLAY Mulki lehiyya› iyye.

Ermiyaas 50:34

Takkay immay ken cattu waytam, inki celemi. Maa celemiiy inteenik, YALLAY Nabaamak Nabahiyya. Keenit tekkeemih adda isih wagtele. Baabelon mara amaan waysiisele'mmay, gersi mara inkih amaanah xiinisele» iyye.

Malaaki 3:17

YALLAY Nabaamak Nabahiyya iyyeemih, «Too mari yi mara. Anu gaba qidu waa saaku, too mari yi intit fayya le mara akkeleeh; abba isi baxay kay yab yoobbehiyya akah racmata innah, anu too marah racmateyyo.

Ermiyaas 31:3

Israayil ummatey, anu kulli way sin kiciyyo. Tonna leemiik liyo diggay way kore waytat sin dacrisa.

Yasaqya 49:1

Xer baaxol geytima maraw, allahî-baaxoh ayyuntaw, ayti yoh 'cuya, yoo oobbeya. Aabukeemik dumal elle, YALLI yoo dooreeh, yoo meexe; inâ-bagut elle suge way yoo muggaaqisak yoo doore.

Ermiyaas 33:24

‹Ermiyaasow, Israayil kee Yuudâ marak sinam intam maay toobbe? A namma maray anu innih doorehiyyak, ‹Yalli Israayil kee Yuudah ummatay duma dooreh sugehiyya a saaku cineh› 'yaanam iyyan. Wohut mayaadiyaanay, woh iyya mari isih ken burutaah, doolat caddot ken mayablan.

Yasaqya 62:12

Too mari migaaqah, «Yallih ummattay *taahirik tani» deqsitelon. Tonnah kaadu, «YALLI wade ummatta» deqsitelon. Siyon-magaala, «Yalli faxa magaala» deqsiteleeh, «Yalli ahak sarra cabe sinni magaala» deqsitele.

Yasaqya 48:17

YALLAY sin wadahiyya iyyam le. Israayil doore Dageltay *Kudduusuk yani siinik iyyamaa: «Anu YALLAAY; sin Dagelta kinniyo; Sin taagah meqe gita sin yaybulleeh, edde gexxan gita siinih ascasse.

Ermiyaas 33:26

Hununuh toh elle abba hee innal, Yaqkuubuk rade mara kee, inni naqasu Dawud lih hee qahdi, way bayi mahaa. Dawuduk rade marak num dooreyyooh; too num, Abraahim kee Iscaak kee Yaqkuubuk rade marih amol dardaariseyyo. Inni marah uxih racmateyyooh, ahak sarra gaddaleela ken abeyyo› 'yaanam iyye.

Yasaqya 63:16

Ni abba koo. Ni kaxxa abbobti Abraahim kee Israayil nee maaxaginna. Takkay immay YALLAW, ni abbay kulli way nee wada kinnito.

Yasaqya 27:11

A cooxuk ludwa kafta saaku, butukka 'teh taddigille way, agbi girâ-bocoh haysita. Tut radaah geya mara hinna. Ken Kaalik keenih maracmata; ken Dageltay ken yukluke aysa maqaane keenih maaba» 'yaanam qadarah axcetton.

Yasaqya 43:5

Qagseh iyyemii; «Anu sin lih ani'mmay mameysitina. Ayrô-mawqa le kabul tan sin xaylo siinih gacseyyo; ayrô-culmak bahha sin heeh, sin baaxol tittal sin gacseyyo.

Yasaqya 48:20

Tonna'mmay Baabeloonuk amaanah eweqa; Baabelon marak isillima. Ifricay qililisaay a xaagu kulli ikke iysixxiga. YALLI Yaqkuubuk rade maray kay naqoosah yanihiyya wadem baaxô-maggaraqa fanah gexay warisa.

Yasaqya 52:9

YALLI isi magaala umaanek wadeh yaniih, isi ummattat niya heeh yanik, Yarusalaam magaalay abuuruh sugtek, away satta le gaditte ab.

Yasaqya 63:9

Ken taqabi kaa taqbiseeh, tonna leemiik luk suggu 'yen gadaamak ken yeyyeeqe. Ken waddem, malayka hinna YALLA ikkala. Keenih le kacanu kee isih le xuwaawak gexxaamah, ken cate. Dumî dabaanal kulli way amo keenik wagitak suge.

Daaniyel 10:19

Too waqdi yok iyyeemih, ‹Yalli kaxxam koo kicnahak, atu tuk mameysitin. Yallih nagayna ko'lih tanayak, niya haysitaay digga inxic› yok iyye. Usuk ah iyye waqdi anu nagay ekkeh; kaak exceemih, ‹Intam faxxam inxicey, away nagay yoo abtek› kaak exce.

Yasaqya 45:11

YALLAY sin gine siinik iyyam le. Israayil doore Dageltay kudduusuk yani iyyamaa: «Sarra takku waytam elle takke inna kee yi xayloh giddinaamak, num tu yoo essere waay. ‹Ah abaay woh ab› yok maxcina.

Yasaqya 49:26

Siinit xukkuta mari titta akmeloonuuh; sittak caxen qabala yaaquboonu waan waqdi, kamri yooqobe marih innah askirelon. Too waqdi baadal eneyya 'ya mari, anu YALLA kinniyom aaxigele. Sin wadaah xixxibaanek sin yeyyeeqe Dagelta kinniyom aaxigelon. Yaqkuub-Dageltay cayla le kinniyom aaxigelon.»

Yasaqya 51:13

YALLAY sin gineeh qaran fidseeh baaxoh kaadu elle solta rakiibo bicse, hawwenteenii? Kulli waqdi siinit xukkutaah, sin baysam faxa marih bagcarritaamah macah meysittan? Ken bagcarra tu makalta.