Yasaqya 42:19 - NABUWWA KEE MALIKWA

¹⁹ Yi naqoosak intî-sinnah lafita mari mayan. Anu ruube farmoytittek aytî-sinnah lafita mari mayan. Yi naqoosay yoo fan gactehiyyak mari mayan.

Yasaqya 42:19 Referans Kwoze

Yacedkel 12:2

«Atu fanat akak tanim, yabti cina le maraay; makoleela kinnoonumih sabbatah, abalih mayablaanay aabbih mayaabban.

Ermiyaas 5:21

Kee, hawri-maleelay, xangi-maleelay, oobbeya. Inti litoonuh immay matablan; ayti litoonuh immay mataabban.

Ermiyaas 4:22

«YALLI iyyam aabbeh an. Iyyaamah, ‹Yi mari duquuraay; yoo mayaaxigan. Kas sinni qunxa urrih gide ikkal, tut maradan. Uma-taamah abittol ken aleltam matana'mmay meqe taamah waqdi boola lon› 'yaanam axcih aabbe.

Yasaqya 56:10

Israayilit dacayrih yan mari inkih, inti-maleelaay iggimaleela. Oson dacayrih buxat yan kutay tu yableemih kaaye waahiyyah gide. Deerih gacca 'yeenih xiinan. A mari manxu xin kicna. Soonitaanamak sa abaanam malon.

Yasaqya 44:26

Takkay immay yi naqoosa, ‹Annah tanim akkele› akak intem kee yi farmoytit, ‹Yalli nek iyye› axcuk edde yabba 'tem inkih numma akkele. Yarusalaamal ahak sarra ummat dabaaqah gacele. Yuudâ-magaalooli ahak sarra xissiimele. Too magaalooliy abuuruh sugtehiyya ahak sarra xissiimele 'yaanam exceeh; toh akkele.

Yasaqya 41:8

«Hay, Israayil-maray yi naqoosah yanihiyyaw! Yaqkuub-xayloy anu dooritehiyyaw! Abraahimiy yok kataysah yanihiyyak rade maraw!

Yasaqya 26:3

Isi gital digga 'ye mara cooca sinni amaanal xiinissa. YALLAW, too mari kol kibaal haak, wagriiy amaanal ken xiinissa.

Yasaqya 6:9

Too waqdi, «Gexay a farmo ummattah gabat bey» yok iyye. Farmoh yok iyyemii, «Faxeh gide taabbeenimih edde maraddan. Faxeh gide tableenimih takkem kinnim mataaxigan keenik inxic» yok iyye.

Yasaqya 27:5

Toh hinna'mmay yoo wadbiteenik, yo'lih bica mara yakkoonay; yo'lih bica mara yakkoonay› 'yaanam YALLI keenik axcele.

Yasaqya 29:18

Too ayro, kitab addal tanim ayti-mali aabbele. Inti-mali kaxxa diteh addak awqele; inti geele.

Yasaqya 43:8

YALLI isi mara cokmi-qari fan baahe. Intiita loonumuh mayablan; aytiita loonumuh mayaabban.