Yasaqya 42:5 - NABUWWA KEE MALIKWA

⁵ YALLI inkih yan qaran gineeh fidseeh; baaxo fidseeh baaxô-bagul ubukku intam yuklukeeh; baadal yan marat rooci kee ufuy hee. Usuk qagseh isi naqasuk iyyemii:

Yasaqya 42:5 Referans Kwoze

Yasaqya 40:22

Addunya tuklukem Yalla. Baaxok daga raaqa aracal, dardaarinni korsih bagul, Yalli daffeynah yanih yan. Qaran gubal tan ummatta, qunxah xuune ceelak raqta. Guulah innah qaran fidseh, siraq innah qaran fidseh.

Yasaqya 45:12

Baaxo tuklukem yooy; baaxol gaca'gidih sahdaytu tuklukem yoo. Qaran inni gabat fidise; ayrooy alsa kee cutuuka yi milkih tan.

Zakariyya 12:1

YALLI ruube farmo ah teeti. YALLAY qaran fidiseeh baaxo gineeh sahdaytut rooci heehiyya Israayil marak iyyeemih:

Ermiyaas 10:12

YALLI addunya isi qandet gine. Isih leh yan ixxigat inkih yan baad yukluke. Qaran kaadu fidise Dagelta kinni.

Yasaqya 48:13

Baad elle soola rakiibo inni gabah bicse. Qaran fidissem yoo; qaran kee baaxoh seeca waqdi, yoo yaabben.

Yasaqya 44:24

YALLAY qimbol sin gineeh sin wadehiyya kaadu iyyemii: «YALLI yooy; kullim tuklukem yoo. Mango qaran fidissem dibuk yoo. Baaxo gine saaku num yo'lih masuginna.

Ermiyaas 32:17

«Dooqah excemii, ‹YALLAW, Mulki le Dageltaw, qaran kee baaxo isi nabna kee qandet xisse. Yaffarem le Dagelta hinnito.

Yasaqya 45:18

Macaay inteenik, YALLAY qaran gineh baaxo kaadu gineh, tet bicseeh tet daabiseeh, foyya tet maabinnay sahda dabaaqah elle gacta arac tet abehiyya isih iyyamaa: «Anu YALLA kinniyo; yok sah yalli mayana.

Yasaqya 40:12

Bad gabat tabbixem iyyaay? Hay, gennaqtal iyyi keexa? Gabâ-gennaqtat qaranwa le gide kiyassam iyyaay? Baadal qiddek tanih gide, daasak addal iyyi keexa? Toh Yallak sa num maduuda.

Qaamus 9:6

YALLI isi dabaq qaraanal hee. Baaxok dagal hawa xiseeh, daabiseh. Baddi lee qaran eyyeqqa hayteeh, wadir baaxol tet oobissam kaa. Toh inkih abtam YALLA kinnim ixiga.

Yasaqya 40:28

YALLI waara Goyta kinnim baad inkih gintem kaa kinnim siinih warse num maay suge? Cawal maabaay, maboolaata; kay ixxiga caddo malim aydumah mataaxigaana?

Daaniyel 5:23

qaraanal yan Goytak giddih tan taamah taamitteeh; kay qarik dannabah orbisen kobbaayiy kee sacnittel, koo kee ku xintoh miracwaay ku agabu kee caggô-gubbih caggoh ginnaaqot lito agabu, qinabak bicsen kamri tooqoben. Too waqdi yalla axcuk dahab kee lakqooy nacaas kee biriitaay coox kee xeetik bicissen duyyey tu aabbe waytah tu able waytah tu aaxige waytahiyya faylisse. Yallay koo wadaah koo qidaah atu abba haytem inkih gabat lehiyya massakaxxinnito.

Yasaqya 37:16

«YALLAW, Israayil dooreh, Nabaamak Naba Dageltaw, ku dardaarinnih korsi galwa leemik daga raqta. Addunya xiinissam kooy; kook sah Yalli mayan. Qaran kee baaxo gintem koo.

Yasaqya 40:26

Qaran fan gubaak wagitay; qaraanal tablen cutuuka, gintem iyya siinit celta? Cutuk beytaah, miraacissam ken gine Dagelta kinni. Loowo keenik takkeh gide yaaxigeeh, keenik diggi haa. Migaq keenik tiya-tiyah yaaxigeeh, keenik digga haa. Migaq keenik tiya-tiyah yaaxigeeh, ken mawaagisa; too migaaqal keenih seeca. Yallih qande waado mali. Cayla-li kinnuk Dagelti qaran cutuk faxeh gide, loowo kee mangah yakke way, ken yaaxige; tiyah-tiyah. Kaak mabayan; digga ken haa.

Yasaqya 57:16

Tonnal ahak wadir keenik tu mawaay, ahaysa naqabut ken lih maraaqa. Kulli waqdi tu keenik week, sinam boolaateleeh, niya keenik rabele.

Ermiyaas 27:5

Inni kaxxa qande kee duddat ta addunya gineeh, sahdaytu kee alluwway tet bagul tanihiyya kaadu gine. Innih ginem innih faxe numuh yacayu duuda Dagelta kinniyo.

Ermiyaas 38:16

Too waqdi malik Xidkiya sirrit kaak iyyeemih, «Raba kol ackume waah koo qidam faxa marih gabal koo hee wayu waamah waara Yallay nee yuklukehiyyah migaaqal koh xiibita» iyye.

Yacedkel 18:4

Kulli numih rooci edde yanim yi gaba. Xaleena kee xaylo rooci edde yanim, yi gabah adda. Dambit ase num isih raba» iyye.