Yasaqya 42:9 - NABUWWA KEE MALIKWA

⁹ Duma edde yaabeeh, akkele akak excem tekkeh tan. Taway sarra takku waytam, takkeemik dumal edde yaabe» 'yaanam YALLI iyye.

Yasaqya 42:9 Referans Kwoze

Yasaqya 43:19

Away qusbaamay bicsam faxahiyya liyok, wagita; taway tohih abtoh addat ani'mmay, wagita. Bacarih tan baaxot gita bicseyyooh; bakarroyta le baaxooxal daroori abeyyo.

Yoosuwa 21:45

YALLI Israayil marah abeyyo axcuk xagana akah culeemik tu keenil mamakinnay, inkih keenih duuduse.

1 Malikwa 11:36

Yoo elle yaqbudoonuh anu innih doore Yarusalaam magaalal, sarrî dabaanal Dawud ramadak numuk teeni abba yakke'gidih, Suleeman baxah inki kedo cabeyyo.

Yasaqya 48:3

«Takku waytam xer dabaanal elle warseh sugeeh, akkele akah exce'nnah tekke. Tohum, garciik cube waan waqdi, akah takke'nnah abeeh, tekkeh.

Yasaqya 48:6

Anu edde yabba exceeh, akkele inxicca excem inkih tekkeh. Anu akkele akak excem, akkele'kkal raaqe waytam taamineenimi. Away kaadu qusbaamay duma akke waytehiyya siinih warsa. Daanisaamay isin aaxige waytaana siinih warsa.

Yasaqya 48:5

Tohuk gexxaamah aham takku waytaamat dumaak yaabeh suge. Tohumu, takkeemik dumal naharal akah yaabem, ‹Ah amrisseeh neh abtem, nanu naqbude duyye› axce waytaana'gidi.